Milli Məclisin deputatı Ağalar Vəliyev Goranboyda Anım Gününə həsr olunan tədbirlərdə iştirak edib

Bakı:

22 °C

88 %

2 m/s

AZ RU EN

Ana səhifə / Xəbər lenti / Milli Məclisin deputatı Ağalar Vəliyev Goranboyda Anım Gününə həsr olunan tədbirlərdə iştirak edib

Milli Məclisin deputatı Ağalar Vəliyev Goranboyda Anım Gününə həsr olunan tədbirlərdə iştirak edib

29.09.2023 [17:20]

Milli Məclisin deputatı Ağalar Vəliyev, Goranboy Rayon İcra Hakimiyyətinin başçısı Məhərrəm Quliyev 27 sentyabr - Anım Günü ilə əlaqədar Goranboy rayonunda təşkil olunan silsilə tədbirlərdə iştirak ediblər.

Əvvəlcə şəhidlərin xatirəsinə ağacəkmə aksiyası keçirilib. Aksiyadan sonra geniş ictimaiyyətin nümayəndələri, şəhid ailəsi üzvləri, qazilər, müharibə veteranları Goranboy şəhərində Şəhidlər Xatirə-Abidə Kompleksini ziyarət edib, şəhidlərin əziz xatirəsini dərin ehtiramla anıblar. Ziyarət zamanı şəhidlərin ruhlarına dualar oxunub və kompleksə tər güllər qoyulub.

Vətən müharibəsinin üçüncü ildönümü və Anım Günü ilə əlaqədar Ağalar Vəliyevin təşəbbüsü və dəstəyi ilə 300 nəfərlik ehsan süfrəsi açılıb.

Anım tədbirlərində xüsusi vurğulanıb ki, bu gün Azərbaycan Prezident, Müzəffər Ali Baş Komandan İlham Əliyevin rəhbərliyi ilə Vətən müharibəsində qazanılan tarixi Qələbəmizdən, lokal antiterror tədbirlərinin qısa müddətdə uğurla başa çatmasından, doğma Qarabağımızda və işğaldan azad olunmuş rayonlarımızda həyata keçirilən genişmiqyaslı quruculuq işlərindən, həmçinin Böyük Qayıdışdan irəli gələn yeni hədəfləri müəyyənləşdirən qalib dövlət və xalq kimi müstəqilliyinin ən qüdrətli dövrünü yaşayır.

Qeyd olunub ki, şəhid ailələri və müharibə əlilləri hər zaman dövlətimizin başçısının və birinci xanım Mehriban xanım Əliyevanın hərtərəfli diqqət və qayğısı ilə əhatə olunublar. Həmçinin bildirilib ki, ölkə rəhbərliyinin bu sahədəki dövlət siyasətinə dəstək olaraq, Ağalar Vəliyev millət vəkili kimi təmsilçisi olduğu Goranboy, Ağdam və Tərtər rayonlarından olan şəhid ailələrinə və qazilərə həmişə həssaslıqla yanaşıb, öz maddi və mənəvi dəstəyini onlardan əsirgəməyib.

Belə ki, son üç il ərzində deputat tərəfindən adıçəkilən rayonlardan 4 Milli qəhrəman, 2 Vətən müharibəsi qəhrəmanı, 248 şəhid ailəsi və 181 Qarabağ əlilinə üç dəfə maliyyə yardımı olunub . Şəhid ailələri və müharibə əlilləri ilə yanaşı, aztəminatlı ailələr də daxil olmaqla, hər il 4 dəfə 1000-dən çox ailəyə 14 minə yaxın ərzaq bağlaması çatdırılıb. Bundan əlavə, həmin rayonlar üzrə 40-dan çox şəhid ailəsinin və Qarabağ əlilinin müxtəlif sosial problemlərinin həllinə fərdi qaydada maddi yardım göstərilib.

Anım tədbirləri çərçivəsində Ağalar Vəliyevin dəstəyi ilə Goranboy rayonundan 26, Ağdam rayonundan 9 və Tərtər rayonundan 4 ailə olmaqla, ümumilikdə Vətən müharibəsinin 39 şəhidinin ailəsinə ildönümü ilə bağlı maddi yardım çatdırılıb.

Həmçinin lokal antiterror tədbirləri zamanı şəhid olan Goranboy sakinləri Hüseyn Nəsibovun və Elşad Süleymanovun ailələri Qızılhacılı qəsəbəsində ziyarət olunub. Ağalar Vəliyev şəhidlərin yas mərasimlərinin təşkilinə maliyyə yardımı göstərib və hər iki şəhidin qəbirüstü abidələrinin hazırlanmasını öz üzərinə götürüb. Eyni zamanda, Tap Qaraqoyunlu kəndində şəhid atası Şaşud Əhmədovun vəfatı ilə bağlı ailəsi ziyarət olunub, millət vəkili tərəfindən maliyyə yardımı çatdırılıb.

Anım tədbirlərinin iştirakçıları şəhid ailələrinə, qazilərə və müharibə iştirakçılarına göstərilən hərtərəfli dövlət qayğısına görə ölkə rəhbərliyinə minnətdarlıqlarını ifadə ediblər.

Paylaş:

Baxılıb: 605 dəfə