Heydər Əliyev
yeni azerbaycan logo

Ana səhifə / Ədəbiyyat / Gözün aydın, Ulu Öndər!

Gözün aydın, Ulu Öndər!

12.11.2021 [11:09]

Yazıçı-dramaturq, jurnalist, şair, ictimai xadim Aqşin Babayev 2020-ci ilin iyun ayında vəfat edib. Ən ümdə arzusu Qarabağı azad görmək idi. Bu Günün gələcəyinə inanır, Zəfər sevincini bütün xalqımızla birlikdə bayram etməyə hazırlaşırdı. Lakin ona Böyük Zəfəri görmək qismət olmadı...

Vəfatından sonra həyat yoldaşı Müzəyyən xanım (artıq o da, təəssüf ki, aramızda yoxdur) və oğlu Gündüz Babayev ailə arxivində maraqlı bir əlyazma tapdılar. Qarabağın mütləq azad olacağına sidqi-ürəkdən inanan Aqşin Babayev, sən demə, 2016-cı ildə Böyük Zəfərə həsr olunmuş bir şeir yazıbmış... Yazıb saxlayıbmış ki, o Gün gələndə, dərc etsin.

Onun yazılmamış, dilə gətirilməmiş vəsiyyətini yerinə yetirmək bu günə qismət imiş.

 

Gözün aydın, Ulu öndər

 

Gözün aydın, Ulu Öndər!

Azad oldu torpağımız.

Gözün aydın, Ulu Öndər!

Əbədidir növrağımız.

              * * *

Şəhidlərin ruhu dindi,

Məzar daşları sevindi,

Əsir torpaq da dirildi,

Gözün aydın, Ulu Öndər!

              * * *

Oğul Ata arzusuna

      Zər ələdi.

Ata Oğul əməlinə

      “Əhsən” dedi.

Qoşa qanad

      Səmalara ucaldıqca,

Göydən yerə nur səpildi,

Nəğmələr oxudu səhər...

Gözün aydın, Ulu Öndər!

              * * *

Qarabağın sabahıydı qətiyyətin,

Gözümüzün önündədir dağ qamətin.

İgid-igid oğulların Qorxmaz, mətin!

Gözün aydın, Ulu Öndər!

             

            * * *

Vətənində qaçqın olan gün gələr ki,

Öz yurduna dönər! - dedin.

      Gün gələr ki,

“Yağı düşmənin çırağı zülmət olar,

         Sönər!” - Dedin.

“Xalqım İlhamlı günləri

         Görər!” - dedin.

              * * *

Kəlamların bircə-bircə

İşıq saçdı yolumuza,

Qüvvət verdi qəlbimizə,

Qüdrət verdi qolumuza!

Qalib gəldi cürət, hünər!

Gözün aydın, Ulu Öndər!

              * * *

Qəlbimizdə səsin ölməz,

Arzun ölməz, sözün ölməz,

Qarabağda izin ölməz,

Gözün aydın, Ulu Öndər!

              * * *

Sən ellərin haqq səsisən,

Həyatısan, nəfəsisən,

Dünya kimi əbədisən,

Gözün aydın, Ulu Öndər!

Gözün aydın, Ulu Öndər!

Aqşin Babayev,

2016-cı il

 

 

Paylaş
Baxılıb: 182 dəfə

Xəbər lenti

Hamısına bax

Manata inam artır

27 Noyabr 10:15

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30