İlham Əliyev “Avropa Siyasi Birliyi”nin 8-ci Zirvə toplantısında: Azərbaycanın qlobal dialoq və əməkdaşlıq platformasındakı mühüm mövqeyi

Bakı:

27 °C

41 %

7 m/s

AZ RU EN

Ana səhifə / Arxiv / İlham Əliyev “Avropa Siyasi Birliyi”nin 8-ci Zirvə toplantısında: Azərbaycanın qlobal dialoq və əməkdaşlıq platformasındakı mühüm mövqeyi

İlham Əliyev “Avropa Siyasi Birliyi”nin 8-ci Zirvə toplantısında: Azərbaycanın qlobal dialoq və əməkdaşlıq platformasındakı mühüm mövqeyi

13.05.2026 [10:23]

2026-cı il mayın 4-də Azərbaycan Respublikasının Prezidenti İlham Əliyev “Avropa Siyasi Birliyi”nin 8-ci Zirvə toplantısında videobağlantı formatında çıxış edərək Azərbaycanın Avropa məkanında siyasi dialoq, regional əməkdaşlıq və qarşılıqlı etimada əsaslanan münasibətlərin inkişafına verdiyi töhfələri bir daha beynəlxalq ictimaiyyətin diqqətinə çatdırdı. Prezidentin çıxışı Azərbaycanın müasir beynəlxalq münasibətlər sistemində oynadığı aktiv rolun, həyata keçirdiyi balanslaşdırılmış xarici siyasətin və regional sabitliyin təmin olunmasına yönəlmiş ardıcıl təşəbbüslərinin bariz ifadəsi kimi qiymətləndirildi.

Dövlət başçısı çıxışında qlobal çağırışların artdığı, siyasi və iqtisadi münasibətlər sistemində yeni reallıqların formalaşdığı bir dövrdə əməkdaşlıq platformalarının əhəmiyyətindən bəhs etdi. O vurğuladı ki, qarşılıqlı hörmət, suverenlik prinsiplərinə sadiqlik və konstruktiv dialoq müasir dünyanın əsas tələblərindəndir. Azərbaycan bu prinsiplərə əsaslanaraq həm regionda, həm də daha geniş coğrafiyada etibarlı tərəfdaş kimi öz mövqeyini daha da möhkəmləndirib.

Prezident İlham Əliyev Azərbaycanın Avropanın enerji təhlükəsizliyinin təmin olunmasında artan rolunu xüsusi qeyd etdi. Bildirildi ki, ölkəmizin təşəbbüsü ilə həyata keçirilən enerji layihələri yalnız iqtisadi əməkdaşlıq nümunəsi deyil, eyni zamanda dövlətlər arasında etimadın və uzunmüddətli tərəfdaşlığın formalaşmasına xidmət edən mühüm strateji platformadır. Azərbaycanın etibarlı enerji təchizatçısı kimi Avropa ilə əlaqələrinin inkişafı qarşılıqlı maraqlara əsaslanan uğurlu əməkdaşlıq modelidir.

Çıxışda həmçinin regional sabitlik, təhlükəsizlik və sülh təşəbbüsləri məsələlərinə toxunuldu. Prezident qeyd etdi ki, Azərbaycan regionda davamlı sülhün və qarşılıqlı anlaşmanın təmin olunması üçün ardıcıl siyasət yürüdür. Ölkəmiz dialoqu, əməkdaşlığı və beynəlxalq hüququn norma və prinsiplərinə əsaslanan münasibətləri dəstəkləyir. Bu yanaşma Azərbaycanın beynəlxalq platformalarda nüfuzunu daha da artırır.

“Avropa Siyasi Birliyi”nin Zirvə toplantısında videobağlantı formatında çıxış Azərbaycanın bu nüfuzlu siyasi platformada fəal iştirakını bir daha nümayiş etdirdi. Prezidentin səsləndirdiyi fikirlər ölkəmizin regional və beynəlxalq gündəliyin formalaşmasında söz sahibi olduğunu təsdiqlədi.

Bu çıxış Azərbaycanın Avropa ilə münasibətlərində yeni perspektivlərin formalaşdığını, siyasi dialoqun daha da dərinləşdiyini və ölkəmizin beynəlxalq əməkdaşlıq məkanında artan rolunu göstərən mühüm siyasi hadisə kimi tarixə düşdü. Azərbaycanın müstəqil siyasəti, güclü liderlik iradəsi və strateji baxışı ölkəmizin beynəlxalq arenadakı mövqeyini gündən-günə möhkəmləndirir.

Rauf Nəcəfov

YAP Sədərək rayon təşkilatının məsləhətçisi

Paylaş:

Baxılıb: 390 dəfə