Redikül Tofiqin “anlaqsız məntiqi”...

Bakı:

20 °C

52 %

2 m/s

Əlaqə

AZ RU EN

Ana səhifə / Xəbər lenti / Redikül Tofiqin “anlaqsız məntiqi”...

Redikül Tofiqin “anlaqsız məntiqi”...

29.09.2023 [10:31]

Azərbaycanın uğurlarını “təəssüflə” qarşılayan ermənipərəst ünsürün psixoloji problemləri var

Son bir həftə ərzində yaşadığımız hadisələr Azərbaycanın 30 illik siyasi-ictimai tarixinin ən mühüm mərhələlərindən biridir desək, yanılmarıq. 24 saatlıq antiterror tədbirlərinin uğurla nəticələnməsi, erməni sakinlərin reinteqrasiya prosesinin başlaması, ən əsası isə xunta rejiminin çöküşü və ləğvi müasir tariximizin ən mühüm hadisələrindən sayılır.

Azərbaycanın bu uğurları isə bəzi ermənipərəst redikül müxalifəti “yerindən oynadıb”. Məsələn, Ə.Kərimlinin “zorən eksperti” Tofiq Yaqublu uğurlarımıza şər atmaq üçün özünəməxsus gülünc “bəhanələr” axtarışına çıxıb. Maraqlıdır ki, sosial şəbəkələrdə 24 saatlıq lokal antiterror tədbirlərini hədəfə almaq üçün tutarlı “arqument” tapa bilməyən Yaqublu “çarəni” onsuz da olmayan “beynəlxalq təcrübəsi”nə “əsaslanaraq” sərhəddən kənarda axtarmağa başlayıb. Onun “düşüncəsinə” görə, Azərbaycan öz torpaqlarını iki ölkənin “siyasi-hərbi intriqası” nəticəsində “azad edir”. Ən qəribəsi və təzadlısı isə Yaqublunun bunu “təəssüflə” qarşılamasıdır - birincisi, onun “izahı” tam yalandır. Azərbaycan torpaq azad etməyib - ölkə sərhədləri daxilində antiterror tədbirləri həyata keçirib. Yaqublunun siyasi savadsızlığı burada bariz şəkildə özünü biruzə verir. Əgər “azad edibsə” belə, Yaqublu buna niyə təəssüflənir? Azərbaycanın uğurlarına təəssüflənən bir separatçı ermənilər, bir Makron, bir də Yaqublu və onun “başbilənləridir”. Bu amil növbəti dəfə redikül müxalifətin erməni separatçıları ilə eyni mənbədən qidalandığını göstərir - onlar həm maaşı, həm də direktivləri eyni mənbədən, ermənipərəst separatist mərkəzlərdən alırlar. Yaqublunun uğurlarımıza təəssüflənməsi isə onun azərbaycanlı adlanmağa mənəvi haqqının çatmadığını bir daha biruzə verir.

Digər tərəfdən, T.Yaqublunun və digər redikül müxalifət nümayəndələrinin Azərbaycanın uğurlarına qarşı qısqanclıq, dözümsüzlük nümayiş etdirməsi onların psixoloji problemlər yaşadığını göstərir. Bu fakt zaman-zaman ictimaiyyət nümayəndələri tərəfindən də təsdiqlənir. Redikül müxalifətin “zorən eksperti” Tofiq Yaqublunun məntiqsiz, aqressiv, siyasi təfəkkürdən uzaq və təsadüfi “siyasət adamı” olması heç kimə sirr deyil və bu fakt yalnız son açıqlamasında özünü biruzə vermir. Səsləndirdiyi mənasız “açıqlamalar” onun özünüifşasıdır. Arqumentsiz və küçə leksikonuna əsaslanan ritorikası, primitiv siyasi “düşüncəsi” Yaqublu haqqında yalnız bir rəy yaradır - qeyri-ciddi, təsadüfi, özünü və sözünü bilməyən aqressiv adam tipi. Əli Kərimlinin yeni “sağ əli”nə, daha doğrusu “sağ cibinə” çevrilmiş T.Yaqublunun bu kimi psixoloji problemlərə malik olması isə artıq cəmiyyətin ayrı-ayrı nümayəndələri tərəfindən də təsdiqlənir. Məsələn, şair-publisist, AYB-nin üzvü Elşad Barat Tofiq Yaqublu ilə bağlı sosial şəbəkə hesabında etdiyi paylaşımda bildirib ki, Tofiq Yaqublu haqqı deyən hər kəsi “Facebook”da blok edir: “Keçən dəfə əmin olduğum bir məsələni yazdım, məni blok elədi, zəng elədim, 36 dəqiqə danışdıq, adama 36 dəqiqədə həqiqəti başa sala bilmədim. Həmin danışığımızın səsyazması var məndə. Bu yaxında həmin səsi dinləmək istədim, 3-cü dəqiqədə başa düşdüm ki, bu adamın psixoloji problemi var. Buna görə də hər kəsdən xahiş edirəm, Tofiq Yaqubludan əl çəkin, bu adam xəstədir, psixoloji problemi var, normal düşünə bilmir, aman verin öz dünyasında özünü haqlı sayıb rahat ölsün”.

MƏNSUR

Paylaş:

Baxılıb: 452 dəfə