Böyük Britaniyada nəşr edilən nüfuzlu “Diplomat” jurnalında “İlham: Bir Prezidentin portreti” kitabı haqqında məqalə dərc edilib

Bakı:

20 °C

53 %

5 m/s

AZ RU EN

Ana səhifə / Siyasət / Böyük Britaniyada nəşr edilən nüfuzlu “Diplomat” jurnalında “İlham: Bir Prezidentin portreti” kitabı haqqında məqalə dərc edilib

Böyük Britaniyada nəşr edilən nüfuzlu “Diplomat” jurnalında “İlham: Bir Prezidentin portreti” kitabı haqqında məqalə dərc edilib

18.09.2013 [09:32]

Böyük Britaniyada nəşr edilən nüfuzlu “Diplomat” jurnalının sentyabr-oktyabr buraxılışında “İlham: Bir Prezidentin portreti” kitabı haqqında məqalə dərc edilib.
AzərTAc xəbər verir ki, məqalədə kitab haqqında qısa məlumat verilib. Qeyd olunub ki, görkəmli tədqiqatçı Qreym Hovard Vilson tərəflindən ingilis dilində yazılmış kitabda Azərbaycanın qədim tarixindən, XX əsrin əvvəllərində əldə etdiyi dövlət müstəqilliyi və onun süqutundan, sovetlər dövründəki ictimai-siyasi proseslərdən, keçmiş SSRİ-nin süqutu ərəfəsində təcavüzkar Ermənistanın ölkəmizə qarşı həyata keçirdiyi işğalçılıq siyasətinin nəticələrindən, Ümummilli lider Heydər Əliyevin xilaskarlıq missiyasından, ölkəmizdə həyata keçirilən çoxşaxəli inkişafın göstəricilərindən bəhs edilir.
Xalqımızın tarixi dövlətçilik ənənələri barədə məlumat verən müəllif yazır ki, Azərbaycanın geosiyasi mövqeyi zaman-zaman böyük güclərin bu bölgədəki maraqlarının toqquşmasına səbəb olub. Nəticədə Azərbaycan xalqının maddi-mədəni irsinə qarşı təcavüz halları baş verib. Tarixin bütün dövrlərində Azərbaycan xalqı müstəqil dövlət yaratmaq üçün bütün imkanlara malik olub, bu istiqamətdə dəyərli ənənələr yaradıb.
Kitabda XX əsrin əvvəllərində müsəlman Şərqində ilk demokratik respublika olan Azərbaycan Xalq Cümhuriyyətinin yaranması və süqutunun səbəbləri geniş təhlil edilir.
Müəllif yazır ki, Azərbaycan XX əsrin əvvəllərində qarşılaşdığı dövlətçilik böhranını həmin əsrin sonunda yenidən yaşayıb. Hər iki halda Ermənistanın işğalçılıq siyasəti Azərbaycanın dövlətçiliyinə qarşı yönəlmiş təcavüz kimi tarixə düşüb. 1993-cü ildə siyasi hakimiyyətə qayıdan Heydər Əliyev Azərbaycan xalqını bəlalardan xilas edib. Ümummilli lider təcavüzkar Ermənistanı atəşkəsə məcbur edib, həyata keçirdiyi uzaqgörən neft strategiyası ilə region ölkələrinin kompleks inkişafı üçün yeni bir şərait yaradıb. Bu siyasətin uğurla davam etdirilməsi Azərbaycanın hərtərəfli inkişafını təmin edib. Azərbaycan beynəlxalq aləmdəki mövqelərini möhkəmləndirib, bütün parametrləri ilə qüdrətlənib, xalqın rifahı əhəmiyyətli dərəcədə yaxşılaşıb.
Məqalədə həmçinin “Əsrin müqaviləsi”ndən bəhs edilib, müqavilənin Azərbaycan ilə Böyük Britaniya arasındakı münasibətlərin inkişafında böyük rol oynadığı vurğulanıb.
Kitabda Azərbaycan tarixinin müxtəlif dövrlərini, Ümummilli lider Heydər Əliyevin yarım əsrə yaxın dövrü əhatə edən siyasi fəaliyyətinin ayrı-ayrı məqamlarını, Prezident İlham Əliyevin siyasi fəaliyyətini əks etdirən nadir fotolar yerləşdirilib.
Qeyd edək ki, iyunun 17-də Londonda xalqımızın Ümummilli liderinin həyat və fəaliyyətindən bəhs edən “Heydər Əliyev və Azərbaycanın yüksəlişi, enişi və yenidən dirçəlişi” adlı kitabın Azərbaycanın Böyük Britaniyadakı səfirliyinin dəstəyi ilə keçirilmiş təqdimat mərasimində “İlham: Bir Prezidentin portreti” kitabı da tədbirə gələn qonaqlara təqdim olunub.

Paylaş:

Baxılıb: 1036 dəfə