Əli Kərimlinin növbəti xəyanəti

Bakı:

25 °C

47 %

9 m/s

Əlaqə

AZ RU EN

Ana səhifə / Xəbər lenti / Əli Kərimlinin növbəti xəyanəti

Əli Kərimlinin növbəti xəyanəti

26.09.2023 [10:43]

Bu dəfə antiterror tədbirlərini hədəfə aldı

2020-ci il Vətən müharibəsi dövründə Azərbaycanın qələbəsini həzm edə bilməyən, ermənilərin dəstəkləmək üçün min bir rəngə, min bir dona giən AXCP sədri Əli Kərimli yenə də “iş başındadır”. Vaxtilə cidd-cəhdlə Ermənistanın kapitulyasiya imzalamadığını iddia edən Ə.Kərimli indi də 24 saatlıq antiterror tədbirlərini “hədəfə almağa” çalışır. Antimilli mərkəzlərin yürütməyə çalışdığı çirkin kampaniyanın “sınıq təkəri” funksiyasını yerinə yetirməyə çalışan Ə.Kərimli öz mahiyyətinə uyğun olaraq yalan, qərəzli dezinformasiyalar “istehsal etməklə” nəyəsə nail olmağa çalışır. O, Azərbaycanın 24 saat ərzində əldə etdiyi uğurun miqyasını kiçiltməyə çalışmaqla yanaşı, erməni təbliğatının “yan”daşı olduğunu da isbatlayır.

Sosial şəbəkələrdə çirkin təbliğat aparan Əli Kərimli indiki həssas məqamda öz ampluasına “sadiqlik” göstərməklə xəyanətkar olduğunu növbəti dəfə təsdiqləyir. Qarabağla bağlı yayılan xəbərləri gözardı edən, baş verən prosesləri məqsədli şəkildə diqqətə almayan Kərimli əksinə, antitəbliğatla dünya erməniliyinin, onları dəstəkləyən anti-Azərbaycan dairələrin “iş ortağına” çevrilib.

Əli Kərimli yenə də öz “adəti” üzrə xalqın adından danışaraq yalanlarına, qərəzinə, erməni təbliğatçısı olmasına fərqli don geyindirməyə çalışır. Ölkəmizdəki xalq-iqtidar vəhdətindən yaxşı xəbərdar olan xain redikül müxalifət nümayəndəsi öz qara təbliğatını xalqın adının arxasına gizlənməklə həyata keçirməyə çalışır. Bu da təsadüfi deyil. Əli Kərimli bilir ki, Azərbaycan xalqı onu dəstəkləmir - tam əksinə, onun xəyanətləri, satqın əməlləri, ermənilərlə işbirliyində olması hər kəsə aydındır. Bu mənada, Ə.Kərimli özünü həm də ictimai rəyə “sırımağa” çalışır.

Əslində, Kərimlinin antimilli ruhlu bu kimi “fikirləri” təəccüblü görünməməlidir. Çünki bu, həmin Əli Kərimlidir ki, 44 günlük müharibə zamanı əldə etdiyimiz şanlı Qələbəyə də kölgə salmağa çalışırdı. Bu həmin Ə.Kərimlidir ki, Ermənistanın “kapitulyasiyaya məruz qalmadığını” israrla “sübut etməyə” - halbuki artıq 3 ildir ki, Ermənistanın siyasi rəhbərliyinin aparıcı simaları dəfələrlə 2020-ci ildə kapitulyasiya imzaladıqlarını etiraf edirlər. Hətta baş nazir Paşinyan belə “təslim olmuşuq” deyir. Şuşa Bəyannaməsinə belə qarşı çıxan Ə.Kərimli indiki halda xain mövqeyi ilə yenidən “maliyyə qaynaqlarının” diqqətini cəlb etməyə çalışır. Antiterror tədbirlərinin nəticələrini şübhə altına almağa çalışmaqla Ermənistanın havadarlarının mövqeyindən çıxış edərək separatizmə və separatçılara həm də “mənəvi dəstək” göstərir.

SADİQ

Paylaş:

Baxılıb: 582 dəfə