Mübariz Qurbanlı: Prezidentin bu uğurları Azərbaycanın və xalqın uğurlarıdır

Bakı:

25 °C

66 %

4 m/s

Əlaqə

AZ RU EN

Ana səhifə / Siyasət / Mübariz Qurbanlı: Prezidentin bu uğurları Azərbaycanın və xalqın uğurlarıdır

Mübariz Qurbanlı: Prezidentin bu uğurları Azərbaycanın və xalqın uğurlarıdır

26.12.2014 [10:00]

“Azərbaycan Prezidenti İlham Əliyevin həyata keçirdiyi siyasət haqqında çox geniş danışmaq olar. Mən burada üç əsas istiqaməti qeyd etmək istərdim. Birincisi, iqtisadiyyat, ikincisi xarici siyasət və nəhayət üçüncüsü isə Azərbaycan cəmiyyətində milli-mənəvi dəyərlərin qorunmasıdır”. Bunu SİA-ya Dini Qurumlarla İş üzrə Dövlət Komitəsinin sədri Mübariz Qurbanlı Azərbaycanın 2014-cü ildə qazandığı uğurlardan danışarkən deyib.
Komitə sədrinin sözlərinə görə, Azərbaycan iqtisadi sahədə artıq regionda lider ölkədir: “İqtisadi sahədə Azərbaycan vətəndaşının rifahı yüksəlib. İnsan amili, insan inkişafı məsələsində biz dünyada aparıcı yerləri tutan ölkələrə yaxınlaşmaqdayıq. Bizim iqtisadi sahədə ən böyük uğurumuz Azərbaycanın bölgə ölkələri ilə müqayisədə öncül mövqeyə çıxmasıdır. Xarici siyasət sahəsində ölkəmiz dünya siyasətində aparıcı rol oynayan ölkələrlə birlikdə regionda baş verən hadisələrə təsir etmək imkanı qazanıb. Azərbaycan BMT TŞ-yə sədrlik edərkən ölkəmiz özünün prioritet xarici siyasət istiqamətlərini ifadə edib. Bununla belə, biz xarici siyasətimizdə dost ölkələrin sayını artırmışıq, Ermənistanı himayə edənləri neytral vəziyyətə gətirmişik, təcavüzkar, işğalçı ölkənin beynəlxalq miqyasda ifşa olunması və onun bütövlükdə hər hansı bir dayaqdan məhrum edilməsi üçün böyük addımlar atmışıq. Təbii ki, hücum diplomatiyası yolu ilə bu istiqamətdə nailiyyət qazanmışıq”.
Mübariz Qurbanlı deyib ki, milli-mənəvi dəyərlər dedikdə isə Azərbaycan cəmiyyətində mənəvi-psixoloji durum göz önünə gəlir: “Azərbaycanda əhalinin mənəvi-psixoloji durumu kifayət qədər yüksək səviyyədədir. Prezidentinə, dövlətinə, müstəqilliyinə, gələcəyinə böyük inam var. Eyni zamanda, ölkəmizdə milli-mənəvi dəyərlərimizin, ənənələrimizin, o cümlədən, İslami dəyərlərə söykənən dinimizin himayə olunması, qorunması istiqamətində də dövlət başçısı çox böyük bir siyasət həyata keçirib. Azərbaycanda məscidlər, ibadət yerləri bərpa olunub, eləcə də ölkəmizdə müxtəlif konfensiyalar arasında birlik və vəhdət əldə edilib. Bütün bunlar Prezident İlham Əliyevin Ulu öndər Heydər Əliyevin əsasını qoyduğu strateji və taktiki prinsipləri kifayət qədər elmi əsaslara söykənən siyasətinin uğurlu davamıdır. Prezidentimizin bu uğurları Azərbaycanın və xalqın uğurlarıdır”.

Paylaş:

Baxılıb: 695 dəfə