Ev heyvanları ilə xaricə getmək olar?

Bakı:

24 °C

54 %

6 m/s

Əlaqə

AZ RU EN

Ana səhifə / Xəbər lenti / Ev heyvanları ilə xaricə getmək olar?

Ev heyvanları ilə xaricə getmək olar?

28.12.2023 [14:23]

MÜŞFİQƏ

Tətil günlərində xarici ölkələrə səfər etməyi düşünürüsünüz, amma ev heyvanlarınızı kimə əmanət edəcəyinizi bilmirsiniz? Əks təqdirdə özünüzlə birlikdə aparmaq üçün nə edəcəyinizi bilmirsinizsə, bu material sizin üçündür.

Heyvanların daşınması yalnız aviaşirkətin razılığı ilə həyata keçirilir və daşınan heyvanların sayı və növü üzrə məhdudiyyətlər mövcuddur. Həmin şərtlər “Azərbaycan Hava Yolları”nın rəsmi səhifəsində yer alıb. Belə ki, aviabiletinizin nömrəsi, qəfəsinizin ölçüləri, heyvanın qəfəslə birlikdə çəkisi, cinsi və yaşı qeyd edilməlidir. Ən önəmlisi, heyvanın pasportu və bütün peyvəndlərin qeyd olunması, eləcə də baytar həkimin arayışı olmalıdır.

Daha ətraflı desək, ev heyvanınızı səfərə aparmaq qərarı verdiyiniz təqdirdə, uçuş vaxtından ən azı 24 saat əvvəl bu barədə məlumat verməlisiniz. Hava gəmisinin baqaj bölməsində daşınması üçün heyvanın (o cümlədən quşun) konteynerlə birlikdə çəkisi 75 kq-dan çox olmamalıdır. Unutmayın ki, uçuş ərzində sakitliyini təmin etmək üçün heyvan əvvəlcədən buna hazırlanmalıdır. Altı ay və ya daha əvvəl aviaşirkətin tələblərinə cavab verən daşıyıcı konteyner alın, içərisinə rahat, heyvana tanış olan döşək salın və oyuncaqlarını qoyun. Qısaca, qəfəsə alışmasına imkan yaradın.

Çəkisi 32 kq-dan 75 kq-dək olan iri itlər təyyarənin baqaj bölməsində xüsusi qapalı konteynerlərdə müəyyən tələblərə uyğun olaraq daşınmalıdır. Məsələn, konteynerin hündürlüyü, eni və uzunluğu itin ölçüsünə uyğun olmalı, heyvanın təkcə oturması və uzanmasını deyil, həm də ayaq üstə dayana bilməsi eləcə də 360° sərbəst dönməsi təmin edilməlidir.

Habelə qəfəsin iki hissəsi boltla bərkidilməlidir. Hər hansı digər qıfıl sistemi olan qəfəslərdən istifadəyə icazə verilmir. Çəkisi 32 kq-dan çox olan heyvanın yerləşdirildiyi istənilən konteyner ən azı iki tərəfdən tutacaqla təchiz olunmalıdır; Qəfəsdə yeri möhkəmləndirilmiş bir su qabı qoyulmalı, qapı dörd tərəfdən kilidi bağlayan mərkəzləşdirilmiş kilidləmə sistemi ilə təchiz olunmalıdır. Bundan əlavə, hər tərəfdən plastik bağların istifadəsi tələb olunur. Qəfəsin təkərləri çıxarılmalı, bağlamaq mümkündürsə, bağlanmalı və ya yapışqan lentlə möhkəmləndirilməlidir. Qəfəsin içinə ədyal, qəzet və ya digər hopdurucu material döşənməlidir. Saman və torfdan istifadə isə qadağandır. Heyvanın yerləşdirildiyi konteynerin hava gəmisinə yüklənməsi və düşürdülməsi zamanı əlavə qatlanan tutacaqların sınmaması üçün tutacaqlar qatlanmalı və yapışqan lentlə möhkəmləndirilməlidir.

Heyvanların daşınması üçün “Azərbaycan Hava Yolları” aviaşirkətinin tarifləri mövcuddur. Müəyyən edilmiş qayda və şərtlərə görə, məbləğ 70-160 avro arası dəyişir.

Paylaş:

Baxılıb: 661 dəfə