Milli Məclis “Dövlət ehtiyatları haqqında” yeni qanunu qəbul edib

Bakı:

19 °C

72 %

10 m/s

Əlaqə

AZ RU EN

Ana səhifə / Xəbər lenti / Milli Məclis “Dövlət ehtiyatları haqqında” yeni qanunu qəbul edib

Milli Məclis “Dövlət ehtiyatları haqqında” yeni qanunu qəbul edib

19.12.2023 [12:48]

Milli Məclis “Dövlət ehtiyatları haqqında” yeni qanunu qəbul edib.

“Report”un xəbərinə görə, qanun 4 fəsil, 14 maddədən ibarətdir.

Sənəddə dövlət ehtiyatları sahəsində dövlətin 3 əsas vəzifəsi müəyyənləşdirilib.

Dövlət ehtiyatları sahəsində dövlətin vəzifələri aşağıdakılardır:

- strateji əhəmiyyətli malların siyahısını, istehlak bazarının həmin mallarla təmin edilməsi vəziyyəti baxımından qiymətlərin kəskin artması və azalması risklərini müəyyən etmək;

- strateji ehtiyatların və Azərbaycanın mülki müdafiə tədbirləri çərçivəsində fövqəladə ehtiyatların tədarükünü eləcə də, təchizatçıların seçilməsini təmin etmək;

- strateji əhəmiyyətli malların (o cümlədən bazar iştirakçıları tərəfindən təmin edilən malların) monitorinqini aparmaq.

Qeyd edilib ki, strateji ehtiyatlar dövlət ehtiyatları üzrə məsul orqan, habelə məsul saxlayıcılar tərəfindən yerləşdirilir və saxlanılır. Strateji ehtiyatlar məsul saxlayıcı qismində çıxış edən fiziki və hüquqi şəxslərlə dövlət ehtiyatları üzrə məsul orqan arasında bağlanılmış müqavilə əsasında saxlanılır.

Strateji ehtiyatların saxlanıldığı yerlərin (anbarların) mülkiyyətçisi dəyişdikdə yeni mülkiyyətçi Azərbaycan Respublikası Mülki Məcəlləsinin tələblərinə riayət edilməklə 12 (on iki) ay ərzində strateji ehtiyatların saxlanılmasını təmin etməlidir. Bu halda dövlət ehtiyatları üzrə məsul orqanla əvvəlki mülkiyyətçi arasında bağlanılmış müqavilənin şərtləri yeni mülkiyyətçiyə şamil edilir.

Fövqəladə və səfərbərlik ehtiyatları bu Qanunun 9.2-ci maddəsində nəzərdə tutulmuş sifarişçilər tərəfindən yerləşdirilir və saxlanılır.

Dövlət ehtiyatlarının yerləşdirilməsi və saxlanılması məsul saxlayıcılar tərəfindən “Dövlət sirri haqqında” Azərbaycan Respublikasının Qanunu ilə müəyyən edilmiş qaydada məxfilik rejiminə riayət olunmaqla həyata keçirilir.

Dövlət ehtiyatlarına yerləşdirilən malların saxlanılma qaydası müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilir.

Dövlət ehtiyatlarının təyinatı aşağıdakılardır:

- strateji əhəmiyyətli mallarla təchizatın dayanıqlığının təmin edilməsi;

- strateji əhəmiyyətli mallar üzrə daxili bazarda qısamüddətli kəskin qiymət artmasının qarşısının alınması;

- fövqəladə, müdafiə və səfərbərlik ehtiyaclarının təmin edilməsi;

- humanitar yardımın təmin edilməsi.

Qanun müzakirələrdən sonra səsverməyə qoyularaq lll oxunuşda qəbul edilib.

Paylaş:

Baxılıb: 477 dəfə