Rusiyanı və Ermənistanı nüvə fəaliyyətində ortaq məxrəcə gətirən maraqlar

Bakı:

19 °C

94 %

1 m/s

Əlaqə

AZ RU EN

Ana səhifə / Xəbər lenti / Rusiyanı və Ermənistanı nüvə fəaliyyətində ortaq məxrəcə gətirən maraqlar

Rusiyanı və Ermənistanı nüvə fəaliyyətində ortaq məxrəcə gətirən maraqlar

06.05.2023 [11:22]

Yeni enerji blokunun yaradılmasında və AES-in ömrünün ikinci 10 il müddətinə uzadılmasında Rusiyanın və Ermənistanın özəl maraqları var. Regionun təhlükəsizliyinə adekvat olmayan bu maraqlar müəyyən mənada üst-üstə düşür.

Ermənistanın maraqları: Metsamor Ermənistan üçün enerji təhlükəsizliyi məsələsidir. Resurslara malik olmayan Ermənistanda enerji təhlükəsizliyi bu ölkənin başı üstündən asılan demokl qılıncına bənzəyir. Xatırladaq ki, burada istehsal olunan elektrik enerjisinin 1/3 hissəsini məh? Metsamor təmin edir. Bu həcmin yerini dolduracaq başqa bir mənbə isə yoxdur. Ermənistanın özündə də qəbul olunur ki, Metsamor artıq ömrünü başa vurub və köhnə texnologiyalar əsasında qurulan bu stansiyanın istismarı çox təhlükəlidir. Bundan əvvəl Ermənistanda Metsamorun əvəzinə yeni AES-in inşası barədə danışılırdı. Ancaq buna lazım olan vəsait Ermənistanda yoxdur. Yeni AES-in tikintisinə investorlar tapmaq da müşkülə çevrilib. Bu kimi reallıqlarla üzləşən Ermənistan çıxış yolunu Metsamorun fəaliyyətinin davam etdirilməsində görür. Bu, region və ölkənin özü üşçün təhlükəli olsa belə!

Rusiyanın maraqları: Yeni enerji blokunun yaradılması Rusiyanın Ermənistanla bağlı planlarının tərkib hissəsinə daxildir. İndiki halda söhbət enerji amili ilə siyasi məqsədlərin incə manevrlərlə uzlaşdırılmasından gedir. Ermənistan bütün parametrlər baxımından Rusiyanın forpostudur. Şimal qonşumuz bu ölkənin iqtisadiyyatında, ordu quruculuğunda, o cümlədən də enerji təminatında böyük paya malikdir. Ermənistanı mavi yanacaqla böyük dərəcədə Rusiya təmin edir. Ancaq forpost dövlətin çörəyi dizinin üstündə olmaq xisləti də hər kəsə yaxşı məlumdur. Bu ölkənin son vaxtlarda Rusiyaya münasibətdə sərgilədiyi davranışlar da bunu bir daha təsdiqləyir. Ermənistan Rusiya ətrafında cərəyan edən hadisələri özü üçün fürsət kimi dəyərləndirərək şimal qonşumuzdan asılılığını azaltmağa və yaxud bu ölkədən daha çox dvidentlər qoparmağa çalışır. Təbii ki, Rusiyanın regionda strateji maraqları var və bu maraqların təmin olunması üçün Ermənistan dayaq məntəqəsi hesab edilir. Şimal qonşumuz yeni enerji blokunun inşasına kreditlər ayırmaqla bu ölkə üzərində uzunmüddətli dövr üçün dominantlığını qorumaq və möhkəmlətmək niyyəti güdür. Elə hesab olunur ki, kredit asılılığının artması Ermənistanın Rusiyadan qopmaq planlarını birdəfəlik basdıracaq. İqtisadi cəhətdən müstəqil olmayan Ermənistanın isə Rusiyadan daha ciddi asılılığa razılaşmaqdan başqa çıxış yolu yoxdur.

Mübariz

Paylaş:

Baxılıb: 676 dəfə