Şəmkirdə 2 - İyul Azərbaycan Polisi Günü münasibəti ilə tədbir keçirildi

Bakı:

26 °C

83 %

10 m/s

Əlaqə

AZ RU EN

Ana səhifə / Arxiv / Şəmkirdə 2 - İyul Azərbaycan Polisi Günü münasibəti ilə tədbir keçirildi

Şəmkirdə 2 - İyul Azərbaycan Polisi Günü münasibəti ilə tədbir keçirildi

02.07.2025 [17:58]

Şəmkir Rayon İcra Hakimiyyətinin başçısı Rəşad Tağıyev, YAP Şəmkir rayon təşkilatının sədri Fəxrəddin Vəliyev, Şəmkir Rayon Polis Şöbəsinin rəisi Nəvai Qasımov, rayonun hüquq-mühafizə orqanlarının rəhbərləri, rayon Polis Şöbəsinin əməkdaşları və veteran polislər əvvəlcə Ümummilli lider Heydər Əliyevin abidəsi önünə gül-çiçək dəstələri qoyub, Ulu öndərin xatirəsini ehtiramla yad ediblər.

Azərbaycan polisinin yaranmasının 107 illiyi münasibətilə keçirilən tədbirdə RİH başçısı Rəşad Tağıyev Daxili İşlər Nazirliyinin rəhbərliyi başda olmaqla bütün polis əməkdaşlarını təbrik edib, çətin və məsuliyyətli xidmət yolunda onlara uğurlar arzulayıb.

Dövlətçiliyin əsas sütunlarından olan daxili işlər orqanlarının möhkəm nizam-intizama, yüksək peşəkarlığa malik qurum kimi formalaşmasının Ulu Öndər Heydər Əliyevin adı ilə bağlı olduğunu vurğulayan icra başçısı qeyd edib ki, Ümummilli liderin bu səhədə siyasətini uğurla davam və inkişaf etdirən Prezident İlham Əliyevin diqqət və qayğısı sayəsində Azərbacan polisi mütəşəkkil cinayətkarlığa, sabitlik üçün təhlükə doğuran zərərli meyillərə qarşı uğurlu mübarizə aparır, ictimai-siyasi, həmçinin kriminogen durum tam nəzarətə saxlanılır.

Rəşad Tağıyeb bildirib ki, Azərbaycan polisi Müzəffər Ali Baş Komandanı İlham Əliyevin ölkəmizin davamlı inkişafı naminə həyata keçirdiyi mühüm tədbirlərə, vətəndaşlarımızın təhlükəsiz həyatının, asayişinin qorunması işinə bundan sonra da layiqli töhfələr verəcəyinə ürəkdən inanırıq.

Çıxış edən YAP Şəmkir rayon təşkilatının sədri Fəxrəddin Vəliyev bildirib ki, bu gün Azərbaycan Respublikasının Prezidenti İlham Əliyevin diqqət və qayğısı sayəsində davamlı inkişafda olan daxili işlər orqanları ölkədə cinayətkarlığa, onun transmilli növlərinə qarşı mübarizədə, asayişin və təhlükəsizliyin təmin olunmasında önəmli xidmətləri ilə seçilir. Eyni zamanda Azərbaycan polisi vətəndaşların qanuni mənafelərinin, hüquq və azadlıqlarının müdafiəsi sahəsində üzərinə düşən funksiyaları peşəkarlıqla yerinə yetirir və hər zaman vəzifə borcuna sadiq qalaraq ona bəslənən inam və etimadı doğruldur.

Tədbirdə çıxış edənlər Azərbaycan Polisinin 107 illik fəaliyyəti barədə geniş məlumatlar verərək, ictimai asayişin, daxili təhlükəsizliyin, həmçinin vətəndaşların hüquq və azadlıqlarının qorunmasındakı əvəzsiz rolundan danışıblar.

Sonda 2025-ci ildə xidmətdə fərqlənən polis əməkdaşlarına icra başçısının Fəxri Fərmanları təqdim edilib.

Eyni zamanda bir sıra polis əməkdaşlarına növbəti rütbələri təqdim edilib, veteran polis əməkdaşlarına isə hədiyyələr verilib, xatirə fotosu çəkilib.

Paylaş:

Baxılıb: 522 dəfə