Xəyanətin üzü...

Bakı:

24 °C

43 %

3 m/s

Əlaqə

AZ RU EN

Ana səhifə / Xəbər lenti / Xəyanətin üzü...

Xəyanətin üzü...

27.07.2023 [10:33]

Özünü döyməsi ilə bağlı həkim rəyi təsdiqini tapır

Bir müddət əvvəl Tofiq Yaqublunun “döyülməsi” ilə bağlı qəzetimizdə həkim rəyi dərc edilmişdi. Xatırladaq ki, redaksiyamızın sorğusuna əsasən həkim T.Yaqublunun üzündəki “göy izlərinin” döyülmə ilə əlaqəsinin olmadığını, burun çəpərində hər hansı xəsarətin izlənilmədiyini demişdi. Göz ətrafı göyərməni isə müxtəlif vasitələrlə, eləcə də tüpürcəyi şprisə çəkib həmin nahiyəyə yeritməklə əldə etməyin mümkün olduğunu da söyləmişdi...

Siyasi proseslərdə hansısa bir rol almağa çalışan, ermənilərə və onların havadarlarına yardım əlini uzadan antimilli ünsürlərin iddialarının mahiyyəti də gülüncdür. Cəmiyyət isə bu gülünc iddiaların nədən və haradan qaynaqlandığının fərqindədir...

Yaqublu yenidən antimilli çağırışı ilə qrant sahiblərinin gündəminə gəlməyə cəhd edib. Radikalların “zorən eksperti” Tofiq Yaqublu növbəti dəfə özünün “siyasi analitik qabiliyyətini” ortaya qoyaraq ABŞ-ı və Avropa İttifaqını “Azərbaycana sanksiya tətbiq etməyə” çağırıb. Bu şəxsin savadı və ya siyasi təfəkkürü haqda danışmaq yersizdir - onun hansı siyasi savada malik olduğu Azərbaycan oxucusuna yaxşı bələddir. Əslində onun bu qədər ermənipərəst mövqedən çıxış etməsi də təəccüb yaratmamalıdır - “Fransanın ermənipərəst siyasəti bizə sərf edir” söyləyən T.Yaqublunun Azərbaycana qarşı sanksiya çağırışı niyə təəccüb yaratmalıdır ki? Bu insanların xisləti, mayası, xəmiri, hətta ideologiyaları belə maddiyyatın əsirinə çevrilib. Bunlar üçün “milli maraqlar” anlayışı öz yerini “pullu maraqlar” anlayışına verib. Bu kimi iddialar irəli sürən insanların hansı haqla özünü azərbaycanlı adlandırması maraq doğurur.

Qısa bir araşdırma aparsaq, şahidi olarıq ki, nə Tofiq Yaqublu fərd olaraq, nə də təmsil olunduğu amorf “milli şura” təşkilat olaraq indiyə qədər erməniləri narahat edəcək, hətta qınayacaq bir açıqlama və ya bəyanatla yadda qalmayıblar. Bu insanların fəaliyyətinin bir istiqaməti var - Azərbaycana hansı yolla pislik etmək mümkündür...

Bu pislikləri etmək üçün isə daha çox tüpürcəyə ehtiyac yaranır. Çörəyi tüpürcəkdən çıxan Yaqublu qrant naminə yeni həyat tərzinə başlayıb. Tüpürcəkli yaşamaq onun həyat tərzinə çevrilib.

Burada belə nəticəyə gəlmək olar ki, T.Yaqublunun özünü döyməsi və bunu hakimiyyətin üstünə atması, eləcə də həkim rəyi tam şəkildə təsdiqini tapır - ölkəsinə qarşı sanksiya çağırışı edəndən nə desən gözləmək olar, hətta öz gözünə tüpürməsini belə...

MƏNSUR

Paylaş:

Baxılıb: 522 dəfə