Jurnalistlər "Liv Bona Dea International Hospital"da...

Bakı:

26 °C

53 %

4 m/s

Əlaqə

AZ RU EN

Ana səhifə / Xəbər lenti / Jurnalistlər "Liv Bona Dea International Hospital"da...

Jurnalistlər "Liv Bona Dea International Hospital"da...

03.09.2022 [17:56]

"Liv Bona Dea International Hospital"ında jurnalistlər üçün mediatur təşkil olunub. Müxtəlif media quruluşlarını təmsil edən nümayəndələrin - jurnalistlərin iştirak etdikləri mediaturun əsas məqsədi Türkiyə hospitalının yeni adının nümayişi, eyni zamanda tibb sahəsində Azərbaycan-Türkiyə qardaşlığının göstəricisidir.

Təşkil olunan tur çərçivəsində jurnalistlərə

hospitalın fəaliyyəti və burada həyata keçirilən tibbi yeniliklər, əldə olunan nailiyyətlər və istifadə olunan müasir tibbi avadanlıqlar barədə məlumat verilib. Eyni zamanda, media nümayəndələri xəstəxanada bütün şöbələrlə və şöbələrin peşəkar komandalarının fəaliyyəti ilə əyani şəkildə tanış olublar.

Səfər zamanı jurnalistlərə bildirildi ki, 8209 çarpayılıq xəstəxanada - 12 əməliyyat və 2 anjio otağı, 156 stasionar xəstə çarpayısı, 28 yerlik ümumi reanimasiya bölməsi, 6 yerlik ürək-damar cərrahiyyə reanimasiya bölməsi, 7 yerlik yenidoğulmuşların reanimasiyası bölməsi və təcili yardım şöbəsində 12 çarpayı mövcuddur.

Mediatur zamanı media nümayəndələri ilk olaraq pediatriya və estetika şöbəsində olublar. Daha sonra, jurnalistlər xəstəxananın bütün digər şöbələrinin fəaliyyəti ilə əyani şəkildə tanış olublar.

Mediatur zamanı diqqətçəkən məqamlardan biri də xəstəxananın vertolyotla xəstə qəbul etmək imkanının olması məsələsi oldu. Tur çərçivəsində jurnalistlər eniş zolağı və helikopter zonası ilə də tanış olublar.

Mediatur çərçivəsində fizioterapiya şöbəsində YAŞAT fondunun dəstəyi ilə müharibə qazilərinin müalicə aldığı da iştirakçıların diqqətinə çatdırılıb. O da bildirildi ki, "Neftçi" və "Qarabağ" futbol klublarına sponsorluq edən hospitalda adıçəkilən klubların oyunçuları da tibbi xidmət dəstəyi alanlar sırasındadırlar.

Turun sonunda hospitalın konfrans zalında media nümayəndələri üçün mətbuat konfransı təşkil olunub. Konfransda hospitalın baş direktoru Taner Özbək, cərrah-transplontoloq Eldar Əhmədov və baş həkim Cabir Gülmalıyev iştirak edib. Tədbiri giriş nitqi ilə Taner Özbək açıb. Onlar jurnalistlərin suallarını cavablandırıb.

Əməliyyat olunan xəstələr media işçiləri ilə təəssüratlarını bölüşüb.

Medianın sonunda jurnalistlər üçün ziyafət süfrəsi təşkil olunub.

Əlavə məlumat üçün qeyd edək ki, “Liv Bona Dea Hospital” 2013-cü ildən Türkiyədə fəaliyyət göstərən "Liv Hospital " şəbəkəsinin ölkə xaricində olan ən önəmli investisiyalarından biridir. "Bona Dea International Hospital" və "Liv Medical Group" arasında bağlanan müqaviləyə əsasən hospital “Liv Bona Dea” brendi adıyla sağlamlıq sahəsində yüksək səviyyəli xidmət göstərir. Burada qaraciyər transplantasiyası, ürək-damar xəstəlikləri, qabaqcıl onkoloji əməliyyatlar, ortopedik cərrahiyyə, onurğa cərrahiyyəsi, doğuşdan etibarən hər cür rutin və genetik skrinning testləri, diaqnostika və müalicə xidmətləri mövcuddur. Həmçinin sağlamlıq risklərinin qiymətləndirilməsi üçün xüsusi check-up proqramlarından fərdiləşdirilmiş üzvlük sistemlərinə, evdə qulluq xidmətləri və onlayn müayinələrə qədər bir sıra xidmətlər təklif olunur. Hospitalımızda ürək-damar cərrahiyyəsi, invaziv-kardiologiya, mamalıq-ginekologiya, neonatologiya, pediatriya, təcili tibbi yardım, reanimasiya, süni mayalanma, ümumi cərrahiyyə, ortopediya-travmatologiya, neyrocərrahiyyə, otolarinqologiya, oftalmologiya, urologiya, anesteziologiya, daxili xəstəliklər, qastroenterologiya, nevrologiya, radiasiya diaqnostikası, tibbi laboratoriyalar, onkologiya, stomatologiya, qan bankı, fizioterapiya-reabilitasiya və mərkəzi sterilizasiya kimi sağlamlıq xidməti sahələri var.

209 çarpayılıq xəstəxanada- 12 əməliyyat və 2 anjio otağı, 156 stasionar xəstə çarpayısı, 28 yerlik ümumi reanimasiya bölməsi , 6 yerlik ürək-damar cərrahiyyə reanimasiya bölməsi, 7 yerlik yenidoğulmuşların reanimasiyası bölməsi və təcili yardım şöbəsində 12 çarpayı mövcuddur. Xəstəxanadakı tibbi avadanlıqlar ABŞ, Almaniya, Yaponiya, İtaliya, Fransa, İngiltərə, İsveç, Belçika və İspaniyanın aparıcı şirkətləri tərəfindən istehsal olunub.

Yüksək standartlara cavab verən hospital ölkəmizdə və regionda Beynəlxalq Birgə Komissiya (JCI) tərəfindən 100% nəticə ilə qiymətləndirilən ilk səhiyyə müəssisəsidir.

Hospitalın açılışı Prezident İlham Əliyev və birinci xanım Mehriban Əliyevanın iştirakı ilə 27 mart 2018-ci ildə reallaşdırılıb.

Paylaş:

Baxılıb: 681 dəfə