Səhiyyə Nazirliyimiz hara baxır?

Bakı:

28 °C

59 %

11 m/s

Əlaqə

AZ RU EN

Ana səhifə / Analitik / Səhiyyə Nazirliyimiz hara baxır?

Səhiyyə Nazirliyimiz hara baxır?

30.07.2025 [12:53]

Bu günlərdə xarici media orqanlarına verdiyi müsahibədə AXCP sədri Əli Kərimli bir daha anti-milli və ermənipərəst mövqeyini nümayiş etdirib.
Jurnalistin “Yekaterinburqda (Rusiya) baş verən kütləvi və amansız həbslər zamanı iki azərbaycanlının öldürülməsindən sonra İlham Əliyev Vladimir Putinlə qarşıdurma yolunu seçdi. Siz bu məsələdə Əliyevi dəstəkləyirsinizmi” sualına cavabında Kərimli “Əliyev rejiminin dəstək verəcəyim heç bir yanı yoxdur” deməklə əslində hansı səmtdə olduğunu və dəstək verdiyini, daha doğrusu yanların, Nikolun və ermənilərin cinahında - yanında olduğunu təsdiqləmiş olur.

Onun türk qardaşlarımız demiş “yandaş” olması, yanları tutması birinci dəfə deyil, biz bunun dəfərlərlə şahidi olmuşuq və bəzi qısa xatırlatlamlarla yada salmaq istərdik.
2020-ci ilin iyulunda Tovuz hadisələri zamanı meyitlərini döyüş əməliyyatları gedən ərazilərdə qoyub qaçan və yüzlərlə yaralısını köməksiz buraxan Ermənistan Ordusunun acınacaqlı durumunu Ermənistan Müdafiə Nazirliyinin məlumatlarından da görürdük. Qurumun mətbuat katibi Şuşan Stepanyan “Bz çıxılmaz vəziyyətdəyik. Bizim hərbçilərimiz, əsgərlərimiz ölürlər. Digərləri isə döyüş bölgələrindən qaçırlar” deməklə itkilərinin sayınını hədsiz çox olmasını etiraf edirdi. Əli Kərimli isə həmin vaxt yazırdı ki, Azərbaycan Müdafiə Nazirliyinin ermənilərin verdiyi itkilərilə bağlı dedkləri rəqəmlər şişirtmədir , həqiqətə uyğun deyil”.

Yaxud, həmin hadisələr zamanı başqa bir açıqlamasında “Biz bir qarış torpaq almadan şəhid vermişik” deyən Kərimlinin bu fikirləri topraq uğruna qanı tökülən şəhidlərimizə olan həqarətdir, general Polad Həşimovun ruhuna xəyanətdir.
O, bununla daha çox erməniliyə xidmət etdiyini biruzə vermiş olurdu.
Digər xatırlatma: Sevinc Osmanqızının yayımına çıxan Əli Kərimli Azərbaycan Müdafiə Nazirliyini “təkzib” edərək yenə də erməni propaqandasının tez-tez xatırlatdığı fikrə istinadən “Azərbaycan Ordusunun şəhid sayı 4 dən daha çoxdur” deməklə bir daha səmtini müəyyənləşdirir.

Başqa bir xatırlatma. Şərur rayonunun “Cünnüt” kəndi daxil, on bir min hektar ərazinin Naxçıvan hərbi birləşmələrinin nəzarətinə keçməsi haqda rəsmi məlumat yayılır. Hər an dezinformasiya püskürən Ermənistan Müdafiə Nazirliyi bu hərbi situasiyanın gerçəkliyi qarşısında bəhanə uydurmağa əsaslar tapa bilmir, ancaq AXCP sədri daha oyaq tərpənərək “təkzib edir”. Ə.Kərimli yazırdı ki, “Naxçıvanda guya 11 min hektar torpaq sahəsinin Ermənistanın işğalından azad edilməsi haqda məlumat yalan idi. Bütün yalanlar kimi, bu da tez ifşa olundu. Məlum oldu ki, heç bir döyüşdən, torpaq azad etməkdən söhbət getmir”.

Bu, öz Milli Ordusuna qarşı çıxmaq, milli xəyanət və Ermənistan Müdafiə Nazirliyinin təşviqatına növbəti dəstək idi. Bu, iqtidarlı- müxalifətli, bir nəfər kimi öz mətbuatının (və hakimiyyətinin) yalanına sahib çıxan ermənilərlə birgəliyin əlaməti idi.
Yeri gəlmişkən, 44 günlük müharibədə və sonrakı dövrdə Azərbaycanda bütün siyasi qüvvələrin iqtidar-müxalifət demədən Ali Baş Komandanın ətrafında yumruq kimi birləşərək həmrəylik nümayiş etdirdiyi halda, bu ümummilli həmrəylik halqasına qoşulmayan və daim erməni təşviqatına xidmət edən fikirləri ilə diqqət çəkən AXCP sədri indi “Biz ərazi bütövlüyümüzü bərpa etmişik və Ermənistana qarşı ərazi iddialarımız yoxdur” deməklə növbəti riyakarlığını və saxtakarlığını nümayiş etdirir.
Vaxtilə “Rusiya ilə Azərbaycan arasında dövlət sərhədi olmamalıdır” deyən xəstə təxəyyülün bu gün “Rusiyanın Cənubi Qafqazda mövcudluğu vacibdir” fikri aradan ötən 33 ildə eyni zehniyyətin, yarımçıq şüurun təzahürüdür. Bu, eyni zamanda, Zatulinin, Solovyovun tezisnin tirajlanması, Rusiyanın bölgə üçün “vacibliyini” xatırlatmaqla dəyişməyən Kərimlinin mahiyyətini ifadə edir.

Şübhə yoxdur ki, bizim qənaətimiz ondan ibarətdir ki, Azərbaycanın qazandığı sarsılmaz Qələbə və yaratdığı yeni reallıqlar, yanlarla bərabər, Əli Kərimlidə də ciddi travma yaradıb. Bu travmanın və patoloji pozuntuların yaratdığı şiddətli sarsıntılar Kərimlidə son günlər daha kəskin hal almaqla onun sağlamlığına və təxəyyülünə ciddi zərərlər vurur. Belə yerdə adam demək istəyir ki, Səhiyyə Nazirliyimiz hara baxır?

SADİQ

Paylaş:

Baxılıb: 535 dəfə