Kişilər qadınlardan daha çox intihara meyilli olur?

Bakı:

11 °C

93 %

5 m/s

Əlaqə

AZ RU EN

Ana səhifə / Xəbər lenti / Kişilər qadınlardan daha çox intihara meyilli olur?

Kişilər qadınlardan daha çox intihara meyilli olur?

07.12.2023 [11:22]

MİKAYIL

“Tovuzda 65 yaşlı kişi intihar edib”, “Babək rayonunda 61 yaşlı kişi intihar edib”, “Yevlaxda 24 yaşlı qadın ata evində intihar edib”... Bunlar intiharlarla bağlı mediada yayılmış ən son xəbər başlıqlarıdır. Demək olar ki, hər gün azı bir dəfə belə xəbər oxuyuruq. Araşdırmalar göstərir ki, son on ildə bütün dünyada intihar halları artıb. Görəsən, intiharların artmasının səbəbi nədir?

Baş Prokurorluq bu günlərdə intiharların əsas səbəbini açıqlayıb. Bildirilib ki, intihar halları əsasən ailə daxilində baş verdiyindən çox zaman qapalı qalır və yaxın şəxslər bu haqda məlumat vermək istəmirlər. Bu səbəbdən belə halların açılması ya natamam qalır, ya da açılmır, hüquq-mühafizə orqanları ciddi problemlərlə qarşılaşır. Odur ki, intihar hallarının üstünün açılmasında ciddi problemlər yaşanır. İntihara cəhd etmiş şəxslə bağlı sonradan psixoloji ekspertiza aparılır ki, o həqiqətən özünü öldürmək istəyib, ya yox?! Təəssüf ki, bu sahədə psixoloji ekspertizalarımız azdır.

Qeyd olunub ki, intihar və intihara cəhd cinayətlərinin başvermə səbəbini araşdıranda bəzən onların əsasən erkən və qanunsuz nikahlardan qaynaqlandığı məlum olur. Digər hallar var ki, zərərçəkmiş şəxslər barədə xəstəxanalardan məlumat alırıq. Sanki bu haqda məlumat verməkdə "ictimai qınaq" var. Zərərçəkmiş şəxs sonradan həqiqi olmayan məlumatlar verir və ya barışıq ərizələri təqdim edirlər. Ən problemli hal isə zərərçəkmiş şəxs məhkəmədə istintaqa verdiyi məlumatdan fərqli məlumat təqdim etməsidir. Nəticədə cinayət bağlı qalır.

Psixiatrların sözlərinə görə, intiharın ən böyük səbəbi depressiyadır. Depressiyaya düşən insanlar problemlə qarşılaşdıqları zaman çarə tapa bilmirlər. Dözülməz psixoloji ağrıdan xilas olmaq üçün həyatını sonlandırırlar. Depressiyada olan kişilər qadınlardan daha çox intihara meyilli olur. Alkoqol və narkotik maddələrin istifadəsindən asılı olaraq da insanlar intihara meylli ola bilər. İntihar edən şəxs əslində ölmək yox, ailəsinə və dostlarına nəyinsə səhv olduğunu bildirmək istəyir. Əsas məqsədi səslərini eşitdirməkdir, lakin bəzən bu cəhdlər istəmədən də olsa, ölümlə nəticələnir. Ətrafınızda bu kimi insanların olduğunu hiss edirsinizsə, onları dinləməyə və kədərini azaltmağa çalışın. İnsanın ağrı və boşluqdan başqa seçimlərinin olduğunu görməsinə kömək edərək, ölməkdən başqa seçimi olmadığına inandığı perspektivini genişləndirin. Bir neçə mütəxəssisdən kömək alın, heç vaxt təkbaşına bu məsələyə görə məsuliyyət daşımayın. Unutmayın, intihara meyilli insanın dediklərini sirr saxlamaq, onu qorumağa çalışmaq çox risklidir.

Paylaş:

Baxılıb: 500 dəfə