"Yeni Müsavat" və "Azadlıq" qəzetləri özlərini yenidən ifşa ediblər

Bakı:

26 °C

59 %

3 m/s

Əlaqə

AZ RU EN

Ana səhifə / Siyasət / "Yeni Müsavat" və "Azadlıq" qəzetləri özlərini yenidən ifşa ediblər

"Yeni Müsavat" və "Azadlıq" qəzetləri özlərini yenidən ifşa ediblər

18.08.2010 [09:32]

Bu qəzetlərdə dərc olunmuş materiallara görə, təkziblərin verilməsi artıq ənənəvi hal alıb
Məlum olduğu kimi, müxalifət qəzetləri sensasiya yaratmaq və bununla da, oxucu auditoriyası qazanmaq, qəzetin satışını artırmaq məqsədilə ölkənin nüfuzlu şəxsləri, məmurları haqqında əsassız məlumatlar yayırdılar. Bir müddət əvvəl isə müxalifət qəzetlərində nüfuzlu şəxslər, vəzifə sahibləri və onların ailə üzvləri barədə həqiqətə uyğun olmayan, qərəzli məlumatlar ölkə ictimaiyyəti, KİV-lər tərəfindən sərt tənqid də olundu. Əlbəttə ki, cəmiyyət də bunların hansı məqsədlərə xidmət etdiyini detallı olaraq, obyektiv və qəzəzsiz KİV-lər vasitəsilə öyrəndi. Belə bir ağır vəziyyətlə qarşılaşan müxalifət qəzetləri isə sonda çıxış yolunu özünü ifşa etməkdə və dərc etdiyi materiallarla bağlı təkzib verməkdə gördü.
Konkret olaraq, burada söhbət “Yeni Müsavat” və “Azadlıq” qəzetlərindən gedir. Bu qəzetlərdə dərc olunmuş materiallara görə, təkziblərin verilməsi artıq ənənəvi hal alıb. Bu dəfə də onlar öz üslublarına uyğun olaraq, dərc etdikləri məlumatları təkzib etmək məcburiyyətində qalıblar.
Xatırladaq ki, “Yeni Müsavat” xarici ölkələrin birində yaşayan azərbaycanlı vəzifəli şəxsin qızının erməni millətindən olan şəxslə yaxın münasibətdə olduğunu iddia etmişdi. Qəzetin 16.08.10 tarixli sayında isə həmin məlumatın həqiqətə uyğun olmadığı bildirilir.
“Azadlıq” qəzeti isə iddia etmişdi ki, hansısa millət vəkilinin oğlu məşhur Türkiyə aktrisası Səadət Aksoya dəyəri 250 min manat olan villa bağışlayıb. Qəzetin 16.08.10 tarixli sayında isə bu məlumat təkzib edilib və məsələyə S.Aksoyun münasibəti dərc edilib.
Göründüyü kimi, “Azadlıq” və “Yeni Müsavat” qəzetləri ayrı-ayrı nüfuzlu şəxslərin, xüsusilə, dövlət orqanları rəhbərlərinin şəxsi və ailə həyatına kobud müdaxilə edir, heç bir əsası olmayan, yalan və şantaj xarakterli “məlumatlar” yayırlar...
Qeyd edək ki, mətbuatda söz azadlığından, fikir və məlumat müstəqilliyindən söz düşərkən, bu qəzetlər hər kəsdən öncə səhifə-səhifə materiallar dərc edərək guya Azərbaycanda demokratik dəyərlərə hörmət edilməməsindən ağız dolusu danışırlar. Amma bu hadisələr bir daha subüt etdi ki, Azərbaycanda mədəni-etik kodeksləri, jurnalist peşə-davranış qaydalarını ən çox kobud şəkildə pozan elə məhz, bu qəzetlərdir.
Təbii ki, bu və ya digər qəzetlərin ictimaiyyətdə çaşqınlıq yaratmaq, hakimiyyətdə yüksək vəzifə tutan şəxslər və onların ailə üzvləri haqqında yalnız şayiələrə söykənən fikirləri dəfələrlə təkrarlamaq yolu ilə mənfi rəy formalaşdırmaq cəhdi “qara piar”dır və jurnalist fəaliyyəti ilə heç bir araya sığmır.
Ona görə də, öz uydurduqları məlumatları növbəti saylarında təkzib edən qəzetlərin informasiya siyasəti yalan və böhtan üzərində qurulub və onlar ictimai qınağa məhkumdurlar.
RAMİL

Paylaş:

Baxılıb: 1103 dəfə