İqtisadi inkişafın mühüm göstəricisi

Bakı:

10 °C

87 %

5 m/s

Əlaqə

AZ RU EN

Ana səhifə / MEDİA / İqtisadi inkişafın mühüm göstəricisi

İqtisadi inkişafın mühüm göstəricisi

06.06.2025 [09:27]

Sahibkarlar üçün geniş imkanlar yaradılır

İqtisadi tərəqqi üçün azad biznes və sahibkarlıq mühitinin vəziyyəti vacib şərt sayılır. Dövlətin təmin etdiyi azad bazar institutu ölkədə sahibkarlığın inkişafını stimullaşdırır, ona geniş meydan verir. Eyni zamanda, ölkədəki xarici sərmayəçilərə yaradılan mühitin şəffaflıq dərəcəsi iqtisadiyyatın inkişafının əsas göstəricilərindən biri hesab olunur. Bu mənada bazar iqtisadiyyatını əsas istiqamət seçən Azərbaycan hök?mətinin biznes mühiti ilə bağlı həyata keçirdiyi tədbirlər böyük əhəmiyyət kəsb edir.

Müasir dünyada bazar iqtisadiyyatını azad sahibkarlıq fəaliyyəti və liberal iqtisadiyyat olmadan təsəvvür etmək mümkün deyil. Azərbaycanın sürətli sosial-iqtisadi inkişafının təminatı özəl sektorun, kiçik və orta sahibkarlığın inkişafından asılı olduğu üçün respublikamızda sahibkarlığın inkişafı prioritet istiqamətlərdən biri kimi ön plana çıxır. Təsadüfi deyil ki, bu gün Azərbaycanda sahibkarlar əlverişli hüquqi mühitdən tam şəkildə faydalanırlar. Çünki sahibkarlığın inkişafına dəstəyin ilkin şərtlərindən biri əlverişli hüquqi zəminin yaradılmasıdır. Məlumdur ki, son illər ölkəmizdə sahibkarların hüquqlarının müdafiəsinin gücləndirilməsi sahəsində böyük işlər görülüb.

Azad sahibkarlıq və liberal iqtisadiyyatdan danışarkən öncə onu xüsusi olaraq vurğulamaq yerinə düşər ki, son illərdə Prezident İlham Əliyevin siyasi iradəsi ilə həyata keçirilən davamlı tədbirlər sayəsində Azərbaycanda əlverişli biznes mühiti formalaşıb. Respublikamızda özəl sektorda fəallığın artmasını şərtləndirən bir sıra mühüm amilləri sadalamaq mümkündür ki, onların sırasında bütün ölkə boyunca yaradılan yüksək səviyyəli infrastrukturun önəmi xüsusi yer tutur. Demək olar ki, ölkəmizdə özəl sektorun dinamik inkişafı üçün lazım olan bütün addımlar atılır.

Sahibkarlara yeni zəmanət mexanizmlərinin verilməsi

Bugünlərdə “Azərbaycan Banklar Assosiasiyası” (ABA) İctimai Birliyi və İpoteka və Kredit Zəmanət Fondu (İKZF) arasında yerli və xarici bazarda sahibkarlıq fəaliyyətinin dəstəklənməsi istiqamətində yeni zəmanət mexanizmlərinin tətbiqi müzakirə edilib. ABA və İKZF-nın nümayəndələrinin iştirakı ilə onlayn formatda görüş keçirilib. Görüşdə sahibkarlar arasında qarşılıqlı hesablaşmanın təmin edilməsi ilə bağlı risklərin azaldılması, “dəyər zənciri”nin fasiləsizliyinin qorunması, nağdsız hesablaşmaların stimullaşdırılması, həm yerli, həm də xarici bazarda sahibkarlıq fəaliyyətinin dəstəklənməsi istiqamətində yeni zəmanət mexanizmlərinin tətbiqi ilə bağlı məsələlər müzakirə edilib, akkreditiv, faktorinq və bank qarantiyası kimi maliyyə alətləri üzrə zəmanətlərin verilməsi imkanları nəzərdən keçirilib və müvəkkil banklarla əməkdaşlıq istiqamətləri ətrafında fikir mübadiləsi aparılıb.

Yeni müəssisələr fəaliyyətə başlayacaq

Bu il Ağdam və “Araz Vadisi iqtisadi Zonası” Sənaye Parklarında dekorativ daşların, tütün məmulatlarının, müxtəlif yapışqan lentlərin və s. müəssisələrin fəaliyyətə başlaması planlaşdırılır. Bu barədə İqtisadiyyat Nazirliyi yanında İqtisadi Zonaların İnkişafı Agentliyindən bildirilib.

Məlumata görə, bu iki sənaye parkında ümumilikdə 45 sahibkarlıq subyekti rezident, 7 sahibkar isə qeyri-rezident kimi qeydiyyatdan keçib. Görülən işlərə 150 milyon manatdan çox investisiya yatırılıb, 740 nəfərdən artıq daimi iş yeri yaradılıb.

Hazırda bu sözügedən sənaye zonalarında 11 müəssisə fəaliyyət göstərir. 2024-cü il sentyabrın sonlarından 2025-ci ilin I rübünün sonuna qədər bu müəssisələr 87 milyon manatlıq məhsul istehsal edib. Ağdam və “Araz Vadisi iqtisadi Zonası” sənaye parklarında ümumilikdə 10-dan çox müəssisənin tikintisi davam etdirilir, 20-dən çox müəssisədə isə layihələndirmə işləri görülür.

Ağdam Sənaye Parkı 190 hektar ərazini əhatə edən müasir sənaye kompleksidir, ölkə Prezidentinin 28 may 2021-ci il tarixli fərmanı ilə yaradılıb. Parkın ərazisində elektrik və istilik enerjisi, qaz, su, kanalizasiya, rabitə, nəqliyyat və digər zəruri infrastruktur obyektləri mövcuddur. Park rezidentlərin sayına görə Azərbaycanda ikinci ən böyük sənaye parkıdır.

“Araz Vadisi İqtisadi Zonası” Sənaye Parkı 200 hektar ərazini əhatə edir, dövlət başçısının 4 oktyabr 2021-ci il tarixli fərmanı ilə Şərqi Zəngəzur iqtisadi rayonuna daxil olan Cəbrayıl rayonunda yaradılıb. Parkın əsas məqsədi işğaldan azad edilmiş ərazilərin iqtisadi dirçəlişini təmin etmək, sahibkarlığı dəstəkləmək və regionun sənaye potensialını inkişaf etdirməkdir.

Sahib

Məqalə “Azərbaycan Respublikasının Medianın İnkişafı Agentliyi”nin maliyyə dəstəyi ilə “Azad sahibkarlığın və liberal iqtisadiyyatın təşviqi” istiqaməti üzrə hazırlanmışdır.

Paylaş:

Baxılıb: 377 dəfə