Siyavuş Novruzov: Bu gün sinəsinə döyənlərin çoxu qapıları döyüləndə müraciətə qol çəkməmişdilər

Bakı:

23 °C

60 %

5 m/s

Əlaqə

AZ RU EN

Ana səhifə / Siyasət / Siyavuş Novruzov: Bu gün sinəsinə döyənlərin çoxu qapıları döyüləndə müraciətə qol çəkməmişdilər

Siyavuş Novruzov: Bu gün sinəsinə döyənlərin çoxu qapıları döyüləndə müraciətə qol çəkməmişdilər

17.10.2014 [09:39]

“İmzatoplamada əsasən Əli Nağıyev, Hacıbala Abutalıbov, Zahid Qaralov, Eldar İbrahimov, Həsən Mirzəyev, Murtuz Ələsgərov, Səfiyar Musayev, Siruz Təbrizli iştirak edirdi”
“O zaman Azərbaycanda ictimai-siyasi vəziyyət çox gərgin idi. Hakimiyyətin başında dayananlar dövləti parçalamışdılar, vətəndaş müharibəsi gedirdi, separatçı qüvvələr ortaya çıxmışdı. Torpaqlarımız hərc-mərclikdən istifadə edən ermənilər tərəfindən işğal edilirdi. Belə bir dönəmdə Ümummilli lider Heydər Əliyevə “Azərbaycan Sizin sözünüzü gözləyir” adlı müraciət ünvanlandı”. Bunu SİA-ya açıqlamasında YAP İcra katibinin müavini, millət vəkili Siyavuş Novruzov deyib.
Onun sözlərinə görə, həmin müraciətə qədər bir çox insan dəfələrlə Naxçıvana Ulu öndərin yanına gedərək Azərbaycanı düşdüyü ağır vəziyyətdən xilas etməyi xahiş edirdi: “Nümayəndə heyəti 3 dəfə dahi şəxsiyyətin ziyarətində olmuş, hər bir gedişatı müzakirə etmişdi. Məhz bu baxımdan da, ziyalıların Ulu öndərə müraciəti vacib amil sayılırdı. Bunun üçün əvvəlcə siyasi partiya yaratmaq, daha sonra isə sivil yolla, seçkilərin keçirilməsi ilə hakimiyyətə gəlmək lazım idi. Azərbaycanın bütün bölgələrindən tanınmış ziyalılar müraciət qəbul etdilər ki, bu da Yeni Azərbaycan Partiyasının (YAP) yaranmasında müstəsna rol oynadı. YAP-ın yaranmasına dair Ümummilli liderin razılığı məhz ziyalıların müraciətindən sonra oldu”.
S.Novruzov qeyd edib ki, bu gün sinəsinə döyüb irəli atılanların əksəriyyəti qapıları döyülən zaman müraciətə qol çəkməmişdilər: “1990-cı illərdə Milli Məclisin üzvü olanların, müxtəlif adlarla təltif edilənlərin demək olar ki, əksəriyyətinin qapısı döyülmüşdü. Əksəriyyəti Ulu öndər Heydər Əliyevin çörəyini yeyənlər olsa da, onlar bu müraciətə qol çəkməyi rədd etmişdilər. Siyahıya baxsaq, orada sayılı mədəniyyət işçilərinin adlarını görərik. “91-lər”in müraciətində elm adamları daha çox aktivlik göstərirdilər. İmzatoplamada iştirak edənlər bu günə qədər yaddaşımdadır. İmzatoplamada əsasən Əli Nağıyev, Hacıbala Abutalıbov, Zahid Qaralov, Eldar İbrahimov, Həsən Mirzəyev, Murtuz Ələsgərov, Səfiyar Musayev, Siruz Təbrizli iştirak edirdi”.
YAP İcra katibinin müavini S.Novruzov onu da bildirib ki, Ulu öndər Heydər Əliyevə ziyalıların müraciəti ilk dəfə “Əlincə” Xeyriyyə Cəmiyyətinin rəsmi orqanı olan “Səs” qəzetində çap edilib: “Başda “Səs” qəzetinin o zamankı baş redaktoru Ağabəy Əsgərov olmaqla, ümumilikdə qəzetin kollektivi çox böyük sınaqlardan keçərək, aktivlik nümayiş etdiriblər. Bütövlükdə “91-lər” Yeni Azərbaycan Partiyasının Qızıl Fondudur”.

Paylaş:

Baxılıb: 830 dəfə