Dinc azərbaycanlılara qarşı erməni terrorunun qarşısı alınmalıdır

Bakı:

31 °C

41 %

4 m/s

Əlaqə

AZ RU EN

Ana səhifə / Siyasət / Dinc azərbaycanlılara qarşı erməni terrorunun qarşısı alınmalıdır

Dinc azərbaycanlılara qarşı erməni terrorunun qarşısı alınmalıdır

28.07.2020 [09:22]

Xarici ölkələrdə yaşayan soydaşlarımıza qarşı ermənilərin törətdiyi vandalizm aktlarına beynəlxalq ictimaiyyət tərəfindən qiymət verilməlidir
Məlum olduğu kimi, iyulun 12-dən başlayaraq Ermənistan-Azərbaycan dövlət sərhədində təxribat törədən düşmən ölkə istəyinə nail olmadıqda, dinc yaşayış məntəqələrini atəşə məruz qoydu və müxtəlif dezinformasiyalara əl atdı. Daha sonra isə Ermənistan hakimiyyəti təxribatçı hərəkətlərini başqa müstəviyə keçirdi. Belə ki, radikal ermənilər Azərbaycanın müxtəlif dövlətlərdəki diplomatik nümayəndəliklərinə, habelə həmin ölkələrdə aksiya keçirən dinc azərbaycanlılara qarşı vandalizm aktları törətdilər. Ekspertlərin fikrincə, ermənilərin xarici ölkələrdəki təxribatçı hərəkətləri birbaşa rəsmi Yerevan tərəfindən sanksiyalaşdırılıb. Qeyd olunur ki, erməni terrorunun qarşısı alınmalı, dinc azərbaycanlılara qarşı erməni vandalizminə beynəlxalq ictimaiyyət tərəfindən qiymət verilməlidir.
Məsələyə münasibət bildirən Milli Məclisin deputatı Rauf Əliyev də deyib ki, Azərbaycan Ordusu tərəfindən layiqli cavab alan işğalmı Ermənistan təxribatlarını başqa müstəviyə keçirib: “Məkrli qonşumuz bu dəfə öz çirkin siyasətini dünyanın müxtəlif ölkələrində həyata keçirməyə başlayıb. Azərbaycanın bir sıra ölkələrdəki diplomatik nümayəndəliklərinə və dinc aksiya keçirən azərbaycanlılara qarşı radikal erməni qüvvələri müxtəlif təxribatlar törədiblər. Belə ki, xaricdə yaşayan soydaşlarımızın əvvəlcədən razılaşdırılmış dinc aksiyaları Ermənistandan idarə olunan erməni diasporunun nümayəndələri tərəfindən fiziki zorakılıq və aqressiya ilə üzləşib”.
R.Əliyev deyib ki, bu təxribatlar birbaşa mövcud Ermənistan hakimiyyəti tərəfindən yönləndirilir: “Azərbaycanın ABŞ, Avstraliya, Belçika, Böyük Britaniya, Fransa, İsveç, Polşa, Niderland və digər ölkələrdəki diplomatik nümayəndəliklərinin binalarına, eləcə də dinc azərbaycanlı etirazçılara qarşı törədilən təxribatlar ermənilərin əsl mahiyyətini bir daha nümayiş etdirir. Bu, eyni zamanda bir daha sübut edir ki, soydaşlarımıza qarşı həyata keçirilən aqressiv əməllər faşizm ideologiyasını təbliğ edən və babası faşistlərə xidmət etmiş N.Paşinyanın rəhbərlik etdiyi Ermənistan hakimiyyəti tərəfindən sanksiyalaşdırılıb”.
Milli Məclisin İnsan hüquqları komitəsinin üzvü Naqif Həmzəyev isə bildirib ki, beynəlxalq müstəvidə Ermənistanın Azərbaycanın ərazilərini işğal altında saxlaması faktının tanınması rəsmi Yerevanı narahat edib: “Son dövrlər Ermənistandakı avantürist hakimiyyətin yürütdüyü siyasətin daha da fəallaşması da bunu sübut edir. Terorçu ölkənin hegemonluğu və beynəlxalq təşkilatların məsələyə ikili standartlardan yanaşması da müxtəlif ölkələrdə yaşayan soydaşlarımızın hiddətinə səbəb olub. Onlar yaşadıqları ölkələrdə etiraz aksiyaları keçirərək ermənilərin terror aktlarına, dinc əhalini qətlə yetirmələrinə son qoyulmasını tələb edirlər. Ermənilər isə yenə də faşist xislətlərini nümayiş etdirirlər”.
“Təssüflər olsun ki, bu təxribatçı hərəkətlər insan haqları və demokratiyanın mərkəzi sayılan Belçika, Fransa, Almaniya və ABŞ-da baş verir. Beynəlxalq konvensiyalara görə, sırf təhlükəsizlik məsələsi ilə bağlı məsuliyyət hadisənin baş verdiyi ölkələrin üzərinə düşür. Buna görə də ermənilərin vandal və terrorçu hərəkətləri həmin dövlətlər tərəfindən kəskin şəkildə pislənməli, soydaşlarımıza qarşı zorakılıq faktlarını o ölkələrin hüquq-mühafizə orqanları ciddi araşdırmalı və konkret tədbirlər görməlidir. Çünki erməni radikal qruplarının vandallıq aktlarına hüquqi qiymət verilməməsi daha təhlükəli presedentlərin yaranmasına səbəb ola bilər”, - deyə N.Həmzəyev qeyd edib.
Q.ZİYƏDDİNOĞLU

Paylaş:

Baxılıb: 439 dəfə