Heydər Əliyev
yeni azerbaycan logo

Ana səhifə / Xəbər lenti / Seçkilərin ikinci mərhələsi nə vəd edir?

Seçkilərin ikinci mərhələsi nə vəd edir?

26.05.2023 [10:50]

Türkiyə xalqının hər qərarını dəstəkləyirik

İkinci mərhələ birincinin məntiqi və siyasi davamı kimi...

Günel ABBASOVA

Mayın 28-i Türkiyədə növbəti tarixi gündür. Həmin gün Türkiyədə prezident seçkilərinin ikinci və yekun turu keçiriləcək. Bizim üçün də önəmli bir gündür. Çünki Türkiyə Azərbaycanın müttəfiqidir, türk xalqı ilə Azərbaycan xalqı dost və qardaşdır. Bu mənada Türkiyədəki seçkilər Azərbaycan üçün də həyati əhəmiyyətli hadisədir. Biz də öz növbəmizdə seçkilərin birinci mərhələsindən sonrakı vəziyyətinin şərhinə davam edirik...

Milli Məclisin Azərbaycan-Türkiyə parlamentlərarası işçi qrupunun üzvü Anar İsgəndərov “Yeni Azərbaycan”a açıqlamasında bildirib ki, xalqımız Azərbaycanla Türkiyə arasında olan münasibətlərin bundan sonra da yüksək səviyyədə davam etməsini istəyir: “Biz istəyirik ki, iki ölkə arasında imzalanan müttəfiqlik haqqında Şuşa bəyannaməsinin müddəaları bundan sonra da uğurla davam etdirilsin. Azərbaycan dövləti və xalqı Türkiyənin haqq yolunu, ədalətli yolunu dəstəkləyir, qardaş ölkənin daim dünya dövlətləri arasında öz yerinin olmasını arzulayır. Çünki Türkiyə nə qədər güclü olarsa, Azərbaycan da o qədər güclüdür. Türkiyənin ədalətli mövqeyi həm də Azərbaycanın ədalətli mövqeyidir. Həqiqətdir ki, Qarabağ probleminin ədalətli şəkildə həll olunmasında, Azərbaycanın haqq işinin müdafiəsində Türkiyə Cümhuriyyətinin müstəsna xidməti var. Hər iki dövlət başçısının bir-birinə dost və qardaş münasibəti də əslində, dövlətlər arasındakı yüksək səviyyəli əlaqələrin göstəricisidir”.

Onun sözlərinə görə, birinci mərhələdə verilən düzgün qərar ikinci mərhələdə də öz təsdiqini tapacaq: “Azərbaycanla Türkiyə arasında həm də bir qardaşlıq tarixi var. Bu qardaşlıq tarixinin bünövrəsi Çanaqqalada qoyulub, minlərlə azərbaycanlı Rusiya təbəəsində olmağına baxmayaraq Osmanlının haqq işində dil və din qardaşlarının yanında oldu, onların istiqlalı üçün vuruşdu, hətta şəhid olanlarımız da var idi. Təbii ki, Osmanlı da borclu qalmadı. O zaman elan olunan Cümhuriyyətin ordusu yox idi. Həmin vaxt Osmanlı Qafqaz İslam Ordusu deyilən bir ordu Azərbaycanın köməyinə çatdı. Bu Ordu Gəncədən Bakıya qədər azadlıq, mücadilə yolu keçdi və bu yolda 1300 nəfərdən artıq şəhid verdi. 1921-ci ildə Qars müqaviləsinin şərtlərinə görə Naxçıvanın Azərbaycanın tərkibində qalması, 44 günlük Vətən müharibəsi və bu müharibədə Türkiyə Cümhuriyyətinin Azərbaycana hərtərəfli yardımı, Şuşa bəyannaməsinin imzalanması onu göstərir ki, biz Türkiyədəki mövcud iqtidarla dost və qardaşıq.Bir sözlə, Türk xalqı Azərbaycan xalqı ilə dostdur, qardaşdır. Biz də iqtidar partiyanın nümayəndələri olaraq Türkiyədə hakim partiyanın növbəti dəfə qalib olmasını arzulayırıq. Hadisələrin gedişi onu göstərir ki, bu cür də olacaq. Hər halda biz Türkiyə xalqının hər bir qərarını dəstəkləyəcəyik”.

Paylaş:
Baxılıb: 249 dəfə

Xəbər lenti

Hamısına bax

Siyasət

Xəbər lenti

Xəbər lenti

Sosial

Bayram sonrası....

28 Mart 11:23

Analitik

Siyasət

Siyasət

Siyasət

Xəbər lenti

Siyasət

Növbəti təxribat

28 Mart 10:05

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31