Heydər Əliyev
yeni azerbaycan logo

Ana səhifə / Xəbər lenti / “Gülüncdür”

“Gülüncdür”

31.05.2023 [11:25]

XİN Ermənistana cavab verdi

N.BAYRAMLI

Ermənistan Azərbaycan Prezidenti İlham Əliyevin mayın 28-də Laçın şəhərində səsləndirdiyi fikirləri təhrif etməklə məşğuldur. Belə ki, bu ölkənin Xarici İşlər Nazirliyi bəyanat yayaraq dövlətimizin başçısının çıxışında  guya  Ermənistana qarşı ərazi iddialarının və Qarabağda yaşayan ermənilərin “etnik təmizləməyə məruz qalacağına” dair mesajların yer aldığını iddia edib. Bununla da rəsmi İrəvan ənənəsinə sadiq qalaraq Azərbaycanın beynəlxalq müstəvidəki nüfuzuna zərbə vurmaq üçün canfəşanlığını davam etdirir.

Artıq Azərbaycanın Xarici İşlər Nazirliyi qarşı tərəfin əsassız iddialarına cavab verib. “Azərbaycan Respublikasının Prezidenti İlham Əliyevin Laçın rayonunda 28 may 2023-cü il tarixində səsləndirdiyi fikirlərə və çağırışlara istinadən Ermənistan Xarici İşlər Nazirliyi tərəfindən növbəti dəfə verilmiş qərəz dolu əsassız bəyanatı qətiyyətlə rədd edirik”,-deyə XİN-in bəyanatında deyilir. Bildirilir ki, rəsmi İrəvanın bu bəyanatı, Azərbaycan ərazilərini 30 il işğal altında saxlayan, azərbaycanlılara qarşı etnik təmizləmə həyata keçirən, şəhər və kəndləri viran qoyan Ermənistanın, bu əraziləri işğaldan azad etdikdən sonra yenidənqurma işləri aparan, ərazilərdən kütləvi şəkildə vəhşicəsinə qovulmuş əhalinin geri qayıtması üçün bütün şəraiti yaradan Azərbaycanın qısa müddətdə gördüyü işləri həzm edə bilməməsinin təzahürüdür. Görünür ki, Ermənistan bununla eyni zamanda, işğalına 2020-ci il 10 noyabr tarixli üçtərəfli Bəyanatın müddəalarına uyğun olaraq son qoyulduğu Laçından öz qüvvələrini çıxararkən bu ərazilərə dinc sakinlərin geri qayıtmasına maneçilik törətmək məqsədilə 2700-dən artıq mina yerləşdirməsi və evlərə mina tələlər qoyması kimi əməllərini də, ört-basdır etmək və beynəlxalq ictimaiyyətin diqqətini yayındırmaq məqsədi daşıyır.

“Azərbaycan Prezidentinin ərazi bütövlüyü və suverenliyə hörmət edilməsinin zəruri olduğuna, Azərbaycanın daxili işlərinə qarışmağın qəbuledilməzliyinə və bölgədə separatçılığın təşviq edilməsinə xidmət edən addımların qarşısının qətiyyətlə alınmasına istiqamətlənən çağırışlarının Ermənistan Xarici İşlər Nazirliyi tərəfindən qəsdən təhrif edilməsi Ermənistan XİN-in tarixdən dərs çıxartmadığını nümayiş etdirir. BMT Nizamnaməsinə və beynəlxalq hüququn norma və prinsiplərinə zidd olaraq Azərbaycana qarşı təcavüz aktı törədən, BMT Təhlükəsizlik Şurasının 4 qətnaməsini heçə sayaraq işğala son qoymayan Ermənistanın Azərbaycanın güc tətbiq etməklə hədə törətdiyini iddia etməsi gülüncdür”, - deyə bəyanatda vurğulanır.

Paylaş:
Baxılıb: 218 dəfə

Xəbər lenti

Hamısına bax

Xəbər lenti

Xəbər lenti

İqtisadiyyat

Neft bahalaşıb

18 Mart 10:52

Xəbər lenti

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31