Sevinc Fətəliyeva: Ənənəvi mediada və sosial şəbəkələrdə dözümsüzlüyün və zorakılığın təbliği yolverilməzdir

Bakı:

26 °C

61 %

8 m/s

AZ RU EN

Ana səhifə / Siyasət / Sevinc Fətəliyeva: Ənənəvi mediada və sosial şəbəkələrdə dözümsüzlüyün və zorakılığın təbliği yolverilməzdir

Sevinc Fətəliyeva: Ənənəvi mediada və sosial şəbəkələrdə dözümsüzlüyün və zorakılığın təbliği yolverilməzdir

26.04.2018 [09:13]

Azərbaycan həm daxili, həm də xarici siyasətin mühüm istiqaməti kimi multikulturalizm siyasətini həyata keçirir. Bu siyasət fərqli millətlərin və konfessiyaların nümayəndələrinə münasibətdə etik normalara və qaydalara riayət olunmasına əsaslanır, ənənəvi mediada və sosial şəbəkələrdə dözümsüzlüyün və zorakılığın təbliğatının istənilən təzahürünə qarşı çıxır.
AZƏRTAC xəbər verir ki, bu fikri AŞPA-dakı nümayəndə heyətimizin üzvü Sevinc Fətəliyeva qurumun yaz sessiyasında birgə debatlar zamanı çıxışında söyləyib. O deyib: “Azərbaycanda media nümayəndələri hər gün heç bir maneə ilə rastlaşmadan dövlət və qeyri-dövlət orqanlarının fəaliyyətini araşdırır, əgər əsasları varsa tənqid də edirlər. Tənqid adı altında qara yaxmaq, təhqir, şantaj etmək isə qəbuledilməzdir. Jurnalistika fəaliyyəti heç kimə müstəsna hüquqlar və digər vətəndaşlarla müqayisədə üstün səlahiyyətlər vermir. Jurnalistika fəaliyyəti ilə məşğul olan hər kəs yaşadığı və fəaliyyət göstərdiyi ölkənin qanunlarına riayət etməyə borcludur”.
Sevinc Fətəliyeva qeyd edib ki, müasir dövrdə sosial şəbəkə erasında jurnalistika anlayışı dəyişib. Hər bir şəxs mütəmadi olaraq informasiya yayırsa, proseslərlə bağlı öz baxışlarını, mövqeyini nümayiş etdirirsə özünü jurnalist adlandıra bilir. Bizi narahat edən məsələ jurnalistikada peşəkarlığın olmamasıdır.
Deputat bildirib ki, müzakirə olunan mövzu kontekstində universal meyar və prinsipləri özündə əks etdirən jurnalist kodeksini xatırlamaq yerinə düşər. Tam sərbəstlik şəraitində mediadan şəxsi məqsədlər üçün istifadə etmək cəhdlərinin artması ictimaiyyətin diqqətini jurnalist fəaliyyətinin mənəvi aspektlərinə cəlb edir. Müxtəlif növ və səviyyələrdə olan bir çox nəşrlər polemika mədəniyyətinin aşağı səviyyədə olması, opponentlərin fikirlərinin təhrif edilməsi, fərqli baxışlara münasibətdə düşmənçilik göstərməsi ilə seçilir.
Söz və ifadə azadlığı jurnalistin fəaliyyətinin ayrılmaz bir hissəsidir. Cəmiyyətin deyil, hakimiyyətin və ya təsisçinin maraqlarına xidmət etmək jurnalist etikasının pozulması deməkdir. Jurnalist insanın şəxsi həyatına hörmətlə yanaşmalıdır.
Jurnalist kodeksinə toxunan millət vəkili 1983-cü ildə beynəlxalq və regional jurnalist qurumlarının qəbul etdiyi “Jurnalist etikasının beynəlxalq prinsipləri” adlı sənədi xatırladıb. Bildirib ki, həmin prinsiplər media işçilərinin xəbərləri həqiqətə uyğun və dürüst şəkildə yaymasını və insanların öz fikirlərini sərbəst şəkildə ifadə etmək və məlumatları sərbəst şəkildə almaq hüququnu təmin etmələrini tələb edir. Dünya jurnalist ictimaiyyəti tərəfindən hazırlanmış peşəkar və etik standartlar obyektiv qərarlar qəbul etməyə, azad yaradıcılıq məkanının sərhədlərini müəyyənləşdirməyə kömək edir.

Paylaş:

Baxılıb: 561 dəfə