Qərbin “emissarları”...

Bakı:

20 °C

73 %

2 m/s

Əlaqə

AZ RU EN

Ana səhifə / Xəbər lenti / Qərbin “emissarları”...

Qərbin “emissarları”...

07.12.2023 [11:10]

Kərimli və dəstəsinin eyni məzmunlu “mövzuları”...

Xarici ermənipərəst mərkəzlərin, anti-Azərbaycan dairələrin “yedəyi” funksiyasını yerinə yetirən redikül müxalifət hər zaman ölkəmizə, xalqımıza qarşı aparılan şər-böhtan kampaniyalarının ön sıralarında yer almağa çalışır. Daha doğrusu, ölkəmizin əldə etdiyi uğurları, son 3 ildə qazanılan böyükmiqyaslı qələbələri, post-müharibə dövründə yeni iqtisadi nizamın qurulmasındakı fəal iştirakımızı həzm etməyə ermənipərəst xarici qruplar öz çirkin oyunlarında, ucuz “təbliğatlarında” xəyanətdən və satqınlıqdan başqa heç bir işə yaramayan rediküllərdən “fəal şəkildə” istifadə ediblər. Qeyd edildiyi kimi həm 2020-ci il Vətən müharibəsi zamanı, həm də 2023-cü il antiterror tədbirləri dövründə redikül müxalifət, xüsusilə AXCP sədri Əli Kərimli və tərəfındakı azsaylı qrup bütün “səyini” ölkəmizin uğurlarına kölgə salmağa yönəltmişdi.

Bu gün də analoji “xətti” davam etdirən Ə.Kərimlinin xarici donor qruplardan aldığı tezis və direktivlərlə hərəkət etməsi ortadadır - hətta sosial şəbəkələrdə belə bu partiyanın üzvləri, rəhbər şəxsləri paylaşdıqları statusların məzmununu xarici dairələrin göndərdikləri sifarişlərlə “uzlaşdırır”. Bununla bağlı aparılan moqnitorinq də dediklərimizi təsdiqləyir. Məsələn, son dövrlərdə həm Ə.Kərimlinin, həm də AXCP “qruplaşması”nın ən “sevimli mövzusu” Qərbi “tərifləməkdir”. Xüsusilə, ABŞ-ın ölkəmizə qarşı fərqli standartlarla yanaşmasına az qala haqq qazandırmağa qalxan Ə.Kərimli və dəstəsi eyni məzmunlu, eyni motivli, hətta eyni söz və fikirləri özündə əks etdirən ifadələr işlədir, Qərbin maraqlarının “keşikçisi” olduqlarını “sübut etməyə” çalışırlar. Bəzi məqamlarda daha da “uzağa gedərək” Azərbaycanın Qarabağı azad etməsini belə “şübhə altına” almağa çalışan Ə.Kərimlinin dırmanmağa çalışdığı “nərdivanın” hər pilləsi onun xəyanətlərindən bəhs açır.

AXCP sədri sosial şəbəkələrdə Qarabağın azad edilməsini sorğulamağa niyyətlənib - bunun necə baş verdiyini “anlamadığını” deyir. Cəmisi bir neçə il öncə Azərbaycan hakimiyyətini “Qarabağı unutdurmağa çalışmaqda”, “Qarabağın azad edilməsi ilə bağlı konsepsiyaya malik olmamaqda” günahlandıran Ə.Kərimli bu gün absurd şəkildə Qarabağın “hansı şəraitdə” azad olunmasına kölgə salmağa çalışır. AXCP sədri hələ də dərk etmir ki, xalq-hakimiyyət-ordu birliyinin qarşısında duruş gətirəcək hər hansı bir qüvvə tapıla bilməz.

Bu gün Qərb maraqlarının “danışan dili”nə çevrilən Ə.Kərimli və yandaşları üçün milli maraq heç bir əhəmiyyət kəsb etmir - ortaya qoyduğu “yanaşma” bir daha Ə.Kərimli və yandaşlarının antimilli mahiyyətindən xəbər verir. Görünən odur ki, 1992-ci ildə Azərbaycanın maraqlarını xarici fondlara satan, sonradan isə öz partiyadaşlarına belə xəyanət edən Əli Kərimli bu gün də ölkəmizin, xalqımızın mənafeyinə qarşı cəbhədə yer almaqda davam edir. Ermənipərəst qurumların çirkin oyunlarının aləti qismində çıxış edən Ə.Kərimli və dəstəsi bir daha öz kimliklərini Azərbaycan cəmiyyətinə nümayiş etdirirlər...

MƏNSUR

Paylaş:

Baxılıb: 622 dəfə