Bakıda Beynəlxalq Dəniz Nəqliyyatı İşçiləri Həmkarlar İttifaqı İcraiyyə Komitəsinin iclası keçirilib

Bakı:

21 °C

60 %

7 m/s

AZ RU EN

Ana səhifə / Siyasət / Bakıda Beynəlxalq Dəniz Nəqliyyatı İşçiləri Həmkarlar İttifaqı İcraiyyə Komitəsinin iclası keçirilib

Bakıda Beynəlxalq Dəniz Nəqliyyatı İşçiləri Həmkarlar İttifaqı İcraiyyə Komitəsinin iclası keçirilib

18.09.2014 [09:57]

Sentyabrın 17-də Bakıda Beynəlxalq Dəniz Nəqliyyatı İşçiləri Həmkarlar İttifaqı İcraiyyə Komitəsinin iclası keçirilib.
AzərTAc xəbər verir ki, iclasdan əvvəl Beynəlxalq Dəniz Nəqliyyatı İşçiləri Həmkarlar İttifaqının və Azərbaycan Həmkarlar İttifaqları Konfederasiyasının əməkdaşları Fəxri xiyabana gələrək xalqımızın Ümummilli lideri Heydər Əliyevin xatirəsini yad edib, məzarı önünə tər güllər qoyublar.
Görkəmli oftalmoloq alim, akademik Zərifə xanım Əliyevanın və məşhur estrada müğənnisi Müslüm Maqomayevin də xatirələri yad olunub, məzarları üzərinə gül dəstələri düzülüb.
Sonra Şəhidlər xiyabanına gələn iclas iştirakçıları Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının məzarlarını ziyarət ediblər.
Azərbaycan Həmkarlar İttifaqları Konfederasiyasının sədri, Milli Məclisin deputatı Səttar Mehbalıyev İcraiyyə Komitəsinin iclasını açaraq ölkəmizin son illərdə əldə etdiyi nailiyyətlərdən danışıb, cəmiyyətimizin bütün sahələrindəki inkişafı xatırladaraq deyib: “Azərbaycan Prezidenti İlham Əliyevin apardığı məqsədyönlü sosial-iqtisadi siyasət nəticəsində ölkədə mühüm layihələr həyata keçirilib, əhalinin maddi rifahı xeyli yaxşılaşdırılıb. Regionların inkişafı üzrə Dövlət proqramları uğurla reallaşdırılır, nəqliyyat və yol infrastrukturuna böyük investisiyalar qoyulur, nəhəng sosial layihələr həyata keçirilir”.
S.Mehbalıyev Xəzər dənizinin qədim zamanlardan dəniz nəqliyyatçılarının gərgin əməyinə şahidlik etdiyini vurğulayaraq bildirib ki, Xəzəryanı ölkələrin iqtisadi əlaqələri dərin köklərə malikdir. Xəzərdə ticarət gəmiçiliyinin inkişafı ilə Bakı buxtasının əhəmiyyəti xeyli artıb. Yaxın-uzaq xarici ölkələrə neft məhsulları əsrlər boyu dəniz nəqliyyatı ilə daşınıb. İkinci Dünya müharibəsi illərində cəbhədə istifadə olunan neftin 75 faizi Bakıdan dəniz yolu ilə aparılıb.
Diqqətə çatdırılıb ki, Azərbaycan Həmkarlar İttifaqları Konfederasiyası 1,6 milyon üzvü birləşdirən 27 sahə və sahələrarası həmkarlar təşkilatından ibarətdir. Həmkarlar İttifaqı təşkilatları respublikada əhalinin məşğulluq problemləri, işçilərin əməyinin mühafizəsi və hüquqlarının qorunması ilə bağlı məsələlərə, eləcə də üzvlərin təşkilatlanmasına xüsusi diqqət yetirir.
Beynəlxalq Dəniz Nəqliyyatı İşçiləri Həmkarlar İttifaqı İcraiyyə Komitəsinin sədri Georgi Stolyarenko Azərbaycanda həmkarlar təşkilatlarının çox iş gördüyünü, böyük nüfuzu olduğunu deyib. G.Stolyarenko bildirib ki, məqsədimiz azərbaycanlı həmkarlarımızla əlaqələri genişləndirmək, qarşılıqlı təcrübə mübadiləsindən yararlanmaqdır.
İclasda Beynəlxalq Dəniz Nəqliyyatı İşçiləri Həmkarlar İttifaqının xətti ilə görüləcək işlərdən danışılıb, bu sahədə birgə fəaliyyətlə bağlı fikir mübadiləsi aparılıb.

Paylaş:

Baxılıb: 1531 dəfə