Avqustun 1-də...

Bakı:

25 °C

83 %

2 m/s

Əlaqə

AZ RU EN

Ana səhifə / Xəbər lenti / Avqustun 1-də...

Avqustun 1-də...

14.03.2024 [10:54]

Rus hərbçiləri Zvartnots hava limanını tərk edəcək?

NARDAR

Ermənistan Rusiyanı Qərblə əvəzləmək istiqamətində növbəti addım atır. KTMT-də fəaliyyətini donduran, Avropa İttifaqına üzvlük üçün müraciət etməyi düşünən Ermənistan paytaxt İrəvanda yerləşən Zvartnots hava limanından rus hərbçilərini də çıxarmağa hazırlaşır. Xatırladaq ki, bir müddət öncə rəsmi İrəvan Zvartnots hava limanında Rusiya sərhədçiləri ilə bağlı qarşı tərəfə rəsmi məktub göndərib. Rəsmi İrəvan hesab edir ki, hava limanında yalnız Ermənistan sərhəd qoşunları xidmət göstərməlidir. Baş nazir Nikol Paşinyan martın 12-də keçirdiyi mətbuat konfransında deyib ki, Ermənistan sərhədçiləri avqustun 1-dən etibarən Zvartnots hava limanında tam xidmətə başlayacaqlar: “Burada söhbət erməni sərhədçilərinin hava limanında xidmətə başlamasından yox, yardımçı funksiyanı yerinə yetirən Rusiya sərhədçilərinin xidmətdən tamamilə kənarlaşdırılmasından gedir. Biz belə bir qərar verdiyimizi elan etmişdik və səhv etmirəmsə, rus hərbçilərinin ərazini tərk etməsi üçün son tarix kimi 2024-cü il avqustun 1-ni göstərmişik” .

Paşinyanın sözlərinə görə, ölkəmizdə dövlət qurumları bu müddət ərzində inkişaf edib: “Ermənistan Sərhəd Qoşunları ölkə ərazisindəki Rusiya Sərhəd Qoşunlarına məktubla müraciət edərək, onlara Zvartnots hava limanında xidmətlərinə və göstərilən köməyə görə təşəkkür edib. Ermənistan Sərhəd Xidməti artıq Rusiya tərəfinin köməyi olmadan Zvartnots hava limanında xidməti həyata keçirmək üçün kifayət qədər təcrübə, bacarıq və bilik əldə edib”.

Rusiya Prezidentinin mətbuat katibi Dmitri Peskov Ermənistandan müvafiq məktubun alındığını təsdiqləyib: “Ermənistan Sərhəd Qoşunları ölkə ərazisindəki Rusiya Sərhəd Qoşunlarına məktubla müraciət edərək, onlara Zvartnots hava limanında xidmətlərinə və göstərilən köməyə görə təşəkkür edib”. O qeyd edib ki, məsələ ilə bağlı qurumlar arasında əlaqə davam edəcək.

Məlumdur ki, Rusiyanın Ermənistana təsir və təzyiq imkanları kifayət qədər genişdir. İlk növbədə, Ermənistanda Rusiyanın beş minə qədər hərbçisi mövcuddur. Gümrüdə şəhərində yerləşən Rusiyanın 102-ci hərbi bazası Rusiya Federasiyasının Şimali Qafqaz hərbi dairəsinin Qafqazdakı Qoşun Qruplaşmasına tabedir. Bazada digər silah və hərbi texnika ilə yanaşı, “C-300” zenit-raket kompleksi və Miq-29 qırıcıları da var. Bazanın şəxsi heyəti 4 mindən çox hərbi qulluqçudan ibarətdir. İki ölkə arasında imzalanmış müqaviləyə görə, hərbi baza Ermənistanda 49 il qalmalıdır. Belə ki, bununla bağlı iki dövlət 1995-ci ildə 25 il müddətinə sənəd imzalayıb. 2010-cu ildə isə hərbi bazanın dislokasiya müddəti uzadılıb.

Əksər ekspertlərin də vurğuladıqları kimi, bu bir tərəfdən Ermənistanın dəstəklənməsi anlamına gəlirsə, digər tərəfdən Rusiya Ermənistana həqiqi mənada özünün Cənubi Qafqazdakı forpostu kimi baxır. Digər tərəfdən, Rusiya Ermənistanı sosial-iqtisadi cəhətdən də tam nəzarətə götürüb. Bu sahələr də Rusiyanın nəzarətindədir. Hazırda Rusiyanın bir sıra böyük şirkətləri, o cümlədən, “Qazprom”, “İnter RAO YES”, “RJD”, “Bank BTB”, “Rossiyskiy alüminium” şirkətləri və digərləri Ermənistan iqtisadiyyatına böyük investisiyalar yatırıblar və bütövlükdə, bu ölkənin iqtisadi sektorunun sahibinə çevriliblər. Hazırda Ermənistan iqtisadiyyatı tamamilə Rusiyadan asılıdır.

Beləliklə, Paşinyan hakimiyyətinin davranışları Rusiyanın öz forpostuna qarşı müəyyən sərt addımlar atmasına səbəb ola bilər. Ermənistan hakimiyyətinin Qərb tərəfdaşlarının onu nə dərəcədə müdafiə edib-etməyəcəyi isə suallar doğurur.

Paylaş:

Baxılıb: 648 dəfə