Dənizlərin qarışmaması “möcüzə”si?!

Bakı:

25 °C

78 %

3 m/s

Əlaqə

AZ RU EN

Ana səhifə / Maraqlı / Dənizlərin qarışmaması “möcüzə”si?!

Dənizlərin qarışmaması “möcüzə”si?!

01.02.2023 [11:01]

MÜŞFİQƏ

4,5 milyard yaşı olan Yer kürəsinin sirlərini çözməklə bitmir. Məsələn, 14 əsrdir ki, din və elm adamları bu şəkildəki təbiət hadisəsini müzakirə edir, fərziyyələr irəli sürürürlər. Şəkilə diqqətlə baxsaq, Aralıq dənizi ilə Atlantik okeanının Cəbəllütariq boğazının bir-birinə qarışmadığını görürük.

Əslində duzlu və şirin suların bir-birinə qarışmaması iddiasının mənbəyi qədim dövrlərə qədər gedib çıxır. Eramızın 1-ci əsrində yazılmış “Naturalis Historiae 2” kitabında belə deyilir: “Şirin su, dəniz suyundan yüngül olduğu üçün dəniz suyuna qarışmaz və dənizin üzərində üzər”.

Bu hadisənin şahidi olan fransız səyyahı Kapitan Kusto da dənizlərin qarışmadığını görüb heyrətlənmişdi.

Dini yanaşsaq...

“Qurani-Kərim”də Furqan surəsində: “Birinin suyu çox şirin, digərininki isə olduqca şor olan iki dənizi qovuşduran, aralarında (bir-birinə qarışmamaq üçün) maneə və keçilməz sədd qoyan Odur!” (Furqan surəsi, ayə 53). Ayədə bu dənizlərin aralarındakı duzluluq səviyyəsi fərqinə görə bir-birinə qovuşmadığı qeyd olunur. Dünyanın bir çox yerlərində belə sular mövcuddur. Nəticədə, din adamları bunu möcüzə kimi qiymətləndirirlər.

Məsələyə elmi baxış...

Bəs elm nə deyir? Məlum olduğu kimi, hər bir su hövzəsi kimyəvi olaraq bir-birinə qarışır. Sadəcə, çaylar, dəniz və okeanlar mineral və tərkib fərqliliyinə görə müxtəlif rənglərdə görünür. Yəni, duzlu su ilə şirin suyun qarışmadığı iddia edilsə də, həqiqəti əks etdirmir. Kaliforniya-Santa Kruz Universitetinin okean elmləri üzrə professoru Ken Brulandın sözlərinə görə, eyni vəziyyət Alyaska körfəzində də müşahidə olunur. Belə ki, su obyektləri, əslində bir-birinə qarışır. Onların tamamilə qarışdırılması üçün sadəcə, bir müddət lazımdır. Bir müddət sonra suyun çöküntü nisbətinə görə görüntü yoxa çıxır. Brulanda görə, həmin şəkil iki su hövzəsinin birləşməyə başladığı zaman çəkilib. Professor bu sərhədlərin statik olmadığını və dəyişə biləcəyini vurğulayıb.

Okeanlar qarışmasaydı, fəlakət olardı!

Bütün su hövzələri istər yavaş olsun, istərsə də sürətli bir-birinə qarışır. Rəng fərqi o demək deyil ki, şirin sular ilə duzlu sular bir-birinə qarışmır. Hətta mətbəxinizdə özünüz də sınaya bilərsiniz!

Alimlərin sözlərinə görə, okeanlar qarışmasaydı, o zaman fəlakət baş verərdi. Çünki okeanların qarışmaması çox ciddi sualtı cərəyanların baş verməsinə yol aça bilər. Suların qarışmaması inancı fizika qanunlarına ziddir. Hətta NASA-nın okean və dənizlərin necə qarışdığını sübut edən görüntüləri də mövcuddur. Bir sözlə, okean və ya dəniz sularının bir-birinə qarışmadığı iddiasının heç bir elmi əsası yoxdur.

Paylaş:

Baxılıb: 1559 dəfə