Mərkəzi Seçki Komissiyasının aşağı seçki komissiyalarının üzvləri üçün kurslar davam edir

Bakı:

20 °C

53 %

5 m/s

Əlaqə

AZ RU EN

Ana səhifə / Siyasət / Mərkəzi Seçki Komissiyasının aşağı seçki komissiyalarının üzvləri üçün kurslar davam edir

Mərkəzi Seçki Komissiyasının aşağı seçki komissiyalarının üzvləri üçün kurslar davam edir

02.08.2013 [09:58]

Avqustun 1-də Mərkəzi Seçki Komissiyası (MSK) tərəfindən dairə seçki komissiyalarının sədrləri üçün təşkil edilmiş seçki hüququ üzrə ixtisaslaşdırılmış kurslar davam edib.
AzərTAc xəbər verir ki, kurslarda Bakı Apelyasiya Məhkəməsinin sədri İman Nağıyev “Seçki hüququnun apelyasiya məhkəmə instansiyasında müdafiəsi (apelyasiya şikayəti, icraat qaydası, sübutlar, sübutetmə yükü və s.)” mövzusunda mühazirə ilə çıxış edib. Bildirilib ki, hazırda ölkəmizdə beş apelyasiya məhkəmə instansiyasının fəaliyyət göstərməsinə baxmayaraq, işlərin böyük qisminə Bakı Apelyasiya Məhkəməsində baxılır.
Bakı Apelyasiya Məhkəməsinin sədri diqqətə çatdırıb ki, qanunvericilikdə edilən dəyişikliyə əsasən, artıq məhkəmələrə ünvanlanan şikayətlər üzrə baxılan işlərdə sübutetmə vəzifəsi seçki komissiyalarının üzərinə düşüb. O, deyib: “2012-ci ilədək şikayətlərə Mülki Prosessual Məcəlləyə əsasən baxılırdısa, artıq bu proses İnzibati Prosessual Məcəllə ilə tənzimlənir və şikayətlərə inzibati məhkəmələrdə baxılır. Qanunvericilikdə edilən dəyişikliyə görə məhkəmə prosesində seçki komissiyalarının qərarlarının qanunauyğunluğunu komissiyaların özləri sübut etməlidirlər”.
İman Nağıyev ölkəmizdə keçirilən seçkilər zamanı Bakı Apelyasiya Məhkəməsinə edilən şikayətlər barədə də məlumat verib. Vurğulayıb ki, 2007-ci ildən fəaliyyətə başlayan Bakı Apelyasiya Məhkəməsinə ümumilikdə seçki hüququ ilə bağlı 262 iş daxil olub. Bu işlər 2008-ci ildə keçirilmiş prezident, 2009-cu ildə ümumxalq səsverməsi (referendum) və bələdiyyə seçkiləri, eləcə də 2010-cu ildə keçirilmiş parlament seçkiləri ilə bağlı olub. Bakı Apelyasiya Məhkəməsinə seçkilərlə əlaqədar daxil olmuş işlərə qanunvericiliyin tələblərinə riayət edilərək baxılıb.
MSK katibliyinin ümumi şöbəsinin müdiri Elşən Əsgərov “Dairə seçki komissiyalarında kargüzarlığın aparılması qaydaları” mövzusunda çıxış edib. Elşən Əsgərov dairə seçki komissiyalarının sədrlərini kargüzarlığın aparılması qaydaları ilə tanış edib və onları maraqlandıran sualları ətraflı cavablandırıb.
MSK katibliyinin informasiya mərkəzinin müdiri Rüfət Gülməmmədov “Seçici siyahılarının tərtib edilməsi, dəqiqləşdirilməsi və seçicilərə təqdim edilməsi qaydaları və şərtləri. Seçki prosesində Dövlət Avtomatlaşdırılmış İnformasiya Sistemindən (DAİS) istifadəyə dair tələblər” mövzusunda çıxış edib.
Rüfət Gülməmmədov komissiya sədrlərini siyahıların tərtib edilməsi, dəqiqləşdirilməsi və seçicilərə təqdim edilməsi qaydaları və şərtləri ilə bağlı məlumatlandırıb.
Kurslar avqustun 4-dək davam edəcək.

Paylaş:

Baxılıb: 2068 dəfə