Turan TV-ni Fransadakı İran agenturası maliyyələşdirir?

Bakı:

10 °C

93 %

5 m/s

Əlaqə

AZ RU EN

Ana səhifə / Xəbər lenti / Turan TV-ni Fransadakı İran agenturası maliyyələşdirir?

Turan TV-ni Fransadakı İran agenturası maliyyələşdirir?

26.10.2022 [10:34]

“Verbovka” olunduğunu etiraf etmiş Qənimət Zahidin Fransa “sərgüzəştləri”...

SADİQ

Xaricdə şəbəkələşmiş antiazərbaycan mərkəzlərin hər zaman “sapı özümüzdən olan baltalar”dan istifadə etməsi heç kimə sirr deyil. Bu mənada, Azərbaycana qarşı olan dairələr və dövlətlər satın aldıqları, başqa sözlə “verbovka” etdikləri şəxslərin “xidmətindən” də geninə - boluna istifadə edirlər. Fəaliyyəti dövründə Azərbaycana qarşı xəyanətdən başqa heç bir “xidməti” ilə yadda qalmayan Turan TV və onun rəhbəri Qənimət Zahid də bir sıra xarici ölkələrə bu və ya digər şəkildə “bağlı” olan şəxslərdəndir.

Bioqrafiya insanı hər addımda təqib edir, izləyir. Qənimət Zahidin də bioqrafiyasında bu kimi “izləyici ştrixlər” az deyil. 1998-ci ildə qəfildən İrana “səfər edən” və qayıtdıqdan sonra isə İranın xüsusi xidmət orqanları ilə işbirliyinə razılaşdığını bəyan edən Qənimət Zahidin kimliyi cəmiyyətə yaxşı tanışdır. Həmin dövrdə keçirdiyi mətbuat konfransında bu faktı etiraf edən Q.Zahid sonradan bu işbirliyindən “imtina etdiyini” desə də... Bu birtərəfli imtina olmuşdu - yəni İran xüsusi xidmət orqanları Q.Zahidlə “işləməkdən” imtina etməmişdi. Sadəcə, bu işbirliyi üçün münbit şəraitin formalaşması lazım gəlirdi.

Bu münbit şərait isə Azərbaycana qarşı hər zaman qərəzi ilə seçilən Fransada mümkün oldu. Sirr deyil ki, Fransa İran kəşfiyyatının ən rahat, sərbəst hərəkət etdiyi regionların önündə gəlir. Hətta bəzi tarixi faktlara nəzər saldıqda, bunu daha açıq şəkildə görmək mümkündür. Q.Zahidin “siyasi mühacirət” etdiyi zaman niyə məhz Fransanı seçməsinin də sirri burada ortaya çıxır. Nəzərə almaq gərəkir ki, Q.Zahid bir zamanların ən populyar “mühacirət alverində” adı hallanan AXCP sədri Əli Kərimlinin bu biznesdəki əsas adamlarından sayılırdı. Həmin dövrdə isə “mühacirət biznesi”nin ən mühüm dayanacaq nöqtəsi heç də Fransa sayılmırdı. Belə nəticəyə gəlmək olar ki, Q.Zahidin məhz Fransada yerləşdirilməsi də xidmət etdiyi xarici agentura şəbəkəsinin “arzusundan” qaynaqlanıb. Görünür, Q.Zahidin Fransada “fəaliyyət” göstərməsi İran xüsusi xidmət orqanları ilə qarşılıqlı şəkildə fəaliyyəti üçün daha rahat sayılıb.

Bu faktın gerçəkliyi Turan TV-də yayımlanan “verlişlərə” baxdıqda da tam şəkildə ortaya çıxır. Fransanın və ya İranın ölkəmizə qarşı hər hansı bir qərəzi meydana çıxan kimi Turan TV və onun “verbovka” olunduğunu etiraf etmiş rəhbəri “meydana atılır”, sinəsini sipər edir. Azərbaycandan ya Fransanın, ya da İranın əleyhinə yönələn haqlı iradlara isə rəsmi Tehrandan və Parisdən öncə Qənimət Zahid cavab verməyə “can atır”. Bu qədər “fransız”, bu qədər “İran” sevgisinin altında isə sadəcə Azərbaycan xalqına və dövlətinə qarşı olan kin-küdurət, məkr yata bilməz. Bu “simpatiya”nın arxasında böyük maliyyələrin, maddi dəstəklərin dayandığı aşkardır. Başqa sözlə, bu fakt Q.Zahidin məhz İran xəfiyyə təşkilatı tərəfindən maliyyələşdirdiyini deməyə əsas verir.

Paylaş:

Baxılıb: 555 dəfə