Milli Azərbaycan Tarixi Muzeyində YAP-ın yaranmasının 21-ci ildönümü münasibətilə tədbir keçirilib

Bakı:

24 °C

54 %

6 m/s

AZ RU EN

Ana səhifə / Siyasət / Milli Azərbaycan Tarixi Muzeyində YAP-ın yaranmasının 21-ci ildönümü münasibətilə tədbir keçirilib

Milli Azərbaycan Tarixi Muzeyində YAP-ın yaranmasının 21-ci ildönümü münasibətilə tədbir keçirilib

19.11.2013 [09:00]

Dünən Milli Azərbaycan Tarixi Muzeyində Yeni Azərbaycan Partiyası (YAP) Azərbaycan Tarixçiləri ilk ərazi təşkilatı üzvlərinin təşəbbüsü ilə Yeni Azərbaycan Partiyasının yaradılmasının 21-ci ildönümü münasibətilə tədbir keçirilib.
Tədbiri giriş sözü ilə açan muzeyin direktoru, akademik Nailə Vəlixanlı Yeni Azərbaycan Partiyasının yaranma və formalaşma tarixindən danışıb. Akademik, lider partiya olan YAP-ın nailiyyətlərini vurğulayaraq dövlətçilyimizin möhkəmlənməsində önəmli rol oynamış Ümummilli lider Heydər Əliyevin müstəsna xidmətlərinin müasir dövrümüzdə ölkə başçısı İlham Əliyevin uzaqgörən siyasəti nəticəsində uğurla davam etdirildiyini bildirib.
Yeni Azərbaycan Partiyasının fəaliyyətinin davamlı olmasını arzulayan və gənclərə Heydər Əliyev irsini öyrənməyi tövsiyə edən akademik N.Vəlixanlıdan sonra çıxış edən YAP Səbail rayonu təşkilatının sədr müavini Muxtar Nağıyev Yeni Azərbaycan Partiyasının yaradılması və əsas qayələrindən ətraflı söhbət açıb. Partiyanın yaranma dövründən danışan M.Nağıyev, Ulu öndər Heydər Əliyevin fədakar ömür yolunu gənclərə örnək göstərib və müasir tarixçilərə YAP tarixini yazarkən real faktlara istinad etməyi tövsiyyə edib.
Yeni Azərbaycan Partiyasının Azərbaycan Tarixçiləri ilk ərazi təşkilatının sədri Pərvanə Əzimova ölkəmizin ən güclü partiyası olan Yeni Azərbaycan Partiyasının ardıcıl siyasətinin uğurlarını qeyd edib.
YAP-ın yaranmasının 21-ci ildönümü münasibətilə tərtib edilmiş elektron prezentasiyanın nümayişindən sonra Azərbaycan Uşaq və Gənclərin Sülh Şəbəkəsinin üzvləri - Şəkər Məmmədova və Validə Ağazadənin ifasında şeirlər səsləndirilib. Tədbir muzeyin Arxeologiya elmi-fond şöbəsinin müdiri, t.ü.f.d. Nasir Quluzadə, YAP Azərbaycan Tarixçiləri ilk ərazi təşkilatının katibi Rəhim Səadətov və Azərbaycan Dövlət Pedaqoji Universitetinin tələbəsi Xanım Yaqubəliyevanın maraqlı çıxışları ilə davam etdirilib.
Tədbirin sonunda 9 oktyabr prezident seçkilərində fəallıq göstərmiş YAP Azərbaycan Tarixçiləri ilk ərazi təşkilatı üzvləri - Pərvanə Əzimova, Rəhim Səadətov və Tural Şiriyevə YAP Səbail rayonu təşkilatının Fəxri Fərmanları təqdim olunub.
Aygün MƏmmƏdova,
YAP Azərbaycan Tarixi Muzeyinin
ilk ərazi təşkilatının üzvü, AMEA Milli
Azərbaycan Tarixi Muzeyinin elmi işçisi

Paylaş:

Baxılıb: 1879 dəfə