Bakıda Dünya Turizm Təşkilatı Avropa Komissiyasının 57-ci iclası çərçivəsində “Səmərəli turizm klasterlərinin inkişafı” mövzusunda seminar keçirilib

Bakı:

17 °C

88 %

5 m/s

AZ RU EN

Ana səhifə / Siyasət / Bakıda Dünya Turizm Təşkilatı Avropa Komissiyasının 57-ci iclası çərçivəsində “Səmərəli turizm klasterlərinin inkişafı” mövzusunda seminar keçirilib

Bakıda Dünya Turizm Təşkilatı Avropa Komissiyasının 57-ci iclası çərçivəsində “Səmərəli turizm klasterlərinin inkişafı” mövzusunda seminar keçirilib

04.04.2014 [09:03]

Aprelin 3-də Bakıda BMT-nin Dünya Turizm Təşkilatı (UNWTO) Avropa Komissiyasının 57-ci iclası çərçivəsində “Səmərəli turizm klasterlərinin inkişafı” mövzusunda seminar keçirilib.
AzərTAc xəbər verir ki, seminarda, ümumilikdə, 31 ölkənin, həmçinin Dünya Turizm Təşkilatının nümayəndələri, ekspertləri, Avropa ölkələrinin aidiyyəti qurumlarının nümayəndələri iştirak ediblər.
Mədəniyyət və turizm naziri Əbülfəs Qarayev Dünya Turizm Təşkilatının 57-ci iclasının və seminarın Azərbaycanda təşkil edilməsini yüksək qiymətləndirib. Nazir bildirib ki, bu tədbirlər turizm sahəsində təcrübə və fikir mübadiləsinin aparılması, ölkələrarası əməkdaşlığın genişləndirilməsi baxımından çox əhəmiyyətlidir. Eyni zamanda, bu tədbirlər Azərbaycanın turizm potensialını Avropada təbliğ etməyə geniş imkan yaradır.
Son illər Azərbaycanda turizmin inkişafı baxımından görülmüş işlərdən söz açan Ə.Qarayev bildirib ki, bu sahənin inkişafı Prezident İlham Əliyevin diqqət mərkəzindədir. Dövlətimizin başçısının tapşırığı əsasında beş il bundan əvvəl əsası qoyulan və bu gün minlərlə turistin ən gözəl istirahət mərkəzinə çevrilmiş Qusardakı Şahdağ Qış-Yay Turizm kompleksinin istifadəyə verilməsini Azərbaycanın turizm sahəsində böyük uğuru kimi qiymətləndirən nazir deyib ki, hazırda bu sahənin inkişafı ilə bağlı işlər davam etdirilir.
Azərbaycanda olmasından məmnunluğunu ifadə edən Dünya Turizm Təşkilatının baş katibi Taleb Rifai ölkəmizin turizmin inkişafına verdiyi dəyərli töhfələrdən söz açıb.
Prezident İlham Əliyevin turizmin inkişafına göstərdiyi diqqət və qayğını yüksək qiymətləndirən natiq vurğulayıb ki, məhz bu işlər nəticəsində Azərbaycanda viza rejimi sadələşdirilib və ölkədə elektron viza sisteminin tətbiqinə başlanılıb. Bütün bunlar olduqca təqdirəlayiq işlərdir.
Dünya Turizm Təşkilatının baş katibi deyib ki, qarşıdakı illərdə Azərbaycanın ev sahibliyi edəcəyi birinci Avropa Oyunları, IV İslam Həmrəyliyi Oyunları, eləcə də digər beynəlxalq tədbirlər ölkənin nüfuzunu artırmaqla yanaşı, buraya gələn turistlərin sayında ciddi artıma da müsbət təsir edəcək.
Dünya Turizm Təşkilatının baş katibi Taleb Rifai seminarın işinə uğurlar arzulayıb və bir sıra təkliflərini səsləndirib.

Paylaş:

Baxılıb: 831 dəfə