İlqar Hacıyev istintaqa çağırılıb

Bakı:

19 °C

88 %

2 m/s

Əlaqə

AZ RU EN

Ana səhifə / Hadisə / İlqar Hacıyev istintaqa çağırılıb

İlqar Hacıyev istintaqa çağırılıb

16.03.2025 [22:21]

İlqar Hacıyev Baş Prokurorluğun İstintaq İdarəsinə çağırılıb.

Baş Prokurorluqdan İTV-yə verilən məlumatda bildirilir ki, Baş Prokurorluğunun İstintaq İdarəsi tərəfindən təqsirləndirilən şəxs Hacıyev İlqar Allaz oğluna Azərbaycan Respublikası Cinayət-Prosessual Məcəlləsinin 467-13.4-cü maddəsinin tələbinə əsasən rəsmi bildiriş göndərilib.

İlqar Hacıyev 14 iyul 2025-ci ildə Baş Prokurorluğunun İstintaq İdarəsinə gəlməlidir

Təqsirləndirilən şəxs 03.07.1973-cü il təvəllüdlü Hacıyev İlqar Allaz oğlu şəxsiyyətini təsdiq edən sənədlə birlikdə 14 iyul 2025-ci il tarixdə, saat 12:00-da Azərbaycan Respublikası Baş Prokurorluğunun İstintaq idarəsinin inzibati binasına gəlməlidir.

İlqar Hacıyev nədə ittiham olunur?

İlqar Hacıyevin Cinayət Məcəlləsinin 178.3.2-ci maddəsi ilə (01 dekabr 2017-ci il tarixədək qüvvədə olan redaksiyada) təqsirləndirilən şəxs qismində cəlb olunması barədə 25.12.2020-ci il tarixli qərar qəbul edilib. Həmin qərara əsasən, onun istintaqa şəxsiyyəti məlum olan tanışının etibarından sui-istifadə edərək Rusiya Federasiyasının Moskva vilayətinin Mıtışinski rayonunun Piroqovka kəndində və Odintsovski rayonunun Novıye Javoronki kəndində yaşayış komplekslərinin tikinti layihələrini təqdim edərək həmin layihələrin icrası ilə bağlı 10.000.000 ABŞ dolları məbləğində investisiya qoyacağı təqdirdə 18.000.000 ABŞ dolları qazanc əldə edəcəyi vədi ilə aldatmaqla 2016-cı ilin fevral ayından 2017-ci ilin mart ayının 22-dək olan müddət ərzində Rusiya Federasiyasının Moskva şəhərində və Bakı şəhərinin Xəzər rayonu ərazisində yerləşən Heydər Əliyev Beynəlxalq Aeroportunun qarşısında ümumilikdə həmin dövrün rəsmi məzənnəsinə görə 17.000.000 manat təşkil edən 10.000.000 ABŞ dolları məbləğində pul vəsaitlərini alıb, zərərçəkmiş şəxsin külli miqdarda əmlakını dələduzluq yolu ilə ələ keçirməsinə əsaslı şübhələr müəyyən edilib.

İlqar Hacıyev barəsində axtarış elan edilib, həbs qətimkan tədbiri seçilib

İlqar Hacıyev istintaqdan qaçıb Azərbaycan Respublikası hüdudlarından kənarda gizləndiyindən ona ittiham elan edilməsi mümkün olmadığı üçün 25.12.2020-ci il tarixli qərarla barəsində axtarış elan edilib və Bakı şəhəri Nərimanov Rayon Məhkəməsinin 13.01.2021-ci il tarixli qərarı ilə həbs qətimkan tədbiri seçilib.

Cinayət-Prosessual Məcəlləsinin 54-2.1.7-ci və 467-13.3-cü maddələrinin tələblərinə əsasən, təqsirləndirilən şəxs İlqar Hacıyevə xəbərdarlıq edilir ki, çağırışa gəlmədiyi halda Cinayət-Prosessual Məcəlləsi ilə müəyyən edilmiş qaydada barəsində qiyabi icraat açıla və bu, barəsində qiyabi hökmün və ya məhkəmənin digər yekun qərarının çıxarıla biləcəyi ilə nəticələnə bilər.

Paylaş:

Baxılıb: 824 dəfə