İsrailin IAI şirkətinin nümayəndədisi: Astronavtika Konqresində olmaqdan çox şadam

Bakı:

22 °C

88 %

2 m/s

Əlaqə

AZ RU EN

Ana səhifə / Xəbər lenti / İsrailin IAI şirkətinin nümayəndədisi: Astronavtika Konqresində olmaqdan çox şadam

İsrailin IAI şirkətinin nümayəndədisi: Astronavtika Konqresində olmaqdan çox şadam

03.10.2023 [12:45]

MÜŞFİQƏ

“Bakı olduqca gözəl şəhərdir. Burada olmaqdan çox şadam. Beynəlxaq Astronavtika Konqresdə iştirak etmək şirkətimiz üçün olduqca vacib idi. İsrailin Avropa Kosmik Agentliyi ilə birgə təşkilatçılığı ilə buradayıq. Onu da qeyd edim ki, “Azərkosmos” ASC ilə partnyoruq və birlikdə işləməkdən çox şadıq. Gələcəkdə uzun müddətli planlarımız var”.

Bu fikirləri Bakıda keçirilən 74-cü Beynəlxalq Astronavtika Konqresində “Yeni Azərbaycana”a açıqlamasında “Israel Aerospace İndustries” (IAI) şirkətinin nümayəndəsi Aviv Kanelbaum deyib.

“Stendimizdə müxtəlif kosmik aparatlarımızı nümayiş etdiririk. Burada siz 2019-cu ildə Aya göndərilən ilk aparatımızı da görə bilərsiniz. İlk cəhdimiz baş tutmasa da, bu mənada işlər görürük.İnanırıq ki, ikinci aparatımız uğurla Aya eniş edəcək. Kommunikasiya peyklərimiz, zond peyklərimiz mövcuddur. Yerli ziyarətçilər stendimizə xüsusi maraq göstərirlər. Gənclərin texniki suallar verib, dərindən öyrənməyə çalışmaları xüsusi diqqətimi çəkdi. Bu, onların potensialından xəbər verir”.

Oktyabrın 2-də Bakı Konqres Mərkəzində Azərbaycanın Kosmik Agentliyinin ("Azərkomos") və Beynəlxalq Astronavtika Federasiyasının tətəfdaşlığı ilə 74-cü Bakı Beynəlxalq Astronavtika Konqresi işinə başlayıb.

Oktyabrın 6-dək davam edəcək konqresin işində kosmik agentliklərin, dövlət sektorunun, investorlar və özəl kosmik şirkətlərin nümayəndələri, yerli və beynəlxalq media qurumlarının təmsilçiləri, ümumilikdə 101 ölkədən 5 mindən çox nümayəndə qatılıb.

Beynəlxalq Astronavtika Konqresində 150 şirkət sərgi pavilyonunda təmsil olunur. Sərgidə iştirak edən agentlik və şirkətlər arasında ABŞ-ın “Milli Aeronavtika və Kosmos Administrasiyası” (NASA), Yaponiyanın “JAXA” kosmik agentliyi, İtaliyanın “Agenzia Speziale Italiana” kosmik agentliyi, “AIRBUS” şirkəti, Kanadanın innovasiya mərkəzi “INO”, Fransanın Milli Kosmik Tədqiqatlar Mərkəzi “CNES”, Hindistanın kosmik agentliyi “ISRO”, Türkiyənin “Türkiye Uzay Ajansı” kosmik agentliyi və digər beynəlxalq şirkətlər yer alıb.

Bakı Konqresinə ümumilikdə 95 ölkədən 3600-dən çox elmi məqalə təqdim olunub.

Beynəlxalq Astronavtika Federasiyası İkinci Dünya müharibəsindən sonra “soyuq müharibə” dövründə kosmos sahəsində elm adamlarının arasında dialoqun yenidən qurulması məqsədilə 1951-ci ildə yaradılıb. Federasiya sülh məqsədləri ilə kosmik tədqiqat və fəaliyyətin təşviq edilməsi, cəmiyyətin bu sahədə maariflənməsi və biliklərinin zənginləşdirilməsi məqsədilə üzv qurumlar arasında qlobal şəbəkə yaradır. Hər il federasiya konfrans, texniki sessiyalar, quruma üzv ölkələrin nazirləri və parlament üzvlərinin beynəlxalq iclası kimi beynəlxalq tədbirlər təşkil edir. Hazırda Federasiyanın 110 ölkədən 460-dan çox üzvü var. Azərbaycan 2003-cü ildən Federasiyanın üzvüdür.

Paylaş:

Baxılıb: 685 dəfə