Azərbaycan–Özbəkistan münasibətlərində yeni strateji mərhələ

Bakı:

22 °C

78 %

1 m/s

Əlaqə

AZ RU EN

Ana səhifə / YAP xəbərləri / Azərbaycan–Özbəkistan münasibətlərində yeni strateji mərhələ

Azərbaycan–Özbəkistan münasibətlərində yeni strateji mərhələ

27.08.2026 [10:54]

Prezident İlham Əliyevin 23–24 avqust 2026-cı il tarixlərində Özbəkistana dövlət səfəri Azərbaycan–Özbəkistan münasibətlərinin inkişafında mühüm mərhələ oldu. Səfər iki qardaş ölkə arasında mövcud olan dostluq, strateji tərəfdaşlıq və müttəfiqlik münasibətlərinin daha da möhkəmləndiyini nümayiş etdirdi.
Səfər çərçivəsində keçirilən yüksək səviyyəli görüşlərdə siyasi, iqtisadi, investisiya, enerji, nəqliyyat, kənd təsərrüfatı, mədəniyyət və humanitar sahələrdə əməkdaşlığın gələcək istiqamətləri müəyyənləşdirildi. Tərəflər qarşılıqlı əlaqələrin konkret layihələr və praktik nəticələr üzərində inkişaf etdirilməsi barədə razılığa gəldilər.
Səfərin ən mühüm nəticələrindən biri Əbədi dostluq haqqında Müqavilənin imzalanması oldu. Bununla yanaşı, ticarət dövriyyəsinin 2030-cu ilədək 1 milyard ABŞ dollarına çatdırılması üzrə proqram, investisiya və ticarət sahəsində praktiki fəaliyyət planı, mədəniyyət, turizm və digər sahələri əhatə edən mühüm sənədlər qəbul edildi.
Xüsusilə 1 milyard dollarlıq ticarət hədəfi Azərbaycan–Özbəkistan iqtisadi münasibətlərinin böyük inkişaf perspektivinə malik olduğunu göstərir. Qarşılıqlı investisiyaların artırılması, sənaye kooperasiyasının genişləndirilməsi və yeni birgə layihələrin həyata keçirilməsi bu məqsədə çatmaq üçün mühüm imkanlar yaradır.
Azərbaycan və Mərkəzi Asiya bu gün vahid geosiyasi və geoiqtisadi məkan kimi formalaşır. Bu baxımdan Azərbaycan–Özbəkistan əlaqələrinin inkişafı xüsusi əhəmiyyət daşıyır. Orta Dəhlizin birgə inkişaf etdirilməsi, nəqliyyat və logistika imkanlarının genişləndirilməsi Mərkəzi Asiyanı Azərbaycan vasitəsilə Qərb bazarları ilə daha sıx birləşdirir
Səfərin diqqətçəkən məqamlarından biri də Prezident İlham Əliyevin Özbəkistanın ən yüksək dövlət təltifi — “Oliy Darajali Doʻstlik” (“Yüksək dərəcəli Dostluq”) ordeni ilə təltif olunması idi. Bu təltif dövlətimizin başçısının Azərbaycan–Özbəkistan dostluğunun, strateji tərəfdaşlığının və müttəfiqlik münasibətlərinin möhkəmlənməsindəki xidmətlərinə verilən yüksək qiymətin ifadəsidir
Prezident İlham Əliyevin Özbəkistana dövlət səfəri bir daha göstərdi ki, Azərbaycan və Özbəkistan münasibətləri yeni inkişaf mərhələsinə qədəm qoyub. Siyasi iradə, qarşılıqlı etimad və ortaq maraqlar iki qardaş ölkənin əməkdaşlığını daha da genişləndirəcək, Mərkəzi Asiya ilə Cənubi Qafqaz arasında əlaqələrin güclənməsinə və Türk dünyasının inteqrasiyasına yeni imkanlar yaradacaq.
Azərbaycan–Özbəkistan qardaşlığı artıq yalnız tarixi və mənəvi bağlara deyil, konkret layihələrə, güclü siyasi iradəyə və ortaq gələcəyə əsaslanan strateji əməkdaşlıq modelinə çevrilir.

Nofəl Atakişiyev
YAP İmişli rayon təşkilatı Aparatının məsləhətçisi

Paylaş:

Baxılıb: 508 dəfə