Ulu Öndər Azərbaycan dövlətini məhv olmaqdan xilas etdi

Bakı:

19 °C

63 %

15 m/s

Əlaqə

AZ RU EN

Ana səhifə / Xəbər lenti / Ulu Öndər Azərbaycan dövlətini məhv olmaqdan xilas etdi

Ulu Öndər Azərbaycan dövlətini məhv olmaqdan xilas etdi

13.06.2022 [19:18]

Hər bir xalqın taleyində bir xilaskar və o xilaskarın missiyasının başladığı gün hər zaman əbədi olaraq tarixə yazılır. Azərbaycanda da belə bir məhz Ulu Öndər Heydər Əliyevin adı ilə bağlıdır. 1969-1982-ci illərdə ulu öndər Heydər Əliyevin birinci rəhbərliyi dövründə Azərbaycandakı inkişaf və dinamika Azərbaycanı postsovet ölkələri arasında birinci yerlərə gətirib çıxarmışdı. Azərbaycanda bir sıra zavod fabriklərin açılması və ən əsası Cəmşid Naxçıvanski adına hərbi məktəbinin açılamsı gəlcəkdə müstəqillik əldə edəcək olan Azərbaycan Respublikası üçün ən böyük xidmət idi. Keçmiş SSRİ-də Mixail Qorbaçovun hakimiyyəti gəlməsindən sonra böyük ədalətsizliklə üzləşərək tutduğu vəzifələrdən uzaqlaşan Heydər Əliyevin hakimiyyətdən getməsi əlbətdəki Azərbaycanın əlehinə çalışan qüvvələrin reallaşmasına səbəb oldu. Ancaq Heydər Əliyevin hakimiyyətdən getməsindən sonra baş qaldırmaq cəsarəti tapan ermənilər Qərbi Azərbaycan camaatını öz dədə-baba yurdlarından deportasiya etdilər. Əlbətdəki bununla yetinməyən Ermənistan keçmiş Dağlıq Qarabağda Topxana meşəsini qırmaqla və Azərbaycan xalqını qıcıqlandıracaq addımlar atdılar. Ən sonuncu və böyük addım keşmiş Dağlıq Qarabağ bölgəsini Ermənistana birləşdirmək arzuları idi. Təbii ki, Azərbaycan xalqı artıq bu cür haqsızlıqlara dözə bilməzdi. Hər kəs Azadıq meydanına toplandı və “Azadlıq” şüarı altında birləşdilər. Gözü dönmüş SSRİ rəhbərliyi Azadıq haqqını tələb edən xalqın üzərinə 1990-cı ilin 19-undan 20-sinə keçən gecə Bakıya qoşun yeridərək qanunsuz şəkildə əliyalın insanları atəşə tutdular. Əlbətdəki bununla Azərbaycan xalqı geri çəkilmədi. Qanlı 20 Yanvar faciəsinə ilk reaksiyanı da SSRİ-nin paytaxtı olan Moskvada öz həyatını təhlükəyə ataraq Moskvadakı Azərbaycanın daimi nümayəndəliyinə gedərək məhz Ulu Öndər Heydər Əliyev bildirdi. Bu qətliamı törədənlərin tez bir zaman cəzalandırılmasını tələb etdi.

Azərbaycan xalqı bu cür ağır əziyyətlə öz qəhrəman oğul qızları sayəsinə öz müstəqilliyin əldə etdi. 1990-cı ilin iyulunda Azərbaycana qayıdan Heydər Əliyev ilk əvvəl Bakıda, sonra isə Naxçıvanda yaşamış, həmin ildə də Azərbaycan Ali Sovetinə deputat seçilmişdir. Azərbaycan xalqı 1992-93-cü illlərdə ağır günlər yaşadı. Haklimiyyəti zəbt etmiş AXC-Müsavat cütlüyünün yarıtmaz fəaliyyəti, hakimiyyət davası, milli maraqların şəxsi ambisiyara qurban verilməsi, xaos, anarxiya Azərbaycan dövlətçiliyini məhv olmaq təhlükəsi ilə üz-üzə qoymuşdu. Separatizm, Gəncə qiyamı və vətəndaş müharibəsi müstəqilliyin itirilməsi təhlükəsi yaratdı. Xalq əmin idi ki, belə vəziyyətdə çıxış yolu, nicat, ümid qapısı yalnız Heydər Əliyevdir. Yalnız dahi Heydər Əliyev xalqı bəlalardan xilas edə bilərdi. Surət Hüseynovun qiyamı məhdud Gəncə civarlarından çıxaraq, üzü Bakıya doğru geniş miqyas alırdı. Ölənlər və yaralananlar var idi. Belə bir vaxtda hakimiyyətdə olan qüvvələr Naxçıvan Ali Məclisinin sədri Heydər Əliyevi Bakıya dəvət etmək qərarına gəldi. Xalqın təkidli tələbindən sonra Ulu Öndərimiz Bakıya qayıtdı.

Xalqı ilə birlikdə olduğunu bəyan edən ulu öndər Heydər Əliyevin 1993-cü il iyunun 9-da Bakıya gəlişi, qardaş qırğınının qarşısını almaq istiqamətində göstərdiyi səylər Onun üzərindəki Vətən, xalq sevgisinin aydın ifadəsi idi. Ümummilli Lider iyunun 15-də Azərbaycan Ali Sovetinin Sədri seçildi, iyulun 24-də isə Milli Məclisin qərarı ilə Azərbaycan Respublikası Prezidentinin səlahiyyətlərini həyata keçirməyə başladı. 1993-cü il oktyabrın 3-də ümumxalq səsverməsi nəticəsində Ulu Öndər Azərbaycan Respublikasının Prezidenti seçildi. Dahi şəxsiyyət Heydər Əliyevin dahiyanə uzaqgörənliklə müəyyənləşdirdiyi siyasət nəticəsində müstəqil Azərbaycan xaos, anarxiya, özbaşınalıq və iqtisadi böhrandan xilas oldu, sabitlik, inkişaf dövrünə qədəm qoydu. 1993-2003-cü illər tariximizdə dirçəliş, inkişaf dövrü kimi yazıldı. Möhtərəm Prezidentimiz, Müzəffər Ali Baş Komandan İlham Əliyev son 18 ildən artıq dövrdə Heydər Əliyev siyasətini bütün sahələrdə uğurla davam etdirərək adını qalib ölkənin qalib Lideri kimi tarixə yazdı.

Fidan Əliyeva,
Yeni Azərbaycan Partiyası Xətai rayon təşkilatının əməkdaşı

Paylaş:

Baxılıb: 653 dəfə