Heydər Əliyev
yeni azerbaycan logo

Ana səhifə / Siyasət / Əli Əhmədov: Hakim partiyalar arasında imzalanan memorandum ölkələrimiz arasında münasibətlərə də öz töhfəsini verəcək

Əli Əhmədov: Hakim partiyalar arasında imzalanan memorandum ölkələrimiz arasında münasibətlərə də öz töhfəsini verəcək

05.05.2015 [10:29]

“Yeni Azərbaycan Partiyası (YAP) bir çox ölkələrin siyasi partiyaları ilə əməkdaşlıq edir. Zaman-zaman bu partiyaların sırasına yeniləri əlavə olunur. Beləliklə, YAP-ın dostlarının coğrafiyası genişlənməkdədir”. Bunu YAP Sədrinin müavini - İcra katibi, Baş nazirin müavini Əli Əhmədov YAP və Serbiya Tərəqqipərvər Partiyası arasında Əməkdaşlıq haqqında Anlaşma Memorandumunun imzalanmasına münasibət bildirərkən deyib.
Əli Əhmədov qeyd edib ki, bu ilin aprel ayında Serbiya Tərəqqipərvər Partiyasının sədri, Serbiyanın Baş naziri Aleksandr Vuçiç ölkəmizdə səfərdə olub, səfər zamanı Azərbaycan Prezidenti və digər səlahiyyətli şəxslərlə ikitərəfli maraqlarımıza uyğun olan danışıqlar aparılıb. Azərbaycan-Serbiya münasibətlərinin inkişaf etdiyini deyən Əli Əhmədovun sözlərinə görə, hakim partiyalar arasında imzalanan memorandum ölkələrimiz arasında münasibətlərə də öz töhfəsini verəcək.
“Beləliklə, partiyamızın dostlarının sırası genişlənir, həm də partiyalarla əməkdaşlıq etməklə dövlətlərimiz arasında münasibətlərin inkişafına öz töhfəmizi veririk. Güman edirəm ki, Azərbaycanın ərazi bütövlüyünün tanınması ilə bağlı dəfələrlə bəyanat vermiş Serbiya bundan sonra da bu mövqeyində davam edəcək. İqtisadi münasibətlər isə qarşılıqlı maraqlar əsasında inkişaf edir”, - deyə YAP Sədrinin müavini vurğulayıb.

Paylaş:
Baxılıb: 586 dəfə

Xəbər lenti

Hamısına bax

İqtisadiyyat

Sosial

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31