YAP Nərimanov rayon təşkilatının Ərazi Partiya Təşkilatında partiya üzvləri ilə görüş keçirilib

Bakı:

27 °C

50 %

7 m/s

Əlaqə

AZ RU EN

Ana səhifə / Arxiv / YAP Nərimanov rayon təşkilatının Ərazi Partiya Təşkilatında partiya üzvləri ilə görüş keçirilib

YAP Nərimanov rayon təşkilatının Ərazi Partiya Təşkilatında partiya üzvləri ilə görüş keçirilib

29.06.2026 [12:42]

Yeni Azərbaycan Partiyası (YAP) Nərimanov rayon təşkilatının “Kazım Kazımzadə küçəsi 20” ünvanı üzrə Ərazi Partiya Təşkilatında “Heydər Əliyev və Müasir Azərbaycan” mövzusunda tədbir keçirilib.

Tədbirdə Azərbaycan Respublikasının Dövlət Himni səsləndirilib, Ulu Öndər Heydər Əliyevin və Vətənimizin bütövlüyü uğrunda canından keçən şəhidlərimizin əziz ruhu bir dəqiqəlik sükutla yad edilib.

Açılış nitqi ilə çıxış edən “Azərişıq ASC-nin” Hüquq idarəsinin rəisi, YAP Ərazi Partiya Təşkilatının sədri Arif Ləzimzadə bildirib ki, Yeni Azərbaycan Partiyası Azərbaycan xalqının dəstəyi ilə hakimiyyətə gəlmiş və iqtidarda olduğu dövrdə xalqın etimadını doğrultmuş, respublikamızın çiçəklənməsi, sosial- iqtisadi inkişafının təmin edilməsi, dünya dövlətləri sırasında layiqli yer tutması üçün cox böyük işlər görmüşdür. Öz proqramında müstəqil dövlətçilik, qanunçuluq, azərbaycançılıq, vətənpərvərlik, vətəndaş həmrəyliyi, sosial ədalət prinsiplərini rəhbər tutan Yeni Azərbaycan Partiyasının cəmiyyətdə rolu və nüfuzu durmadan artır, ölkədə baş verən ictimai-siyasi proseslərə təsir imkanları getdikcə genişləndiyini qeyd edən ƏPT sədri onu da vurğulayıb ki, Yeni Azərbaycan Partiyasının qurucusu, böyük dövlət xadimi Heydər Əliyevin qarşıya qoyduğu məqsəd və vəzifələr, demək olar ki, bütünlüklə artıq yerinə yetirilmişdir. Azərbaycan Prezidenti, partiyamızın Sədri cənab İlham Əliyev 44 günlük Vətən müharibəsində əldə etdiyi tarixi zəfərlə Azərbaycan xalqının, eyni zamanda, Yeni Azərbaycan Partiyasının ən mürəkkəb və ən çətin, ancaq həm də ən ali məqsədini reallaşdırmış oldu. Azərbaycanın möhtəşəm qələbə qazanaraq həm tarixi ədalətin, həm də ərazi bütövlüyünün bərpasına nail olduğu qeyd olunub.

Tədbirdə çıxış edən YAP Nərimanov rayon təşkilatının sədri Elçin Quliyev, “Azərişıq” ASC-nin sədr müavini Qədir İsmayılov, “SƏS” Media Qrupunun rəhbəri Bəhruz Quliyev, “Azərişıq” ASC-nin Normativ Tənzimləmə Şöbəsinin baş mütəxəssisi Daşqın Qənbərov, Strateji Araşdırma və Planlaşdırma şöbəsinin baş mütəxəssisi Elvin Şıxəliyev, Yeni Azərbaycan Partiyasının ölkənin ictimai-siyasi həyatındakı aparıcı rolundan, Ümummilli Lider Heydər Əliyevin müəyyən etdiyi inkişaf strategiyasının Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyev tərəfindən uğurla davam etdirilməsindən bəhs edib. Bildirilib ki, Prezident İlham Əliyevin rəhbərliyi ilə həyata keçirilən məqsədyönlü siyasət nəticəsində Azərbaycan mühüm sosial-iqtisadi nailiyyətlər əldə edib, beynəlxalq aləmdə mövqelərini daha da möhkəmləndirib.

Çıxışlar zamanı Vətən müharibəsində qazanılmış tarixi Zəfərin əhəmiyyəti, işğaldan azad edilmiş ərazilərdə aparılan bərpa-quruculuq işləri və Böyük Qayıdış Proqramının uğurla icra olunması xüsusi vurğulanıb.

Qeyd olunub ki, ərazi partiya təşkilatları partiyanın proqram və məqsədlərinin həyata keçirilməsində, dövlətçilik ənənələrinin təbliğində, gənclərlə işin təşkili və ictimai fəallığın artırılmasında mühüm rol oynayırlar. Bu baxımdan “Azərişıq” ASC üzrə Ərazi Partiya Təşkilatının fəaliyyəti müsbət qiymətləndirilib, partiya üzvlərinin ictimai-siyasi proseslərdə daha fəal iştirakının vacibliyi diqqətə çatdırılıb.

Çıxışlardan sonra Ümummilli Lider Heydər Əliyevin fəalliyyəti ilə bağlı film nümayiş olunub.

Sonda YAP Nərimanov rayon təşkilatı ilə “Azərişıq” ASC üzrə Ərazi Partiya Təşkilatı arasında əməkdaşlığın bundan sonra da uğurla davam etdiriləcəyinə əminlik ifadə olunub.

Paylaş:

Baxılıb: 210 dəfə