TBMM-in yeni sədri kimdir?

Bakı:

16 °C

77 %

2 m/s

Əlaqə

AZ RU EN

Ana səhifə / Xəbər lenti / TBMM-in yeni sədri kimdir?

TBMM-in yeni sədri kimdir?

09.06.2023 [10:40]

NARDAR

İyulun 7-də Türkiyə Böyük Millət Məclisinin (TBMM) yeni sədri seçilib. Yeni sədr hakim Ədalət və İnkişaf Partiyasının (AKP) və Milliyyətçi Hərəkat Partiyasının (MHP) birgə namizədi Numan Kurtulmuşdur. Onun bu vəzifəyə namizədlər sırasında əsas rəqibi Cümhuriyyət Xalq Partiyasının (CHP) irəli sürdüyü Ankara millət vəkili Tekin Bingöl olub.

Numan Kurtulmuş Türkiyə parlamentinin spikeri vəzifəsi üçün keçirilən səsvermənin ilk turunda deputatların 317-nin səsini qazanıb. Bu, yetərli olmadığı üçün sədr seçimi ikinci tura qalıb. Bu turda da yetərli say olmayıb. N.Kurtulmuş bu mərhələdə 321 səs ala bilib.

Üçüncü səsvermədə isə o, Türkiyə Böyük Millət Məclisinin sədri seçilib. Qeyd edək ki, buna qədər Numan Kurtulmuş AKP sədrinin birinci müavini və İstanbul millət vəkili idi.

Türkiyə Prezidenti Rəcəb Tayyib Ərdoğan Türkiyə Böyük Millət Məclisinin sədri seçilən Numan Kurtulmuşa zəng vuraraq onu təbrik edib. Bu barədə Ərdoğanın rəsmi sosial şəbəkə hesablarında məlumat paylaşılıb. Prezident yeni qanunvericilik dövrünün uğurlu olmasını arzulayıb: “Türkiyə Böyük Millət Məclisinin sədri seçilən dəyərli yol yoldaşım Numan Kurtulmuşu təbrik edir, ona vəzifəsində uğurlar arzulayıram. Mən ona parlamentin sədri seçildikdən sonra bizləri ziyarət etdiyinə görə təşəkkürümü bildirirəm”.

Kimdir Numan Kurtulmuş? 64 yaşlı Kurtulmuş 23 Mart 1959-cu ildə Ordu vilayətinin Ünye ilçəsində dünyaya gəlib. O, İstanbul İmam Hatip Liseyinin məzunudur. Ali təhsilini İstanbul Universitetində menecment ixtisası üzrə alıb. Bir müddət ABŞ-da və Türkiyədə elmi-pedaqoji fəaliyyətlə məşğul olub. Bir neçə kitab və elmi əsərlərin müəllifidir.

Numan Kurtulmuş siyasətə Fəzilət Partiyasında başlayıb, partiyanın İstanbul təşkilatının sədri, Mərkəzi İdarə Heyətinin üzvü olub. Konstitusiya Məhkəməsinin qərarı ilə bu partiya qapadıldıqdan sonra 2001-ci ildə Səadət Partiyasına üzv olub və 2008-ci ildə partiyanın sədri seçilib. 2010-cu ildə Səadət Partiyasından istefa verərək Xalqın Səsi Partiyasını (HAS) qurub.

2012-ci ildə Rəcəb Tayyib Ərdoğanın təklifi ilə HAS partiyası AKP-yə birləşib. Bundan sonra Kurtulmuş AKP sədrinin müavini, daha sonra Əhməd Davudoğlu və Binəli Yıldırımın baş nazir olduğu dövrdə hökumət başçısının müavini və sözçüsü postunu tutub. Həmçinin Kurtulmuş 2017-2018-ci illərdə Türkiyənin mədəniyyət və turizm naziri kimi də fəaliyyət göstərib. Numan Kurtulmuş 24 iyun 2018-ci ildə keçirilən parlament seçkilərində İstanbul millət vəkili və həmin ilin 18 avqustunda Ədalət və İnkişaf Partiyasının Qurultayında partiya sədrinin birinci müavini seçilib.

Paylaş:

Baxılıb: 737 dəfə