Sevgi, yoxsa “cinayət” günü?

Bakı:

24 °C

61 %

2 m/s

Əlaqə

AZ RU EN

Ana səhifə / Xəbər lenti / Sevgi, yoxsa “cinayət” günü?

Sevgi, yoxsa “cinayət” günü?

14.02.2023 [10:44]

Şahanə XANKİŞİYEVA

14 fevral dünyada “Valentin Günü” kimi qeyd olunan xüsusi bir gündür. Əksəriyyət bu günü təmtəraqlı şəkildə qeyd edir. Bu günü qeyd edən insanların “14 fevral” tarixçəsindən xəbərləri varmı?

Tarixə nəzər salsaq, məlum olur ki, 14 fevral “Sevgililər günü” deyil, Roma imperatoru 2-ci Kladiusun Roma papası Valentini öldürtdüyü gündür. Deyilənə görə, Valentin evliliyin yasaq olduğu dövrdə, gənclərə yardım edir, qızları gizlicə evləndirirmiş.

14 fevralın “Valentin günü” adı altında açıq-aşkar qeyd edilməsi rahib Valentinin ölümündən təxminən, 226 il sonraya təsadüf edir. Papa Gelasius tərəfindən 496-cı ildə Roma bütpərəstlərindən qalan “Luperkalia” bayramının adı Valentinin şərəfinə dəyişdirilir. Bu dövrdə xristian ruhanilər Romadakı bütpərəstlərin “Luperkalia” bayramında gənclərin əylənmələrindən narahat idi. Bu səbəbdən xristianlıqla bağlı bir ad seçərək gənclərin “Müqəddəs Valentin günü”ndə əylənmələrini təmin etdilər. Başqa sözlə, Xristian kilsəsi Roma bütpərəstlərinin 15 fevralda keçirdikləri kütləvi əxlaqsızlıq bayramlarını Papa Gelasiusun təşəbbüsü ilə 1 gün əvvəlki tarixə - 14 fevrala keçirdi.

Zaman keçdikcə, Valentin “sevgililərin qoruyucusu”, “Müqəddəs Valentin” kimi xatırlanmağa başladı. 1800-cü ildə Amerikada Ester Hovlandın ilk sevgililər günü kartını göndərməsiylə insanların həvəslə qeyd etdiyi gün halına gəldi. İnsanlar bu gün bir-birlərinə hədiyyələr, çiçəklər alır, sevgi notları yazırlar. Ancaq bu günü qeyd etməyən bəzi müsəlman ölkələr də var.

Əslində, sadalanan bütün mənfi xüsusiyyətlərə baxmayaraq bu günün təntənəli şəkildə qeyd edilməsi qəribədir. Qanunsuz evlilik, cinayət sayılan bir hadisənin bu qədər şişirdilib bayram halına gətirilməsi ağlasığmazdır. Həm mentalitetimizə, həm də dini inanclarımıza zidd olan bir hadisənin qeyd edilməsini düşünmək belə absurddur. Bayram, yaxud əlamətdar günə gəldikdə, təqvimimizdə yetərincə qeyd edilməsi vacib günlərimiz var.

Bir gündə dəyişən qiymətlər...

14 fevral günü hədiyyə mağazalarında, gül salonlarında, restoranlarda süni qiymət artımı heç də təsadüfi deyil. Belə tarixi əhəmiyyəti olmayan bir gündə bazar iqtisadiyyatının rolu əlbəttə ki, olmalıdır. Adi bir gündə 15-30 manat? olan gül buketlərinin qiyməti niyəsə həmin gün təxminən 30-70 manatadək artır. Ancaq insanlar o gün qiymət fərqini gözardı edərək, bir-birlərinə “sevgilərini” bu cür göstərirlər.

Gül salonlarındakı vəziyyəti də öyrənmək üçün şəhərin gül salonlarından birinə üz tutduq. Məsələn, süni qiymət artımı niyə məhz özəl günlərdə, bayram günlərində yaranır? Satıcıdan xüsusi günlərdə qiymət artımı ilə bağlı maraqlı cavablar eşitdik. Satıcı həmin günlərdə mağazalara insan axını olduğunu, “alver”in əvvəlki günlərə nisbətən daha yaxşı nəticə verdiyini bildirdi. Hətta vəziyyət o yerdədir ki, insanlar qarşılaşdığı süni qiymət artımının fərqində belə olmurlar. Məbləğdən asılı olmayaraq həmin gün hədiyyəni öz sahiblərinə çatdırırlar.

Gəldiyimiz nəticə budur ki, insanlar hansı günü bayram etməyin dəyər- dəyməzini öyrənmək üçün özlərinə “əziyyət” vermirlər. Təki bayram olsun. Amma həmin gül dükanlarında “Zəfər Günü”, Milli Ordu Günü, Bayraq Günlərində də qələbəlik olması diləyi ilə...

Paylaş:

Baxılıb: 447 dəfə