Azərbaycan-Sloveniya parlamentlərarası əməkdaşlıq əlaqələrinin perspektivlərinə dair müzakirələr aparılıb

Bakı:

22 °C

58 %

1 m/s

AZ RU EN

Ana səhifə / Siyasət / Azərbaycan-Sloveniya parlamentlərarası əməkdaşlıq əlaqələrinin perspektivlərinə dair müzakirələr aparılıb

Azərbaycan-Sloveniya parlamentlərarası əməkdaşlıq əlaqələrinin perspektivlərinə dair müzakirələr aparılıb

19.06.2020 [08:54]

İyunun 18-də Milli Məclisdə Azərbaycan-Sloveniya parlamentlərarası əlaqələr üzrə işçi qrupunun rəhbəri Ağalar Vəliyev ilə bu ölkənin parlamentində Azərbaycanla dostluq qrupunun rəhbəri Matyaz Nemek arasında videokonfrans formatında görüş keçirilib.
Bu barədə AZƏRTAC-a Milli Məclisin Mətbuat və ictimaiyyətlə əlaqələr şöbəsindən məlumat verilib.
Görüşdə Ağalar Vəliyev iki ölkə arasındakı dostluq münasibətlərini məmnunluqla qeyd edib. Bildirib ki, Sloveniya ilə siyasi münasibətlərimizin yüksək səviyyədə olması iqtisadi və ticari əlaqələrimizə də müsbət təsir göstərir. O, ölkələrimiz arasında əlaqələrin inkişafında dövlət başçılarının, hökumət və parlament rəhbərlərinin qarşılıqlı səfərlərinin və bu səfərlər zamanı əldə olunan razılaşmaların və imzalanan sənədlərin əhəmiyyətindən danışıb. Ölkələrimiz arasında 12 sənədin imzalandığı vurğulanıb. Parlamentlərarası əməkdaşlığın inkişaf perspektivlərindən söz açan deputat beynəlxalq təşkilatlar çərçivəsində münasibətlərin əhəmiyyətini qeyd edib.
Ağalar Vəliyev COVID-19 pandemiyasının ölkə rəhbərliyi tərəfindən Azərbaycanda yayılmasının qarşısının alınması, əhalinin sosial müdafiəsinin gücləndirilməsi istiqamətlərində bütün zəruri tədbirlərin görüldüyünü diqqətə çatdırıb. Azərbaycan dövlətinin Ümumdünya Səhiyyə Təşkilatına ianələr köçürdüyünü, ehtiyacı olan 29 ölkəyə humanitar yardımlar etdiyini deyib.
Söhbət zamanı Ermənistan-Azərbaycan Dağlıq Qarabağ münaqişəsindən, Xocalı soyqırımından danışan deputat 2014-cü ildə Sloveniya parlamentində Dağlıq Qarabağ münaqişəsinə, 2016-cı ildə isə Xocalı faciəsinə dair qətnamələrin qəbul olunmasını yüksək dəyərləndirib. Sloveniyanın ölkəmizin haqlı mövqeyini dəstəklədiyinə görə minnətdarlığını bildirib.
Sloveniya-Azərbaycan parlamentlərarası dostluq qrupunun rəhbəri Matyaz Nemek qanunverici orqanların yüksək səviyyəli əlaqələrinin iki ölkə arasındakı münasibətlərin inkişafında oynadığı roldan danışıb. Ölkəmizin tarixinə, mədəniyyətinə və dahi şəxsiyyətlərinə olan dərin ehtiramını ifadə edib. Azərbaycanın iqtisadi inkişafı barədə kifayət qədər məlumatlı olduğunu bildirən Matyaz Nemek əməkdaşlığın möhkəmləndirilməsi üçün qarşılıqlı səfərlərin intensivləşdirilməsinin əhəmiyyətini qeyd edib.
Videogörüşdə tərəfləri maraqlandıran məsələlər ətrafında fikir mübadiləsi aparılıb.

Paylaş:

Baxılıb: 355 dəfə