Səbail rayonunda Beynəlxalq Müəllim Günü qeyd olunub

Bakı:

25 °C

48 %

1 m/s

Əlaqə

AZ RU EN

Ana səhifə / Siyasət / Səbail rayonunda Beynəlxalq Müəllim Günü qeyd olunub

Səbail rayonunda Beynəlxalq Müəllim Günü qeyd olunub

05.10.2013 [11:23]

Səbail rayon İcra Hakimiyyətinin təşkilatçılığı ilə Azərbaycan Dövlət Gənc Tamaşaçılar Teatrında Beynəlxalq Müəllim Günü münasibəti ilə rayon rəhbərliyi və ictimaiyyəti, təhsil işçilərinin iştirakı ilə ənənəvi toplantı keçirilib.
Toplantıda çıxış edən Səbail rayon İcra Hakimiyyətinin başçısı Asif Əsgərov Ulu öndərimiz Heydər Əliyevin Azərbaycan təhsilinə olan diqqət və qayğısından danışıb, Azərbaycan Respublikasının Prezidenti cənab İlham Əliyevin səyləri nəticəsində son illər ərzində respublikamızda tikilən və əsaslı təmir olunan təhsil müəssisələri, təhsil işçilərinin sosial müdafiəsinin möhkəmləndirilməsi istiqamətində atılan addımlar, Azərbaycan təhsilinin inkişafında böyük rolu olan Heydər Əliyev Fondunun Prezidenti, millət vəkili Mehriban xanım Əliyevanın gördüyü işlər və keçən təhsil ilində rayonun təhsil müəssisələrinin uğurları barədə məlumat verib və qeyd edib ki, ölkə başçısının Sərəncamı ilə son 3 ildə Beynəlxalq Müəllim Günü ərəfəsində rayonun orta təhsil müəssisələrinin müəllimlərindən 7 nəfər “Tərəqqi” medalına layiq görülüb, 6 nəfərə “Əməkdar müəllim” adı verilib.
Bildirilib ki, yay aylarında “2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı”nın Əlavə Tədbirlər Planına əsasən 7 saylı və 163 saylı orta məktəblərin binaları, 190 saylı orta məktəbin akt və idman zalı əsaslı təmir olunub. Məktəblər bütün lazımi avadanlıq və dərs vəsaiti ilə təchiz olunublar. Həmçinin, Bibiheybət qəsəbəsindəki 70 saylı uşaq bağçasının əsaslı təmiri və bağça üçün əlavə musiqi zalı və 3 otağının tikintisi başa çatdırılıb.
20-ci yaşayış sahəsində yerləşən “Turac” uşaq bağçasında möhkəmləndirmə işləri aparılıb, hazırda əsaslı təmir davam etdirilir.
Badamdar qəsəbəsindəki 136 saylı körpələr evi-uşaq bağçası Heydər Əliyev Fondunun təşəbbüsü ilə əsaslı təmir olunub və sentyabrın 26-da Azərbaycan Respublikasının birinci xanımı Mehriban Əliyeva və qızı Arzu Əliyevanın iştirakı ilə burada açılış mərasimi keçirilib.
Qeyd olunub ki, məktəblərdə aparılan təmir və yenidənqurma işləri, burada müasir təhsil üçün hər cür şəraitin yaradılması, məktəblərin bütün lazımi avadanlıqlarla təchiz olunması tədris müəssisələrində təhsilin səviyyəsinin yüksəlməsinə birbaşa şərait yaradır. Bunun nəticəsi də təhsil ilinin yekunlarında özünü büruzə verir.
Səbail rayonunun 6 saylı orta məktəbi və 160 saylı Klassik Gimnaziya artıq ikinci dəfə 2012/2013-cü tədris ilində keçirilmiş “Ən yaxşı ümumi təhsil müəssisəsi” müsabiqəsinin, rayonun 6 nəfər müəllimi isə “Ən yaxşı müəllim” müsabiqəsinin qalibləri sırasında olublar. 2012-2013-cü təhsil ilinin yekununa görə 19 məzun qızıl medala layiq görülüb. Keçən tədris ilində rayonun orta məktəblərini 1458 nəfər bitirib, onlardan 927 nəfəri tələbə adını qazanıb.
Tədbirdə çıxış edənlər təhsil işçilərinə göstərilən diqqət və qayğıya görə dövlət başçısına öz minnətdarlıqlarını bildirib, əmin edib ki, qarşıdan gələn Prezident seçkilərində Səbail təhsil işçiləri yekdilliklə İlham Heydər oğlu Əliyevin namizədliyini dəstəkləyəcəklər.
Tədbirdə rayonun bir qrup qabaqcıl təhsil işçisinə rayon İcra Hakimiyyətinin qiymətli hədiyyələri təqdim olunub.

Paylaş:

Baxılıb: 1853 dəfə