Gələcəyə hesablanmış siyasət

Bakı:

24 °C

64 %

7 m/s

Əlaqə

AZ RU EN

Ana səhifə / Xəbər lenti / Gələcəyə hesablanmış siyasət

Gələcəyə hesablanmış siyasət

16.12.2023 [19:20]

“Ulu Öndər Heydər Əliyevin dediyi “Yeni Azərbaycan Partiyası dünənin, bu günün, gələcəyin partiyasıdır” ifadəsi necə ki bu gün özünü doğruldur, elə gələcək üçün də olduqca əhəmiyyətli bir şüardir. Baş verən proseslər və ölkəmizin günü -gündən inkişaf etməsi bir daha təsdiq edir ki, Prezident İlham Əliyevin rəhbərliyi ilə YAP-ın yürütdüyü siyasət düzgün və gələcəyə hesablanmış bir siyasətdir. Bu baxımdan 7 fevral 2024-cü il tarixində keçiriləcək növbədənkənar prezident seçkilərində İlham Əliyevin yenidən namizəd olması bir zərurətdir”. Bu fikirləri yeniazerbaycan.com-a Milli Məclisin deputatı Vüqar İskəndərov söyləyib.

Vüqar İskəndərov bildirib ki, 30 il ərzində bütün seçkilərdə prezidentliyə namizədliyi irəli sürülən şəxslərdən xalqın başlıca istəyi Qarabağ münaqişəsinin ədalətli surətdə həll olunması və Azərbaycanın işğal altında olan torpaqlarının azad olunmasından ibarət idi: “Vətən müharibəsi nəticəsində Azərbaycanın torpaqlarının azad olunması və ərazi bütövlüyümüzün təmin edilməsi, xüsusilə də cari ilin sentyabr ayında keçirilmiş antiterror tədbirlər nəticəsində problemin bütövlükdə ədalətli şəkildə həll olunması Azərbaycanın gündəliyini də köklü surətdə dəyişdirdi. İndi Azərbaycanın gündəliyi münaqişə və müharibə ilə deyil, sülh və əməkdaşlıq məsələləri ilə təyin olunur. Bütün bu uğurlar isə Ulu Öndərin siyasətini layiqincə davam etdirən Prezident İlham Əliyevin rəhbərliyi dövründə qazanılmışdır. Bu gün ölkədə hansı sahəyə nəzər yetirsək görərik ki, orada mütləq şəkildə inkişaf var. Hər il ölkəmiz irəliyə doğru addımlayır. Bu baxımdan partiyanın İdarə Heyətinin genişləndirilmiş iclasında Yeni Azərbaycan Partiyasının Sədri İlham Əliyevin namizədliyinin irəli sürülməsi bir zərurətdir. Qəbul edilən qərar təkcə Yeni Azərbaycan Partiyasının növbədənkənar prezident seçkilərində namizədinin irəli sürülməsi yox, bütün Azərbaycan xalqının iradəsinin ifadəsidir. Prezidentin 20 illik fəaliyyətinin hər ayı, hər ili Azərbaycanın tarixində dərin iz buraxmış nailiyyətlər, qələbələr, uğurlarla zəngindir. Azərbaycanın iqtisadiyyatının qısa bir zaman ərzində 4 dəfə artması bütün dünyada ən uğurlu gənc dövlət statusu qazanmasının əsasını təşkil edir. Eyni sözləri Azərbaycanda sosial inkişafla əlaqədar da bildirmək mümkündür. Bu mənada Azərbaycan vətəndaşları qarşıdan gələn növbədənkənar prezident seçkilərinə cənab İlham Əliyevə qəlblərində bəslədikləri vəfa borcunun ifadə olunması üçün gözəl bir fürsət kimi baxacaq”.

Paylaş:

Baxılıb: 557 dəfə