Heydər Əliyev
yeni azerbaycan logo

Ana səhifə / Siyasət / Milli Məclisin Gənclər və idman komitəsinin 2018-ci ilin yaz sessiyasının işlər planı təsdiq edilib

Milli Məclisin Gənclər və idman komitəsinin 2018-ci ilin yaz sessiyasının işlər planı təsdiq edilib

27.01.2018 [10:19]

Yanvarın 26-da Milli Məclisin Gənclər və idman komitəsinin iclası keçirilib.
AZƏRTAC xəbər verir ki, iclasda 2017-ci ilin payız sessiyası ərzində komitədə görülən işlər barədə hesabat və 2018-ci ilin yaz sessiyası üçün iş planının layihəsi təqdim edilib.
Komitə sədri Fuad Muradov məlumat verib ki, 2017-ci ilin payız sessiyası dövründə komitənin keçirdiyi iclaslarda “Bədən tərbiyəsi və idman haqqında” Qanunda dəyişikliklərin edilməsi barədə və bir sıra digər məsələlər müzakirə olunub.
Sonra Fuad Muradov 2018-ci ilin yaz sessiyası üçün iş planı barədə söhbət açıb. Bildirilib ki, komitədə “Gənclər siyasəti haqqında”, “İdmanda dopinq vasitələrinin və ya metodlarının istifadəsinə qarşı mübarizə haqqında”, “Bədən tərbiyəsi və idman haqqında” qanunlara nəzərdə tutulan əlavə və dəyişikliklərə baxılacaq, “Bədən tərbiyəsi və idman fəaliyyətində yetkinlik yaşına çatmayanların mühafizəsi haqqında”, habelə səhiyyə komitəsi ilə birgə “Reproduktiv sağlamlıq haqqında” yeni qanun layihələri müzakirə olunacaq.
Nəzərə çatdırılıb ki, sessiya müddətində 2 Fevral - Gənclər gününə həsr olunmuş ictimai dinləmələr, fəal gənclər və gənclər təşkilatları ilə bir sıra görüşlər planlaşdırılır. Deputatlar Xocalı soyqırımı, 31 Mart Azərbaycanlıların soyqırımının 100 illik ildönümü ilə bağlı tədbirlərdə iştirak edəcəklər. Prezident İlham Əliyevin 2018-ci ilin ölkəmizdə “Azərbaycan Xalq Cümhuriyyəti İli” elan olunması ilə bağlı Sərəncamına uyğun olaraq, komitə üzvləri gənclər sektorunda maarifləndirmə işini həyata keçirəcəklər. Milli Məclisin deputatları Ümummilli lider Heydər Əliyevin 95 illik yubileyinə həsr olunmuş tədbirlərə qatılacaqlar.
İclasda komitənin 2017-ci ilin payız sessiyasında fəaliyyəti yüksək qiymətləndirilib, 2018-ci ilin yaz sessiyasının işlər planı təsdiq edilib.

Paylaş:
Baxılıb: 539 dəfə

Xəbər lenti

Hamısına bax

YAP xəbərləri

Gündəm

Analitik

Analitik

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30