Əli Əhmədov: Xaricdə yaşayan mühacir azərbaycanlıların etiraflarını, onların dövlətimizlə əməkdaşlıq etmək istəyini yüksək qiymətləndiririk

Bakı:

27 °C

45 %

6 m/s

AZ RU EN

Ana səhifə / Siyasət / Əli Əhmədov: Xaricdə yaşayan mühacir azərbaycanlıların etiraflarını, onların dövlətimizlə əməkdaşlıq etmək istəyini yüksək qiymətləndiririk

Əli Əhmədov: Xaricdə yaşayan mühacir azərbaycanlıların etiraflarını, onların dövlətimizlə əməkdaşlıq etmək istəyini yüksək qiymətləndiririk

17.05.2019 [09:59]

“Xaricdə yaşayan bəzi mühacir azərbaycanlıların etiraflarını, onların dövlətimizlə əməkdaşlıq etmək istəyini yüksək qiymətləndiririk. Biz istəyərdik ki, Azərbaycanın siyasi həyatında iştirak edən insanların hər biri ölkəmizin maraqlarına xidmət etsin və bu maraqları daim uca tutsun, dövlətimizin maraqlarına uyğun fəaliyyət göstərsin”. Bu fikirləri Baş nazirin müavini, Yeni Azərbaycan Partiyası (YAP) Sədrinin müavini-İcra katibi Əli Əhmədov jurnalistlərin suallarını cavablandırarkən deyib.
Əli Əhmədov bildirib ki, düzgün yolla hərəkət edən insanların fəaliyyəti cəmiyyətimiz tərəfindən müsbət qiymətləndiriləcək. Digər tərəfdən, onların doğru yola gəlməsi milli maraqlarımızın daha da gücləndirilməsinə xidmət göstərəcək: “Ümummilli Liderimiz Heydər Əliyevin vaxtilə dediyi bu fikirlər böyük məna kəsb edir ki, kim müxalifətdə olmaq istəyirsə olsun, amma heç kim öz dövlətinə və xalqına müxalifətdə olmamalıdır. Bizim istəyimiz odur ki, əqidəsindən, siyasi dünyagörüşündən asılı olmayaraq, hər bir azərbaycanlı, ilk növbədə, Azərbaycan vətəndaşı olduğunu dərk etsin, dövlətimizin maraqlarına xidmət etsin, davranışları ilə dövlətimizin adına ləkə gətirməsin, ölkəmizin imicinə zərər vurmasın. Bizim indiyə qədər müxalifətin bəzi təmsilçiləri ilə əlaqədar söylədiyimiz tənqidi fikirlərin kökündə bu dayanır ki, xidmət etdiyi hansısa maraqları Azərbaycan dövlətinin maraqlarından üstün tuturlar. Bundan savayı, bizim onları tənqid etməyimiz üçün hər hansı səbəb yoxdur. Əgər bu yoldan çəkiləcəklərsə, normal və konstruktiv mövqedə olacaqlarsa, Azərbaycan iqtidarı, YAP onların fəaliyyətinə qarşı tənqidi fikirlər işlətməyəcəkdir. Düzgün yolda olanlara uğurlar arzulayıram”.
YAP Sədrinin müavini qeyd edib ki, dünyanın o ölkələrində, sözün həqiqi mənasında, siyasi cəhətdən sabitlik olur ki, orada müxalifət ölkənin maraqlarını uca tutur, buna uyğun fəaliyyət göstərir və hər hansı xarici qüvvənin əlində alətə çevrilmir: “Ölkəmizdə də siyasətlə məşğul olan insanlar yalnız və yalnız Azərbaycanın dövlət maraqlarına uyğun hərəkət etməlidirlər. Keçirilən seçkilərdə də bu amil əsasdır. Əks halda, başqa variantlar onlara uğur gətirə bilməz, əksinə, siyasi uçuruma yuvarlanacaqlar”.

Paylaş:

Baxılıb: 683 dəfə