Böyük seçimin ilk addımları...

Bakı:

24 °C

52 %

4 m/s

Əlaqə

AZ RU EN

Ana səhifə / Xəbər lenti / Böyük seçimin ilk addımları...

Böyük seçimin ilk addımları...

06.05.2023 [11:00]

Nəticələri xalqın iradəsi müəyyənləşdirəcək

Günel

Mayın 14-də Türkiyədə keçiriləcək seçkilər Azərbaycanda diqqət mərkəzindədir. İlk növbədə ona görə ki, Türkiyə bizə qardaş dövlətdir və Azərbaycanda sosial və siyasi statusundan asılı olmayaraq heç bir vətəndaş orada baş verən hər hansı hadisəyə biganə qala bilməz. Biz bunu baş vermiş son zəlzələ zamanı daha aydın gördük. Bizim cəmiyyətimiz bu faciəyə dərhal reaksiya verdi və demək olar ki, hər bir vətəndaşımız qardaş ölkənin ehtiyaclarının qarşılanmasında hansısa formada iştirak etməyə çalışdı. Bu gün də seçki prosesinin həlledici nəticəsi bizim üçün o qədər maraqlıdır. Bu mənada Türkiyədəki seçkilər Azərbaycan üçün həm də həyati əhəmiyyətli hadisədir. Yeri gəlmişkən, ötən gün Azərbaycanda yaşayan Türkiyə vətəndaşlarının prezident və parlament seçkiləri üzrə səsverməsi başlayıb. Seçki məntəqələri mayın 5-də Bakı vaxtilə səhər saat 09:00-dan etibarən açılıb.

Səsvermədə Türkiyənin Azərbaycandakı səfiri Cahit Bağçı da iştirak edib. O, seçkilərin şəffaf keçəcəyinə əminliyini bildirib: “Azərbaycandakı Türkiyə vətəndaşları üçün Gəncə və Naxçıvanda da səs vermək imkanı yaradılıb. Səsvermə prosesi isə mayın 7-dək davam edəcək. Xalqın iradəsi seçkilərin nəticəsini müəyyənləşdirəcək”.

Qardaş ölkə vətəndaşlarının səsverməsi üçün Azərbaycanda 15 seçki məntəqəsi yaradılıb. Onlardan 9-u Bakıda yerləşir. Bundan başqa, Türkiyə vətəndaşları Naxçıvan və Gəncədə də səs verə biləcəklər. Səsvermə bütün ünvanlarda mayın 7- si saat 21:00-dək davam edəcək. Xatırladaq ki, mayın 14-də Türkiyədə prezident və parlament seçkiləri keçiriləcək.

Dövlət başçısı postu uğrunda 4 namizəd mübarizə aparacaq. Bunlar “Cümhur İttifaqı”nın namizədi, hakim Ədalət və İnkişaf Partiyasının sədri, hazırk? dövlət başçısı Rəcəb Tayyib

Ərdoğan, “Millət İttifaqı”nın namizədi, müxalif Cümhuriyyət Xalq Partiyasının sədri Kamal Kılıcdaroğlu, müxalif Məmləkət Partiyasının lideri Məhərrəm İncə və “Ata İttifaqı”nın namizədi Sinan Oğandır. “Cümhur İttifaqı”nda Ədalət və İnkişaf Partiyası, Milliyyətçi Hərəkat Partiyası, Böyük Birlik Partiyası, Yenidən Rifah Partiyası və Hür Dava Partiyası və Demokratik Sol Partiyası birləşib.

“Millət İttifaqı”nda Cümhuriyyət Xalq Partiyası, İYİ Partiya, Səadət Partiyası, Gələcək Partiyası, Demokrat Partiyası və Demokratiya və İnkişaf Partiyası (DEVA) təmsil olunur. “Ata” ittifaqına Zəfər, Ədalət, Ölkəm və Türkiyə İttifaq partiyaları daxildir.

Paylaş:

Baxılıb: 617 dəfə