Əminə Ağazadə: İnanıram ki, ölkə Prezidenti, Ali Baş Komandan İlham Əliyevin qətiyyəti və müzəffər ordumuzun gücü sayəsində ərazi bütövlüyümüz təmin olunacaq, ədalət öz yerini tapacaq

Bakı:

23 °C

58 %

5 m/s

AZ RU EN

Ana səhifə / Siyasət / Əminə Ağazadə: İnanıram ki, ölkə Prezidenti, Ali Baş Komandan İlham Əliyevin qətiyyəti və müzəffər ordumuzun gücü sayəsində ərazi bütövlüyümüz təmin olunacaq, ədalət öz yerini tapacaq

Əminə Ağazadə: İnanıram ki, ölkə Prezidenti, Ali Baş Komandan İlham Əliyevin qətiyyəti və müzəffər ordumuzun gücü sayəsində ərazi bütövlüyümüz təmin olunacaq, ədalət öz yerini tapacaq

30.10.2020 [08:55]

“Sentyabrın 27-dən başlayaraq erməni təxribatlarının qarşısının alınması istiqamətində aparılan əks-hücum əməliyyatları bir daha Azərbaycan dövlətinin gücünü, Azərbaycan Ordusunun döyüş hazırlığını bütün dünyaya, o cümlədən düşmən Ermənistana nümayiş etdirdi. Qısa zaman kəsiyində işğal altında olan torpaqlarımızın mühüm bir hissəsinin azad edilməsi xalqımızda böyük ruh yüksəkliyi yaradıb. Döyüş meydanında açıq şəkildə məğlubiyyətə uğrayan işğalçı Ermənistan isə düşdüyü acınacaqlı durumu günahsız insanlara, dinc sakinlərə qarşı terror həyata keçirməklə kompensasiya etməyə çalışır. Bütün müharibə qanunlarını, o cümlədən beynəlxalq hüququn norma və prinsiplərini, Cenevrə konvensiyasının tələblərini pozan Ermənistanın Bərdə şəhərinə qarşı qadağan olunmuş “Smerç” tipli raketlərlə atəş açması birmənalı şəkildə hərbi cinayətdir. Müharibə zonasından kənarda yaşayan insanların, günahsız körpələrin qətlə yetirilməsi Ermənistanın faşist mahiyyətinin növbəti ifşasına çevrilir. İnanıram ki, dünya birliyi Bərdə rayonunda, eləcə də Gəncə şəhərində və digər regionlarımızda yaşayan vətəndaşlarımıza qarşı aparılan bu amansız terrora qarşı öz mövqelərini ortaya qoyacaqlar. Ermənistanın hərbi-siyasi rəhbərliyi törətdikləri bu ağır cinayətin məsuliyyətini daşıyacaq”.
Bu fikirləri “Yeni Azərbaycan” qəzetinə açıqlamasında Milli Məclisin deputatı Əminə Ağazadə deyib.
Millət vəkili bildirib ki, bu gün Azərbaycan xalqı birmənalı şəkildə öz Prezidentinin, Ali Baş Komandanın ətrafında birləşərək torpaqların azad edilməsi uğrunda mübarizə aparır. Prezident İlham Əliyevin həyata keçirdiyi uğurlu xarici siyasət kursu nəticəsində Azərbaycanın haqq səsinin beynəlxalq ictimaiyyətə çatdırıldığını deyən Ə.Ağazadə onu da vurğulayıb ki, ötən bir ay ərzində ermənilərin illərlə yaratdıqları mif darmadağın edilib. “Cənab Prezidentimiz aparıcı xarici KİV-lərə müsahibələrində münaqişənin mahiyyəti, Ermənistanın işğalçı siyasət yürütməsi və regiondakı sabitliyə, inkişafa törətdiyi təhdidlərlə bağlı olduqca dəyərli fikirlər bildirib. Bu gün dünyanın aparıcı media orqanları cənab Prezidentimizin fikirlərinə istinad edərək Ermənistanın iç üzünü açır. İnanıram ki, ölkə Prezidenti, Ali Baş Komandan İlham Əliyevin qətiyyəti və müzəffər ordumuzun gücü sayəsində qısa zamanda ərazi bütövlüyümüz təmin olunacaq, ədalət öz yerini tapacaq”, - deyə millət vəkili əlavə edib.
Pərviz SADAYOĞLU

Paylaş:

Baxılıb: 436 dəfə