Məğlub Ermənistanda repressiya və siyasi terror dalğası...

Bakı:

22 °C

60 %

4 m/s

Əlaqə

AZ RU EN

Ana səhifə / Dünya / Məğlub Ermənistanda repressiya və siyasi terror dalğası...

Məğlub Ermənistanda repressiya və siyasi terror dalğası...

16.07.2021 [08:42]

Bəlli olduğu kimi, məğlub Ermənistanda hakimiyyət böhranı davam edir. Müxalifətin seçkilərin nəticələrinin ləğvini tələb etməsi ölkədəki xaosu daha da dərinləşdirib. Məsələnin konstitusiya məhkəməsində müzakirə edildiyi 1 həftə ərzində Paşinyan hakimiyyəti də əleyhdarlarına qarşı repressiya prosesini davam etdirib. Yerli media yazır ki, hüquq-mühafizə orqanları son günlər seçkilərin nəticələrinin etibarsız sayılmasını tələb edən siyasi qüvvələrin təmsilçilərinin həbsi ilə məşğul olub.
Qeyd edək ki, növbədənkənar parlament seçkilərinin nəticələrinin ləğv edilməsi ilə bağlı müraciətlərə Ermənistan konstitusiya məhkəməsində (KM) baxılması başa çatsa da, yekun qərar hələ açıqlanmayıb.
Erməni mediasının məlumatına görə, müraciətlərə baxılması zamanı müxalifət təmsilçiləri tərəfindən seçkilərdə saxtakarlıq və qanun pozuntuları barədə bir sıra faktlar və sənədlər ortaya qoyulub. “Sputnik-Ermənistan” yazır ki, “Hayots hayrenik” (“Erməni vətəni”) partiyasının nümayəndəsi Artak Qalustyan sonuncu iclasda deyib ki, mərkəzi seçki komissiyasının (MSK) özü tərəfindən aşkar edilən qanun pozuntuları seçkilərin nəticələrinə şübhə yaradır. Nümayəndə 658 seçki məntəqəsində bülletenlərin qanunun tələb etdiyi kimi seyflərdə saxlanmadığını, MSK-nın başlatdığı yoxlama nəticəsində 83 seçki məntəqəsində mindən çox pozuntunun aşkarlandığını, saxta bülletenlərin çap edilməsi faktı ilə bağlı artıq cinayət işi açıldığını da xatırladıb. Partiya nümayəndəsi əlillərin səsvermə hüququnun təmin olunmadığını da bildirib.
Müxalifətin ittihamlarına baxmayaraq, hakimiyyətin nümayəndəsi, vitse-spker Alen Simonyan “Vətəndaş müqaviləsi”nin yeni hökuməti qurmaq üçün xalqdan mandat aldığını və indiki məqamda KM-dən seçki nəticələrinə təsir edə biləcək qərar gözləmədiyini deyib.
Onu da xatırladaq ki, hakimiyyətə qarşı çıxan əsas müxalifət qüvvələri küçə mübarizəsini davam etdirmək niyyətini təkrar ediblər. “Aysor.am”ın yazdığına görə ki, “Ermənistan” blokunun təmsilçisi İşxan Saqatelyan deyib ki, sadəcə parlament müxalifəti olmayacaq, mövcud hökumətə qarşı küçə mübarizəsinə davam edəcəklər: “Yaxın gələcəkdə vətəndaş itaətsizliyi aksiyalarının davam etdirilməsinə, bu hökumətə qarşı bir neçə cəbhədə mübarizənin aparılmasına böyük əhəmiyyət veririk. Mən elə indi küçə mübarizəsinin davam edəcəyini elan edirəm”.
Yeri gəlmişkən, yuxarıda da vurğuladığımız kimi, hakimiyyət müxalifət təmsiçilərinin təqib olunması prosesini davam etdirir. “Panorama.am”ın yazdığına görə, “Yüksələn Ermənistan” partiyasının sədri, “Zəngəzur” mis-molibden kombinatının rərhbəri Vahe Hakopyan deyib ki, seçkidən sonrakı dövrdə “Ermənistan” blokunun üzvləri təqib olunur. Onun sözlərinə görə, ölkədə siyasi işgəncə, siyasi repressiya və siyasi terror hökm sürür. Mehri icmasının rəhbəri Mxitar Zakaryanın 2 ay müddətinə həbs olunduğunu, bundan əvvəl Qacaran bələdiyyə başçısının və rəhbəri olduğu kombinatın daha iki nəfər işçisinin saxlanıldığını xatırladıb.
Göründüyü kimi, seçkilərdə qanun pozuntuları və saxtakarlıq ittihamları fonunda Ermənistan hakimiyyətinin müxalifətə qarşı siyasi repressiyası davam edir. Mövcud vəziyyəti dəyərləndirən ekspertlərin fikrincə, məğlub Ermənistanda repressiya və siyasi terror hökm sürür.
Qaşqay ZİYƏDDİNOĞLU

Paylaş:

Baxılıb: 933 dəfə