Kremldə yazılan ssenari...

Bakı:

27 °C

65 %

4 m/s

Əlaqə

AZ RU EN

Ana səhifə / Analitik / Kremldə yazılan ssenari...

Kremldə yazılan ssenari...

12.08.2025 [11:00]

Rusiyaya baha başa gələ bilər

Azərbaycan neftinin ixrac edildiyi Ukraynanın Odessa istiqamətindəki qaz kəməri sisteminin, eləcə də SOCAR-ın yanacaqdoldurma məntəqəsinin növbəti dəfə 5 “Şahed” kamikadze dronu ilə hədəfə alınaraq zərbələrə məruz qalması Kremlin Azərbaycana qarşı düşmənçiliyinin bariz nümunəsi kimi dəyərləndirilə bilər. Bu, Rusiyanın son aylarda ölkəmizə qarşı intensivləşən təzyiq siyasətinin tərkib hissəsidir.

Rusiya bu cür təxribatları son dövrlərdə təkrarlayır, Azərbaycanın Ukraynadakı mühüm inzibati məntəqələrini, biznes, enerji obyektlərini, hətta diplomatik nümayəndəliyinin yerləşdiyi əraziləri məqsədli şəkildə hərbi hücumlarla sıradan çıxarmağa çalışır. Ukraynadakı səfirliyimizin yaxınlığında raket zərbələrinin endirilməsi beynəlxalq qaydalara zidd olmaqla yanaşı, bütün siyasi etik normaları pozmaqdır. Eləcə də mülki infrastrukturların, energetika-yanacaq kompleksələrinin hərbi hədəf halına gətirilməsi, SOCAR-ın inzibati ofisinin yanına raketin düşməsi və digər hallar məqsədli bir ssenarinin tərkib hissəsidir və Moskvanın dövlət aparatının sifarişlərinin təzahürüdür. Bunlar Rusiyanın məqsədyönlü şəkildə Azərbaycanın Ukraynadakı legitim fəaliyyətinə zərbə vurmaq, bu ölkədəki humanitar-iqtisadi dəstəklərini sarsıtmaq məqsədi güdür və Kreml bununla Azərbaycana a?ıq verməyə çalışır ki, Ukraynaya qarşı davam etdirdiyi humanitar fəlakətlərə göz yumsun. Bu, nəinki dövlət əxlaqına sığmır, eyni zamanda, insanlığa qarşı cinayətlər kimi xarakterizə oluna bilər.

Ümumiyyətlə, Rusiya Ukraynada başlatdığı hərbi münaqişədəki zərər və itkilərinin, siyasi-hərbi-iqtisadi defoltunun şiddətlənməsi fonunda daha da dövlət etikasını itirir, Ukrayna xalqının üzləşdiyi insanlıq faciəsinə biganə qalmayan, ağrı ilə qarşılayan dövlətlərə düşmən kimi yanaşır. Qardaş Ukrayna xalqına qarşı vəhşiliklər törədən Rusiyanın digər ölkələrə və xalqlara qarşı törətdikləri təəccüblü deyil. Bu acizlik və çarəsizlik əlamətini isə həmin ölkələrdən müxtəlif “qisaslarla” almağa çalışır. Qroznu hava limanı yaxınlığında təyyarəmizin vurulması, Yekaterinburqda baş vermiş hadisələr də bunu təsdiqləyir.

Rusiyanın düşdüyü rüsvayçı vəziyyət, bu dövlətin postsovet məkanında Ermənistandan sonra ikinci işğalçı dövlət olmasını açıqca nümayiş etdirir.

Kreml onun imperialist siyasətinə qarşı çıxan, regiondakı avantüralarını açıq şəkildə rədd edən dövlətlərə, o cümlədən Azərbaycana qıcıq göstə?ir. Rusiya bununla Azərbaycanın müstəqil xarici siyasətinə, o cümlədən regional həmrəylik dalğası yaradan enerji siyasətinə qarşı çıxaraq barışmaq istəmədiyini büruzə verir.

Ancaq Rusiya hökuməti, dövlət rəsmiləri anlamalıdır ki, bu şovinist və yırtıcı siyasət daha çox özünə zərər verir, yaxın qonşularını ondan daha da uzaqlaşdırır, strateji müttəfiqlik bəyannaməsi imzaladığı Azərbaycana qarşı bu məntiqsiz yanaşma, münasibətləri korlayır. Ona görə də, Rusiya bölgədə adi qonşuluq münasibətlərini də itirmək və bütün region ölkələrini özündən iyrəndirmək istəmirsə, açıq məntiqlə düşünməlidir.

Azərbaycan dövlətinin yürütdüyü balanslaşdırılmış xarici siyasət kursu hər bir ölkəyə qarşı deyil, yalnız milli maraqların həyata keçirilməsinə əsaslanır. Bu gün bölgədə yeni realıqlar yaradan ölkəmiz daha güclüdür, haqlıdır, qalibdir. Ərazi ölçüsündən asılı olmayaraq heç bir dövlət Azərbaycanla təhdid dilində danışa bilməz, bunu Rusiyadakı hakim dairələr anlasalar, öz xeyirlərinə olar.

Paylaş:

Baxılıb: 654 dəfə