Heydər Əliyev
yeni azerbaycan logo

Ana səhifə / Xəbər lenti / Oktyabrda qar yağması normaldır?

Oktyabrda qar yağması normaldır?

05.10.2023 [18:55]

M.BAYRAMLI

Oktyabr ayına yenicə qədəm qoymuşuq. Şıltaq payızda hava bir gün yağışlı, bir gün küləkli, bir gün də qarlı olur. Bəli, səhv eşitmədiniz. Qarlı olur…

Ekologiya və Təbii Sərvətlər Nazirliyinin Milli Hidrometeorologiya Xidmətinin oktyabrın 4-nə olan məlumatına əsasən, Şahdağda qar yağıb.

Görəsən bunun səbəbi nədir? Qış gəlmədən qar yağmağın təbiətə və insan orqanizminə hansı təsiri var?

Mütəxəssislərin sözlərinə görə, bu il son 100 ilin ən soyuq qışı olacaq. Xüsusilə də, bu vəziyyət Avropada gözlənilir. Alimlər bu cür soyuqların 15 ildən sonra daha dəhşətli vəziyyətə yol açacağını vurğulayıblar.

Bəs ölkəmizdə vəziyyət necə olacaq? 

Əksər bölgələrimizdə artıq payız fəsli olmağına baxmayaraq, qış sərt üzünü göstərir.

Coğrafiya üzrə fəlsəfə doktoru Əli Məmmədov deyir ki, oktyabr ayında bu cür hava şəraiti normal deyil. Onun sözlərinə görə, Avropada gözlənilən proqnozlar ölkəmiz üçün də istisna deyil: “Havaların qəfil soyuması insanların səhhətinə mənfi təsir göstərməklə yanaşı, 

heyvanlar üçün də çətinlik yaradır. Habelə torpağa və kənd təsərrüfatı məhsullarına ciddi ziyan vurur. İqlim dəyişikliyi okeanların, quru səthlərinin və buz təbəqələrinin dəyişməsi deməkdir. Bir sözlə, sərt qışa hazır olmalıyıq”.

Xatırladaq ki, Elm və Təhsil Nazirliyi N.Tusi adına Şamaxı Astrofizika Rəsədxanasından bildirilib ki, Şimal yarımkürəsində payız fəsli dekabrın 22-nə qədər davam edəcək. Dekabrın 22-si saat 07:27-də qış fəsli payızı əvəz edəcək.

Paylaş:
Baxılıb: 438 dəfə

Xəbər lenti

Hamısına bax

İqtisadiyyat

Ədəbiyyat

Sosial

Ədəbiyyat

YAP xəbərləri

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31