İlyas Hüseynov: Türkiyənin regionda stabilləşdirici faktor kimi çıxış etməsi Prezident Ərdoğanın apardığı siyasətin nəticələridir

Bakı:

17 °C

77 %

2 m/s

AZ RU EN

Ana səhifə / Xəbər lenti / İlyas Hüseynov: Türkiyənin regionda stabilləşdirici faktor kimi çıxış etməsi Prezident Ərdoğanın apardığı siyasətin nəticələridir

İlyas Hüseynov: Türkiyənin regionda stabilləşdirici faktor kimi çıxış etməsi Prezident Ərdoğanın apardığı siyasətin nəticələridir

11.04.2023 [12:40]

"Türkiyənin son illərdə apardığı siyasət bu dövlətin qlobal miqyasda mühüm oyunçu kimi qəbul edilməsini şərtləndirib. Təbii ki, burada Prezident Ərdoğanın tutduğu strateji xətt mühüm rol oynayıb. Ötən dövr ərzində Avropa-Türkiyə, Türkiyə-ABŞ münasibətlərinin konturları da bunu sübut edir. Bu gün Avropanın aparıcı dövlətlərinin, beynəlxalq təşkilatların rəhbərləri Rəcəb Tayyib Ərdoğanın fəaliyyətini yüksək dəyərləndirirlər".

Bu fikirləri "Yeni Azərbaycan"a açıqlamasında politoloq İlyas Hüseynov deyib. O bildirib ki, Türkiyə prezident administrasiyasının sözçüsü İbrahim Kalının ötən ay ABŞ-a səfəri də ikitərəfli münasibətlərdə yeni məqamların ortaya çıxmasını göstərir. Xatırladaq ki, İ.Kalın səfər çərçivəsində Vaşinqtonda Ağ Evin milli təhlükəsizlik üzrə müşaviri Ceyk Sallivan və dövlət katibinin siyasi məsələlər üzrə müavini Viktoriya Nuland ilə görüşmüşdü və eyni zamanda ABŞ Ticarət Evində keçirilən ABŞ-Türkiyə biznes forumunda da iştirak etmişdi. Politoloqun fikrincə, ABŞ ilə Türkiyə arasındakı münasibətlər çoxşaxəli olduğu qədər vaxtaşırı müzakirələri də tələb edir. "Ancaq təbii ki, Türkiyədə prezident və parlament seçkilərinin başladığı və gündəmi seçkilər mövzusu zəbt etdiyi dönəmdə Ərdoğanın ən yaxın adamlarından olan İbrahim Kalının ABŞ-a səfər etməsi mühüm əhəmiyyətə malikdir. Kalın Türkiyənin xarici siyasətinin formalaşmasında iştirak edən şəxsləri sırasındadır və ABŞ-da təhsil alıb, Vaşinqtonda siyasi əlaqələri mövcuddur. Fikrimcə, indiki məqamda Türkiyənin uğurlu xarici siyasət kursu yürütməsi, regionda stabilləşdirici faktor kimi çıxış etməsi birbaşa prezident Ərdoğanın yürütdüyü siyasətin nəticələridir. Eyni zamanda, ABŞ-da güclü türk diasporu mövcuddur və seçkiqabağı fəaliyyətlər koordinasiya edilməlidir. Çünki türk diasporunun həm birbaşa seçkilərdə səs vermək, həm də seçkiqabağı kampaniyaya dəstək vermək baxımından ciddi imkanları var. Onu da qeyd etməliyik ki, son seçkilərin nəticələrinə görə, ABŞ-da cəmi 106 min türk seçicinin olduğu üzə çıxıb. Aydındır ki, onların səsləri ümumi seçkilərə ciddi təsir göstərə bilməz, lakin unutmaq lazım deyil ki, xaricdəki vətəndaşlar Türkiyədə seçicilərdən əvvəl səs verir və bununla da seçki əhval-ruhiyyəsinə təsir edə bilərlər", - deyə İ.Hüseynov deyib.

Paylaş:

Baxılıb: 516 dəfə