Heydər Əliyev
yeni azerbaycan logo

Ana səhifə / Xəbər lenti / Züriyə Qarayeva: Ərdoğanın yenidən prezident seçilmə ehtimalı yüksəkdir

Züriyə Qarayeva: Ərdoğanın yenidən prezident seçilmə ehtimalı yüksəkdir

11.04.2023 [17:49]

“Türkiyədə əsas gündəm prezident və parlament seçkiləri ilə bağlıdır. Bu gün Türkiyədə müxalifət qüvvələri seçkidə qalib olmaq üçün əllərindən gələni etməyə çalışır. Bu istiqamətdə atılan ən vacib addımlardan biri də, şübhəsiz, müxalifətin vahid namizəd üçün ittifaq yaratması oldu”. Bu fikirləri politoloq Züriyə Qarayeva deyib. 

O bildirib ki, bir il öncə Türkiyənin əsas müxalifət partiyaları - CHP, İYİ Partiya, Seadet Partiyası, DEVA Partiyası və Gələcək Partiyası "Altılı masa" adlanan vahid ittifaqı yaratdı. Lakin partiyaların tamamilə bir-birinə əks mövqeli nizamnamələrə sahib olması ittifaqın nüfuzunu aşağı saldı. Ardınca parlamentdə ana müxalifət partiyası olan CHP-dən Kılıçdaroğlunun namizəd olaraq müəyyən edilməsi Ərdoğanın yenidən prezident seçilmə ehtimalını yüksəltdi. Hərçənd ki, son illər Türkiyədə iqtisadi infilyasiyanın kəskinləşməsi, türk lirəsinin dəyər itirməsi, ölkəyə qaçqın axını, üstəlik son olaraq baş vermis zəlzələ fəlakəti AK Partiyanın qalibiyyət imkanlarını daraltsa da, düşünürəm ki, türk xalqı hazırki durumda ölkələrinin düşdüyü ağır vəziyyətdən çıxış yolunun da hazırki hakimiyyətin əlində olduğunu anlayır. 

Politoloqun sözlərinə görə, Türkiyə tarixinin 1960-70-80-ci illər dövrü fərqli partiyaların koalisiya formasında xaotik hakimiyyəti ilə yadda qalıb: “Əminəm ki, xalq həmin dövrü təkrar yaşamaq istəməyəcək".

Paylaş:
Baxılıb: 498 dəfə

Xəbər lenti

Hamısına bax

İqtisadiyyat

Sosial

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31